![]() |
|
[ಖಬರ್:]
ದಾಯ್ಜಿದುಬಾಯ್ ಸಂಘಟನಾಚೊ ತೆವಿಸಾವೊ ವಾರ್ಶಿಕುತ್ಸವ್ |
|
ದಾಯ್ಜಿದುಬಾಯ್ ಸಂಘಟನಾಚೊ ತೆವಿಸಾವೊ
ವಾರ್ಶಿಕುತ್ಸವ್ (30-4-2023)
"ದಾಯ್ಜಿ
ದುಬಾಯ್ ಸಾಹಿತಿಕ್ ಪ್ರಶಸ್ತಿ" - ವಲ್ಲಿ ಕ್ವಾಡ್ರಸ್ ಹಾಕಾ
ಆನಿ "ಕಲಾ ಚತುರ್ " ಬಿರುದ್ ಕ್ರಿಸ್ಟಿ ನಿನಾಸಂ ಹಾಕಾ
ಕೊಂಕಣಿ ಭಾಸ್,
ಸಂಸ್ಕ್ರತಿ ಆನಿ ಕಲೆಚೊ ಪೊಸ್ ಕರ್ಚ್ಯಾ ಉದ್ದೇಶಾನ್
1999
ವ್ಯಾ ವರ್ಸಾ "ದಾಯ್ಜಿ ದುಬಾಯ್" ನಾಂವಾಖಾಲ್ ಆರಂಭ್
ಜಾಲ್ಲ್ಯಾ ಸಂಯುಕ್ತ್ ಆರಭ್ ಎಮಿರೆತಾಂತ್ಲ್ಯಾ ಕೊಂಕ್ಣಿ
ಬರೊವ್ಪ್ಯಾಂಚ್ಯಾ ಎಕ್ತಾರಾಕ್
April 30 , 2023
ವೊ
ದಿವಸ್ ಉಗ್ಡಾಸಾಂತ್ ಉರ್ಚ್ಯಾ ತಸಲೊ ಜಾಂವ್ಕ್ ಪಾವ್ಲೊ.
ಡಯಾನ್ ಡಿ’ಸೋಜಾ ಮುಕಾಮರ್,
ವಾಲ್ಟರ್ ನಂದಳಿಕೆ,
ಮೆಲ್ವಿನ್ ರೋಡ್ರಿಗಸ್,
ಸ್ಟ್ಯಾನಿ ಪಿಂಟೊ ನಿರುಡೆ ಆನಿ ಸ್ಟೀಫಾನ್ ಮಸ್ಕರೇನ್ಹಾಸ್
(ಹೇಮಾಚಾರ್ಯಾ) ಹಾಂಚ್ಯಾ ದೂರ್‌ದ್ರಷ್ಟೆನ್ ಘಡ್‍ಲ್ಲ್ಯಾ
ಹ್ಯಾ ಸಂಘಟನಾಂತ್ ಆತಾಂ
3
ಡಜನಾಚ್ಯಾಕಿ ಚಡ್ತಿಕ್ ಸಾಂದೆ ಆಸಾತ್.
