ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಪ್ರಕೃತಿ ಆನಿ ಮನೀಸ್ (- ಮಾಧವ್ ಬೋರ್ಕರ್)

ಹಿ ಪ್ರಕೃತಿ ಯುಗಾಂ ಥಾವ್ನ್ ಆಸಾ, ಆನಿ ಮನೀಸ್ ಕೆದ್ನಾಕೀ, ಕಸೊಕೀ ಹ್ಯಾ ಸಂಸಾರಾಕ್ ಯೆವುನ್ ಹ್ಯಾ ಪ್ರಕೃತಿಚೆರ್ ಅಪ್ಲೆಂ ಬಳ್ ದಾಕಂವ್ಕ್ ದೀಸ್ ಗೆಲ್ಲೆಪರಿಂಚ್ ಎಕೆಕಾ ವಾಟೆನ್ ಹ್ಯಾ ಪ್ರಕೃತಿಚೆರ್ ಅನೀತ್ ಕರುನ್ ಗೆಲೊ. ರಾನಾಂ ಕಾತರ್ಲಿಂ, ನ್ಹಂಯೊ ಪುರ್ಲ್ಯೊ, ಶೆತಾಂನಿ ಭಾಂದ್ಪಾಂ ಭಾಂದ್ಲಿಂ. ಹಿ ಪ್ರಕೃತಿ ಕೆದನಾಂಚ್ ಫಕತ್ ಮನಶಾಕ್ ಮ್ಹಣುನ್ ಆಸ್ಲಿ ನ್ಹಯ್. ಹಾಂತುನ್ ಜಾನ್ವಾರಾಂ ಲೆಗುನ್ ಜಿಯೆತಾಲಿಂ, ಸುಕಣಿಂ ಸಯ್ತ್ ಜಿಯೆತಾಲಿಂ ಪುಣ್ ಆಜ್ ತೆಚ್ ಜಾನ್ವಾರಾಂಚೊ ಆಸ್ರೊ ಮನಶಾನ್ ಕಾಡಲಾ, ತೆಚ್ ಸುಕಣ್ಯಾಂಚಿಂ ಘೊಂಟೆರಾಂ ಮನಶಾನ್ ನಾಸ್ ಕೆಲ್ಯಾಂತ್ ತರ್‌ಯೀ ಕೆದ್ನಾಂ ತ್ಯೊ ಜಾನ್ವಾರಾಂ ಮನಶಾಕ್ ಪಾತ್ಯೆವ್ನ್ ಮನಶಾಲಾಗಿಂ ಯೆತಾ ಪುಣ್ ಮನೀಸ್ ಅಪಣಾಕ್ ಕೊಣಾಚಿಚ್, ವ ಕಸಲಿಚ್ ಗರಜ್ ನಾ ಮ್ಹಳ್ಳ್ಯಾ ಅಹಂಭಾವಾನ್ ಜಿಯೆಂವ್ಕ್ ಲಾಗಲಾ. ಫಕತ್ ದೋನ್ ಮಯ್ನ್ಯಾಂನಿ ಸಂಸಾರಾಂತ್ ಕುರ್ಡೊ ಜಾವ್ನ್ ಜಿಯೆತೆಲ್ಯಾ ಮನಶಾಕ್ ಹಳತಾರ್ ಕಳುನ್ ಆಯ್ಲೆಂ ಪ್ರಕೃತೆಶಿವಾಯ್ ಮನಿಸ್ ಅಧುರೊ. ಪುಣ್ ವ್ಹಡ್ ಪ್ರಶ್ನ್ ಹೊ - ಹೆಂ ಕಿತಲೆ ಸಮ್ಜತಾತ್?

ಬಾಬ್ ಮಾಧವ್ ಬೋರ್ಕರ್ ಕೊಂಕಣಿಂತಲೊ ಉಂಚ್ಲೊ ಕವಿ ಮ್ಹಳ್ಳೆಂ ಹಾಂಚಿಂ ಎಕೇಕ್ ಕವಿತಾ ಗವಾಯ್ ದಿತಾತ್. ಹಿ ಅಮೂರ್ತ್ (Abstract poetry) ಕವಿತಾ ತರ್‌ಯೀ ಹಾಂತಲೆಂ ಚಿಂತಪ್ ಸಾದೆಂ ಆಸಾ ಆನಿ ಕವಿತೆಚೆಂಚ್ ತೆಂ ಚಿಂತಪ್ ಜಾಲ್ಲ್ಯಾನ್ ಕವಿತಾರಸಿಕ್ ಹ್ಯಾ ಕವಿತೆಕ್ ಖೂಪ್ ಖಾಯ್ಸ್ ಕರಚ್ಯಾಂತ್ ದುಭಾವ್ ನಾ.