April 30 , 2023
ವ್ಯಾ ದಿಸಾ ದುಬಾಯಾಂತ್ಲ್ಯಾ ಎಮಿರೆಟ್ಸ್ ಇಂಟರ್‌ನ್ಯಾಶನಲ್
ಸ್ಕೂಲ್,
ಆಡಿಟೊರಿಯಂ ಹಾಂತುಂ ದಾಯ್ಜಿ ದುಬಾಯ್ ಸಂಘಟನಾನ್ ಆಪ್ಲೊ
23
ವೊ ವಾರ್ಶಿಕ್ ದಿವಸ್ ಆಚರಣ್ ಕೆಲೊ.ದಾಯ್ಜಿ ಶಿರ್ಶಿಕ್
ಗಿತಾ ಸವೆಂ ಆರಂಭ್ ಜಾಲ್ಲ್ಯಾ ಕಾರ್ಯಾಂತ್,
ದಾಯ್ಜಿ ಸಾಂದೊ ಆನಿ ಪಯ್ಲಿ ದಾಯ್ಜಿ ದುಬಾಯ್ ಸಾಹಿತಿಕ್
ಪ್ರಶಸ್ತಿ ವಿಜೇತ್ ಸಿರಿಲ್ ಗ್ರೆಗೊರಿ ಸಿಕ್ವೇರಾ (
ಸಿಜ್ಯೇಸ್ ತಾಕೊಡೆ ) ಹೊ ಆದ್ಲ್ಯಾ ವರ್ಸಾ ಆಮ್ಕಾಂ
ಸರ್ವಾಂಕ್ ಸಾಂಡುನ್ ತಾಚ್ಯಾ ಸಾಸ್ಣಾಚ್ಯಾ ಪಯ್ಣಾಕ್
ಭಾಯ್ರ್ ಸರೊನ್ ಗೆಲ್ಲೊ ಆಸ್ತಾಂ ದಾಯ್ಜಿ ದುಬಾಯ್
ಸಂಘಟನಾನ್ ತಾಕಾ ಭೊವ್ ಆರ್ಥಾಭರಿತ್ ರಿತಿನ್ ಶ್ರದ್ದಾಂಜಲಿ
ಭೆಟಯ್ಲಿ.ದಾಯ್ಜಿ ದುಬಾಯ್ ಸಂಸ್ಥಾಪಕ್ ಆನಿ ಪಯ್ಲೊ
ಸಂಚಾಲಕ್ ಮಾನೇಸ್ತ್ ಡಯಾನ್ ಡಿ’ಸೋಜಾ ಮುಕಾಮರ್ ಆನಿ
ಪ್ರಸ್ತುತ್ ಸಂಚಾಲಕ್ ಮಾನೇಸ್ತ್ ನಾನು ಮರೋಲ್ ತೊಟ್ಟಾಮ್
ಹಾಣಿಂ ಸಿಜ್ಯೇಸ್ ತಾಕೊಡೆಚಿ ಧುವ್ ಶ್ರೀಮತಿ ವಿನಿತಾ
ಡಿ’ಸೋಜಾ,
ಜಾಂವಯ್ ಶ್ರೀ ಆಶ್ವಿನ್ ಡಿ’ಸೋಜಾ,
ದಾಯ್ಜಿ ದುಬಾಯ್ ಸಂಘಟನಾಚೆ ಆದ್ಲೆ ಸಂಚಾಲಕ್ ಮಾನೇಸ್ತ್
ಸ್ಟ್ಯಾನಿ ಪಿಂಟೊ ನಿರುಡೆ
,
ಮಾನೇಸ್ತ್ ಸ್ಟ್ಯಾನ್ ಆಗೇರಾ,
ಮಾನೇಸ್ತ್ ರೊಬರ್ಟ್ ಫೆರ್ನಾಂಡಿಸ್ ಆನಿ ಮಾನೇಸ್ತ್ ದಿನೇಶ್
ಕೊರೆಯಾ ಹಾಂಕಾಂ ವೇದಿರ್ ಆಪೊವ್ನ್ ಹಾಡ್ಲೆಂ.ಸಿಜ್ಯೇಸ್
ತಾಕೊಡೆ ಹಾಚ್ಯಾ ಜಿವಿತಾ ವಯ್ರ್ ತಯಾರ್ ಕೆಲ್ಲೆಂ ಎಕ್
ಕಿರುಚಿತ್ರ್ ಪ್ರದರ್ಶಿತ್ ಜಾಲ್ಲ್ಯಾ ಉಪ್ರಾಂತ್ ವೇದಿರ್
ಆಸ್ಲ್ಲ್ಯಾ ಸರ್ವಾಂನಿ ಸಿಜ್ಯೇಸ್ ತಾಕೊಡೆ ಹಾಚ್ಯಾ
ತಸ್ವಿರೆಕ್ ಫುಲಾಂಚ್ಯೊ ಪಾಕ್ಳ್ಯೊ ಆರ್ಪುನ್ ಮಾನ್ ಕೆಲೊ.