- ಸಂ

[ಕವಿತಾ] ಪ್ರಕೃತಿ ಆನಿ ಮನೀಸ್ (- ಮಾಧವ್ ಬೋರ್ಕರ್)

ಪ್ರಕೃತಿ ಆನಿ ಮನೀಸ್ ಸುರಂಗಾಂ ಕಶೆಂ ವತ್ ಪಿಕೆವೆಲ್ಯಾ ಶೆತಾರ್ ಉದೆತಾ ನಕ್ಷಿ ತಶಿ ಮೆಥ್ಯೆಚ್ಯಾ ಹಾತಾರ್. ಶೆತಾಚೆರ್ ಭೊಂವ್ರ್ ಭಿರ್ಯಾಂಚಿ ತಿರ್ಪಿ ಸುರ್ಯಾಚಿ ಸಾವ್ಳಿ ಮನಾರ್ ಧರ್ಪಿ. ಸಳ್ಸಳಪಿ ವಾರ್ಯಾರ್ ವಾಚ್ತಾಂ ಝಾಡಾಂಚಿಂ ಪಾನಾಂ ಜೊಗ್ಲಾವತಾ ಶಿರಂತ್ರಾಂ ರಗ್ತಾಂತಲಿಂ ಕೆಣಾಂ. **** - ಮಾಧವ್ ಬೋರ್ಕರ್**. [ಜ್ಯೂನ್, 2020]

	ಮಾಧವ್ ಬೋರ್ಕರ್: ಏಕ್ ಶಿಕ್ಷಕ್ ಜಾವ್ನ್, ತಶೆಂಚ್ ಆಕಾಶ್‌ವಾಣಿಚೆರ್ ಥೊಡಿಂ ವರ್ಸಾಂ ವಾವ್ರ್ ಕೆಲ್ಲೊ ಕವಿ ಬಾಬ್ ಮಾಧವ್ ಬೋರ್ಕರ್ ಗೊಂಯ್ಚೊ ನಾಮ್ಣೆಚೊ ಕವಿ, ಚಿಂತ್ಪಿ ತಶೆಂಚ್ ವಿಶ್ಲೇಷಕ್. ’ಮಳಬಾಚೆಂ ಜನೆಲ್’ ತಾಚೊ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಕವಿತಾಜಮೊ. ’ಚಂವರ್’, ’ವೊತಾಚ್ಯೊ ಸಾವಳ್ಯೊ’, ’ಉಜ್ವಾಡಾಚೊ ರೂಕ್’, ’ಪರ್ಜಳಾಚೆಂ ದಾರ್’, ’ಯಮನ್’, ’ಅವ್ಯಕ್ತಾಚೀಂ ಗಾಣೀಂ’, ’ಸಿಂಫನೀ’ - ಹಾಚೆ ಹಾಚ್ಯಾಧಿಂ ಪರ್ಗಟ್ ಜಾಲ್ಲೆ ಕವಿತಾಜಮೆ. ಸಭಾರ್ ಪುರಸ್ಕಾರ್/ಇನಾಮಾಂ ಹಾಂಚ್ಯಾ ಸಾಹಿತ್ಯಾಕ್ ಲಾಭ್ಲಾಂ, ’ಯಮನ್’ ಕವಿತಾಜಮ್ಯಾಕ್ ಕೇಂದ್ರ್ ಸಾಹಿತ್ ಅಕಾಡೆಮಿಚೊ ಪುರಸ್ಕಾರ್ ಹಾಂಕಾಂ ಲಾಭ್ಲಾ.
[kovita] Prokriti ani monis* (- Madhav Borcar)*
Hi prokriti yugam thaun asa, ani monis kednaki, kosoki hea somsarak yevun hea prokriticher oplem boll dakounko dis gel'leporinch ekeka vatten hea prokriticher onit korun gelo. Ranam katorlim, nhomyo purleo, xetamni bhandpam bhandlim. Hi prokriti kedonanch fokot monoxak mhonnun asli nhoi. Hantun zanvaram legun jietalim, sukonnim soit jietalim punn az tech zanvarancho asro monoxan kaddola, tech sukonneanchim ghontteram monoxan nas keleant tor‌yi kednam teo zanvaram monoxak patyeun monoxalagim yeta punn monis oponnak konnachich, vo kosolich goroz na mholl'llea ohombhavan jieunko lagola. Fokot don moineamni somsarant kurddo zaun jietelea monoxak hollotar kollun ailem prokritexivai monis odhuro. Punn vhodd proxn ho - hem kitole somzotat? Bab Madhou Borkor konkonnintolo unchlo kovi mholl'llem hanchim ekek kovita govai ditat. Hi omurt (Abstract Poetry) kovita tor‌yi hantolem chintop sadem asa ani kovitechench tem chintop zal'lean kovitarosik hea kovitek khup khais korocheant dubhavo na. - Som
[kovita] Prokriti ani monis* (- Madhav Borcar)*
Prokriti ani monis Surongam koxem vot pikevelea xetar udeta nokxi toxi methyechea hatar. Xetacher bhomvr bhireanchi tirpi sureachi saulli monar dhorpi. Sollsollopi varear vachtam zhaddanchim panam zoglauta xirontram rogtantolim kennam. **** - Madhav Borcar.** [Jun, 2020]

	Madhav Borcar: ek xikxok zaun, toxench akax‌vannicher thoddim vorsam vaur kel'lo kovi bab madhou borkor gõycho namnnecho kovi, chintpi toxench vixlexok. ’Mollobachem Zonel’ tacho ailevar porgott zal'lo kovitazomo. ’chomvor’, ’Votacheo Saulleo’, ’Ujvaddacho Ruk’, ’Porzollachem Dar’, ’Yomon’, ’Ovyoktachim Gannim’, ’Simfoni’ - hache hacheadhim porgott zal'le kovitazome. Sobhar puroskar/inamam hanchea sahiteak labhlam, ’Yomon’ kovitazomeak kendr sahit okaddemicho puroskar hankam labhla.
[कविता] प्रकृती आनी मनीस (- माधव बोर्कर)
ही प्रकृती युगां थावन आसा, आनी मनीस केदनाकी, कसोकी ह्या संसाराक येवून ह्या प्रकृतिचेर अपलें बळ दाकवंक दीस गेल्लेपरिंच एकेका वाटेन ह्या प्रकृतिचेर अनीत करून गेलो. रानां कातरलीं, न्हंयो पुरल्यो, शेतांनी भांदपां भांदलीं. ही प्रकृती केदनांच फकत मनशाक म्हणून आसली न्हय. हांतून जान्वारां लेगून जियेतालीं, सुकणीं सयत जियेतालीं पूण आज तेच जान्वारांचो आस्रो मनशान काडला, तेच सुकण्यांचीं घोंटेरां मनशान नास केल्यांत तर‌यी केदनां त्यो जान्वारां मनशाक पात्येवन मनशालागीं येता पूण मनीस अपणाक कोणाचीच, व कसलीच गरज ना म्हळ्ळ्या अहंभावान जियेवंक लागला. फकत दोन मयन्यांनी संसारांत कुर्डो जावन जियेतेल्या मनशाक हळतार कळून आयलें प्रकृतेशिवाय मनीस अधुरो. पूण व्हड प्रश्न हो - हें कितले समजतात? बाब माधव बोर्कर कोंकणिंतलो उंचलो कवी म्हळ्ळें हांचीं एकेक कविता गवाय दितात. ही अमूर्त कविता तर‌यी हांतलें चिंतप सादें आसा आनी कवितेचेंच तें चिंतप जाल्ल्यान कवितारसीक ह्या कवितेक खूप खायस करच्यांत दुभाव ना. - सं
[कविता] प्रकृती आनी मनीस (- माधव बोर्कर)
प्रकृती आनी मनीस सुरंगां कशें वत पिकेवेल्या शेतार उदेता नक्षी तशी मेथयेच्या हातार. शेताचेर भोंवर भिऱ्यांची तिरपी सुर्याची सावळी मनार धरपी. सळसळपी वाऱ्यार वाचतां झाडांचीं पानां जोगलावता शिरंत्रां रगतांतलीं केणां. **** - माधव बोर्कर.** [ज्यून, २०२०]

	माधव बोर्कर: एक शिक्षक जावन, तशेंच आकाश‌वाणिचेर थोडीं वर्सां वावर केल्लो कवी बाब माधव बोर्कर गोंयचो नामणेचो कवी, चिंत्पी तशेंच विशलेषक. ’मळबाचें जनेल’ ताचो आयलेवार पर्गट जाल्लो कविताजमो. ’चंवर’, ’वोताच्यो सावळ्यो’, ’उज्वाडाचो रूक’, ’पर्जळाचें दार’, ’यमन’, ’अव्यक्ताचीं गाणीं’, ’सिंफनी’ - हाचे हाच्याधीं पर्गट जाल्ले कविताजमे. सभार पुरसकार/इनामां हांच्या साहित्याक लाभलां, ’यमन’ कविताजम्याक केंद्र साहीत अकाडेमिचो पुरसकार हांकां लाभला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.