ದಾಯ್ಜಿ ದುಬಾಯ್ ಸಂಘಟನಾನ್,
ದಾಯ್ಜಿ ದುಬಾಯ್ ಸಾಹಿತಿಕ್ ಪ್ರಶಸ್ತಿ ವಿಜೇತ್ -
2022
ಮಾನೇಸ್ತ್
ವಲ್ಲಿ ಕ್ವಾಡ್ರಸ್ ಆಜೆಕಾರ್ ಹಾಚ್ಯಾ ಸಾಹಿತಿಕ್ ಪಯ್ಣಾಚೊ
ಸಂಪೂರ್ಣ್ ವಿವರ್ ದಿಂವ್ಚೆಂ ಕಿರುಚಿತ್ರ್ ತಯಾರ್ ಕರುನ್
ಪ್ರಶಸ್ತಿ ಹಸ್ತಾಂತರ್ ಕಾರ್ಯಾ ಪಯ್ಲೆಂ ಪಡ್ದ್ಯಾರ್
ಪ್ರದರ್ಶಿತ್ ಕೆಲೆಂ.ದಾಯ್ಜಿ ದುಬಾಯ್ ಸಂಸ್ಥಾಪಕ್ ಆನಿ
ಪಯ್ಲೊ ಸಂಚಾಲಕ್ ಮಾನೇಸ್ತ್ ಡಯಾನ್ ಡಿ’ಸೋಜಾ ಮುಕಾಮರ್ ಆನಿ
ಪ್ರಸ್ತುತ್ ಸಂಚಾಲಕ್ ಮಾನೇಸ್ತ್ ನಾನು ಮರೋಲ್ ತೊಟ್ಟಾಮ್
ಹಾಣಿಂ ಮುಖೆಲ್ ಸಯ್ರೆ ಮಾನೇಸ್ತ್ ಜೆಮ್ಸ್ ಮೆಂಡೊನ್ಸಾ
,
ಮಾನೇಸ್ತ್ ಜೊಸೆಫ್ ಮಥಾಯಸ್ ಆನಿ ಮಾನೇಸ್ತ್ ಲ್ಯಾನ್ಸಿ
ಡಿ’ಸೋಜಾ ಹಾಂಕಾಂ ವೇದಿಕ್ ಆಪೊವ್ನ್ ಹಾಡುನ್ ಫುಲಾಂಚ್ಯಾ
ಬುಕ್ಕ್ಯಾಂ ಸವೆಂ ಉಲ್ಲಾಸುನ್ ಸ್ವಾಗತ್ ಕೆಲೊ.
ಸಂಚಾಲಕ್ ನಾನು ಮರೋಲ್ ತೊಟ್ಟಾಮ್ ಹಾಣೆ ಆಯಿಲ್ಲ್ಯಾ
ಸರ್ವಾಂಕ್ ಸ್ವಾಗತ್ ಕೆಲೊ.
ಆಪ್ಲ್ಯಾ ಸ್ವಾಗತ್ ಉಲೊವ್ಪಾಂತ್ ತಾಣೆ ದಾಯ್ಜಿ ದುಬಾಯ್
ಸಂಘಟನಾನ್ ಕೆಲ್ಲ್ಯಾ ವಿವಿಧ್ ವಾವ್ರಾಚೊ ವಿವರ್ ದಿಲೊ
ಮಾತ್ರ್ ನ್ಹಂಯ್ ಆಸ್ತಾಂ ಹೆಂ ಸಾಧ್ಯ್ ಜಾಲೆಂ ಕೇವಲ್
ಉದಾರ್ ಮನಾಚ್ಯಾ ಪೊಷಕಾಂ ವರ್ವಿಂ.ಕೊಂಕ್ಣಿ ಆಮ್ಚಿ
ಮಾಂಯ್‍ಭಾಸ್ ಆನಿ ತಿಚೊ ಪೊಸ್ ಕರ್ಚೊ ಆಮ್ಚೊ ಕಾಯ್ದೊ
ಮುಳ್ಳ್ಯಾ ಬರಿ ತೆ ಆಮ್ಚ್ಯಾ ಕೊಂಕ್ಣಿ ವಾವ್ರಾಕ್ ಸಾಂಗಾತ್
ದೀವ್ನ್ ಆಸಾತ್.
ತಾಂಚೊ ಸಾಂಗಾತ್ ಆಸ್ಲ್ಲ್ಯಾ ಆಯ್ಚ್ಯಾ ದಿಸಾ ಆಮ್ಕಾಂ
ಎದೆಂ ವ್ಹಡ್ ಕಾರ್ಯೆಂ ಆಸಾ ಕರುಂಕ್ ಸಾಧ್ಯ್ ಜಾಲೆಂ
ಮುಣೊನ್ ಸಾಂಗೊನ್ ಸಾಂಗಾತ್ ದಿಲ್ಲ್ಯಾ ಆಯೋಜಕಾಂಕ್,
ಕಾರ್ಯೆಂ ಪಳೆಂವ್ಕ್ ಆಯಿಲ್ಲ್ಯಾ ಪ್ರೇಕ್ಷಕಾಂಕ್ ಆನಿ
ಸಯ್ರೆ ಜಾವ್ನ್ ಆಯಿಲ್ಲ್ಯಾ ಕಲಾಕರಾಂಕ್ ಎಕ್‍ಚ್ ಉತ್ರಾನ್
ಸ್ವಾಗತ್ ಕೆಲೊ.
ಆಪ್ಲ್ಯಾ ಭಲಾಯ್ಕೆ ನಿಮ್ತಿಂ ಪಯ್ಣ್ ಕರುಂಕ್
ಆಡ್ವಾರ್‌ಲ್ಲ್ಯಾನ್ ಮಾನೇಸ್ತ್ ವಲ್ಲಿ ಕ್ವಾಡ್ರಸಾನ್
ದಾಡ್‍ಲ್ಲೊ ಸಂದೇಶ್ ಲೊಕಾಂಕ್ ಆಯ್ಕೊಂಕ್ ಕೆಲೊ.ಆಪ್ಲ್ಯಾ
ಸಂದೇಶಾಂತ್ ಮಾನೇಸ್ತ್ ವಲ್ಲಿ ಕ್ವಾಡ್ರಸಾನ್ ಕೊಂಕ್ಣಿ
ಭಾಶೆಕ್ ಪ್ರತ್ಯೇಕ್ ಜಾವ್ನ್ ಕೊಂಕ್ಣಿ ಸಾಹಿತ್ಯಾಕ್ ತೆಂಕೊ
ದಿಂವ್ಚ್ಯಾ ಉದ್ದೇಶಾನ್ ತುಮಿಂ ತೆವೀಸ್ ವರ್ಸಾಂ ಆದಿಂ
ಸುರು ಕೆಲ್ಲ್ಯಾ ಮಿಸಾಂವಾಂಚೊ ಫಳ್ ಜಾವ್ನ್ ಜಾಯ್ತಿಂ
ಕೊಂಕ್ಣಿ ಸಂಘಟನಾಂ ಆಜ್ ಉದೆಲ್ಯಾಂತ್ ತಶೆಂಚ್ ಕೊಂಕ್ಣೆಂತ್
ವಾವ್ರ್ ಕರ್ತೆಲ್ಯಾಂಕ್ ಮಾನ್ ಸನ್ಮಾನ್ ದಿಂವ್ಚಿ ರಿವಾಜ್
ಸಯ್ತ್ ಸುರು ಜಾಲಿ.ದಿಸ್ಪೊಟ್ತ್ಯಾ ಗ್ರಾಸಾಕ್ ಲಾಗೊನ್
ತುಮಿಂ ಸಾತ್ ದರ್ಯೊ ಉತ್ರೊನ್ ವಾವ್ರ್ ಕರ್ಚ್ಯಾ ತುಮಿಂ
ಪರ್ಗಾವಾಂತ್ ಕೊಂಕ್ಣಿ ವಾವ್ರ್ ಕರುನ್ ಆಸಾತ್ ಮಾತ್ರ್
ನ್ಹಂಯ್,
ಕೊಂಕ್ಣಿ ಸಾಹಿತಿಕ್ ವಾವ್ರ್ ಕರ್ಚ್ಯಾ ಕೊಂಕ್ಣಿ
ವಾವ್ರಾಡಿಕ್,
ಜಾಂವ್ ತೊ ಖಂಚಾಯ್ ರಾಜ್ಯಾಂತ್ ಆಸೊಂ,
ತಾಚ್ಯಾ ಸಾಹಿತಿಕ್ ವಾವ್ರಾಚೆಂ ಬರ್ಕಾಯೆನ್ ತಜ್ವಿಜ್
ಕರುನ್ ಪುರಸ್ಕಾರ್ ದಿತಾತ್.ಮೊಜ್ಯಾ ಭಲಾಯ್ಕೆಚ್ಯಾ
ಕಾರಣಾಕ್ ಲಾಗೊನ್ ಮ್ಹಾಕಾ ಸದ್ದ್ಯಾಕ್ ವಿಮಾನಾಚೆರ್ ಪಯ್ಣ್
ಕರುಂಕ್ ಆಡ್ವಾರ್ಲಾಂ ಜಾಲ್ಲ್ಯಾನ್ ತುಮ್ಚ್ಯಾ ತೆವಿಸಾವ್ಯಾ
ವರ್ಸುಗೆ ದಿಸಾ ತುಮ್ಚ್ಯಾ ಸವೆಂ ಆಸ್ಚೆಂ ಭಾಗ್ ಚುಕ್ಲೊಲೊ
ಪಶ್ಚತ್ತಾಪ್ ಮ್ಹಾಕಾ ಆಸಾ.
ಪುಣ್ ಮ್ಹೊಜಿ ಪರಿಗತ್ ತುಮಿಂ ಸಮ್ಜೊನ್ ಮ್ಹಾಕಾ
ಸುಧಾರ್ಸುನ್ ವರ್ತೆಲ್ಯಾತ್ ಮುಣೊನ್ ಭರ್ವಾಸ್ತಾಂ.
ಕೊಂಕ್ಣಿ ಸಾಹಿತಿಕ್ ವಾವ್ರ್ ಸುರ್ವಾತ್
ಕರ್ಚ್ಯಾ ಮೊಜ್ಯಾ ಸುರ್ವಿಲ್ಯಾ ದಿಸಾಂನಿ
ಕಸಲೆಚ್ಚ್ ಪುರಸ್ಕಾರ್ ಕೊಂಕ್ಣೆಂತ್ ನಾತ್‍ಲ್ಲೆ
ಜಾಲ್ಲ್ಯಾನ್ ಎಕಾ ದಿಸಾ ಮೊಜ್ಯಾ ವಾವ್ರಾಕ್ ದಾಯ್ಜಿ
ದುಬಾಯ್ ಸಾಹಿತಿಕ್ ಪುರಸ್ಕಾರಾ ತಸಲೊ ಪ್ರತಿಶ್ಟಿತ್
ಪುರಸ್ಕಾರ್ ಆಪ್ಣಾಕ್ ಮೆಳ್ತಾಲೊ ಮುಣೊನ್ ಮೊಜ್ಯಾ ಮತಿಂತ್
ಕೆದ್ನಾಂಚ್ ನಾತ್‍ಲ್ಲೆಂ.ಪುಣ್ ಮೊಜ್ಯಾ ಹ್ಯಾ ವಾವ್ರಾಕ್
ತುಮಿಂ ದಿಲ್ಲೊ ಹೊ ಮಾನ್
,
ಕೊಂಕ್ಣೆಕ್ ದಿಲ್ಲೊ ಮಾನ್ ಮುಣೊನ್ ಲೆಖುನ್ ಭೊವ್ ವ್ಹಡಾ
ಆಭಿಮಾನಾನ್ ಹೊ ಮಾನ್ ಸ್ವಿಕಾರ್ ಕರ್ತಾಂ.
2003
ಇಸ್ವೆಂತ್ ದಾಯ್ಜಿ ದುಬಾಯ್‍ಚೆಂ ಪ್ರೇರಣ್ ಗೇವ್ನ್
ಕುವೈಟಾಂತ್ ಆರಂಭ್ ಜಾಲ್ಲ್ಯಾ ಕೊಂಕ್ಣಿ ಕುಳ್ವಾರ್
ತರ್ಪೇನ್ ಕೊಂಕ್ಣಿ ಕಲಾಕರ್ ಪುರಸ್ಕಾರ್ ಜೊ ಮಾಂಯ್‍ಭಾಸ್
ಜಾಳಿಜಾಗ್ಯಾಚೊ ಬುನ್ಯಾದಿ ನವೀನ್ ಸಿಕ್ವೇರಾ ಹಾಚೊ
ಪುರಸ್ಕಾರ್ ತಾಚ್ಯಾ ತರ್ಪೇನ್ ಘೇಂವ್ಕ್ ಮ್ಹಾಕಾ ಭಾಗ್
ಲಾಭ್‍ಲ್ಲೆಂ.ಆತಾಂ ಮ್ಹಾಕಾ ಜೊ ತುಮಿಂ ದಾಯ್ಜಿ ದುಬಾಯ್
ಸಾಹಿತಿಕ್ ಪುರಸ್ಕಾರ್ ಮ್ಹಾಕಾ ದಿಂವ್ಕ್ ಆಸಾತ್ ತೊ
ಮೊಜ್ಯಾ ತರ್ಪೇನ್ ನವೀನ್ ಸಿಕ್ವೇರಾಕ್ ದಿಂವ್ಕ್ ತುಮ್ಚ್ಯಾ
ಲಾಗಿಂ ಹಾಂವ್ ವಿನಂತಿ ಕರ್ತಾಂ.
ಕೊಂಕ್ಣಿ ವಾವ್ರಾಕ್ ನವಿ ದಿಶಾ,
ನವೆಂ ತ್ರಾಣ್,
ನವೆಂ ಚಿಂತಾಪ್,
ನವಿ ಪಿಳ್ಗಿಚ್ ತಯಾರ್ ಜಾಂವ್ಕ್ ಆಸಾ.
ಆನಿ ತ್ಯಾ ದಿಶೆನ್ ಆಮಿಂ ಸಮೇಸ್ತಾನಿ ಎಕಾ ಮ್ಹನಾಂತ್
ಥಕಾನಾಸ್ತಾನಾ ವಾವ್ರ್ ಕರುನ್ ಮುಕಾರ್ಸುನ್ ವರ್ಚಿ ಗರ್ಜ್
ಆಸಾ ಆನಿ ತ್ಯಾ ದಿಶೆನ್ ಪುಡ್ಲ್ಯಾ ದಿಸಾಂನಿ ಆಮ್ಚೆ
ಯುವಜಣ್ ಮುಕಾರ್ ಯೆತಾಲೆ ಆನಿ ಕೊಂಕ್ಣೆಕ್ ಉಂಚಾಯೆಕ್
ಪಾವಯ್ತಾಲೆ ಮುಳ್ಳ್ಯಾ ಭರ್ವಾಶ್ಯಾನ್ ಹಾಂವ್ ಆಸಾಂ ಮುಣೊನ್
ತಿಳ್ಶಿಲೆಂ.
ತಾಚೆಂ ಮಾನ್‍ಪತ್ರ್ ದಾಯ್ಜಿ ದುಬಾಯ್ ಸಂಘಟನಾಚೊ
ಸಹ-ಸಂಚಾಲಕ್ ಸುನಿಲ್ ಫೆರ್ನಾಂಡಿಸ್ ಕೋಟಾ ಹಾಣೆ
ವಾಚ್ಲೆಂ.ವೇದಿರ್ ಆಸ್ಲ್ಲ್ಯಾ ಸಯ್ರ್ಯಾಂನಿ "ದಾಯ್ಜಿ
ದುಬಾಯ್ ಸಾಹಿತಿಕ್ ಪ್ರಶಸ್ತಿ -
2022"
ವಿಜೇತ್
ಶ್ರೀ ವಲ್ಲಿ ಕ್ವಾಡ್ರಸ್ ಹಾಚೆ ಆಶೆ ಪ್ರಕಾರ್ ಮಾನೇಸ್ತ್
ನವೀನ್ ಸಿಕ್ವೆರಾ ಹಾಕಾ ಫುಲಾಂಚೊ ಬುಕ್ಕೊ,
ಮಾನ್‍ಪತ್ರ್
,
ಯಾದಿಸ್ತಿಕಾ ಆನಿ ರುಪಾಯ್
75,000
ಹಜಾರಾಂಚಿ
ಚೆಕ್ಕ್ ಹಸ್ತಾಂತರ್ ಕರುನ್ ಮಾನ್ ಕೆಲೊ.
ಮನೋರಂಜನಾಚೊ ಆಂಗ್ ಜಾವ್ನ್ ಗಾಂವಾಂತ್ ಥಾವ್ನ್ ಆಯಿಲ್ಲ್ಯಾ
ಆಸ್ಥಿತ್ವಾ ಮಂಗ್ಳೂರ್ ಪಂಗ್ಡಾ ಥಾವ್ನ್ ದೋನ್ ಆತ್ಯುತ್ತಮ್
ನಾಟಕ್ ಖೆಳೊನ್ ದಾಕಯ್ಲೆ.
ಮಾನಾಧಿಕ್ ಬಾಪ್ ದೊತೊರ್ ಆಲ್ವಿನ್ ಸೆರಾವೊ ಹಾಣಿಂ
ಬೊರೊವ್ನ್,
ಕ್ರಿಸ್ಟಿ ನಿನಾಸಂ ಹಾಣೆಂ ನಿರ್ದೇಶನ್ ಕೆಲ್ಲೊ "ಸಳ್ಗಿ"
ಆನಿ ರೊಹನ್ ಆಡ್ಕಬಾರೆ ಹಾಣೆ ತರ್ಜುಮೊ ಕರುನ್ ಮಲಯಾಳಮ್
ಮಾಂಚಿಯೆಚೊ ಫಾಮಾದ್ ನಿರ್ದೇಶಕ್ ಆರುಣ್‍ಲಾಲ್ ಹಾಣೆ
ನಿರ್ದೇಶಿತ್ ಕೆಲ್ಲೊ "ಜುಗಾರಿ" ದುಬಾಯ್ ಪ್ರೇಕ್ಷಕಾಂಚಿಂ
ಕಾಳ್ಜಾಂ ಮನಾಂ ಜಿಕ್ಚ್ಯಾಂತ್ ಸಫಲ್ ಜಾಲೆ.
"ಸಳ್ಗಿ" ಭೊವ್ ಗಂಭಿರ್ ನಾಟಕ್ ಜಾಲ್ಯಾರಿ ಕ್ರಿಸ್ಟೊಫರ್
ಆನಿ ಕ್ಲ್ಯಾನ್‍ವಿನ್ ಹಾಂಚ್ಯಾ ಆಪೂರ್ವ್ ನಟನಾಂ ಲಾಗೊನ್
ಸರ್ವ್ ವೀಕ್ಷಕ್ ಭಾವುಕ್ ಜಾವ್ನ್ ಕಿತೆಂಚ್ ಆವಾಜ್
ನಾಸ್ತಾನಾ ಸಗ್ಳ್ಯಾ ಸಾಲಾಂತ್ ನಾಟಕ್ ಆಖೇರ್ ಜಾಯ್ಶೆರ್
ಮೌನ್ ರಾಜ್ ಕರುನ್ ಆಸ್‍ಲ್ಲೆಂ.
ಹಾಕಾ ತದ್ವಿರುದ್ದ್ ಜಾವ್ನ್ ಪ್ರದರ್ಶಿತ್ ಜಾಲ್ಲೊ ನಾಟಕ್
"ಜುಗಾರಿ" ವೀಕ್ಷಕಾಂಕ್ ಹಾಸ್ಯಾಂಚ್ಯಾ ಲ್ಹಾರಾಂ ಸಂಗಿಂ
ಉಪ್ಯೆಂವ್ಕ್ ಕೆಲೆಂ.ಕೊಂಕ್ಣೆಚಿ ದುಸ್ರಿ ಬೊಲಿ
ಕಾಣ್ಘೇವ್ನ್ ಪ್ರೆಕ್ಷಕಾಂಕ್ ತ್ಯಾ ಪ್ರದೇಶಾಕ್ ಆಪೊವ್ನ್
ವರ್ಚ್ಯಾಂತ್ ಪಂಗಡ್ ಯಶಸ್ವಿ ಜಾಲೊ ಮಾತ್ರ್ ನ್ಹಂಯ್
ಆಸ್ತಾಂ ಸಭಾರ್ ಗಜಾಲಿಂ ವಯ್ರ್ ಹಾಣಿಂ ಉಜ್ವಾಡ್
ಫಾಂಕಯ್ಲೊ.
ಸಳ್ಗಿ ನಾಟಕಾ ಉಪ್ರಾಂತ್ ಪೋಷಕಾಂಕ್ ಸನ್ಮಾನ್ ಕಾರ್ಯೆಂ
ಆಸಾ ಕೆಲ್ಲೆಂ .ಸರ್ವ್ ಪೊಷಕಾಂಕ್ ಯಾದಿಸ್ತಿಕಾ,
ಫುಲಾಂ ತುರೆ ದೀವ್ನ್ ಸನ್ಮಾನ್ ಕೆಲೊ.
ಜುಗಾರಿ ನಾಟಕಾ ಉಪ್ರಾಂತ್ ಸರ್ವ್ ಕಲಾಕರಾಂ
,
ಮಾ.ಬಾ.ದೊ. ಆಲ್ವಿನ್ ಸೆರಾವೊ ಆನಿ ಆರುಣ್‍ಲಾಲ್ ಹಾಂಕಾಂ
ಯಾದಿಸ್ತಿಕಾ ಆನಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ.
ಹ್ಯಾ ಭಾಗಾಂತ್ ನಾಟಕ್ ಕ್ಷೇತ್ರಾಂತ್ ಕ್ರಿಸ್ಟಿ ನಿನಾಸಂ
ಹಾಣೆ ದಿಲ್ಲ್ಯಾ ಖಳ್ಮಿತ್ ನಾತ್‍ಲ್ಲ್ಯಾ ಸೆವೆಲಾಗೊನ್
"ಕಲಾ ಚತುರ್" ಮುಳ್ಳೊ ಬಿರುಧ್ ದೀವ್ನ್ ಪರ್ಗಟ್ ಮಾನ್
ಕೆಲೊ.
ದಾಯ್ಜಿ ದುಬಾಯ್ ಕಾರ್ಯದರ್ಶಿ ಸಂತೋಷ್ ಫೆರ್ಲಾ ಹಾಣೆ ಮಾನ್
ಪತ್ರ್ ವಾಚ್ಲೆಂ.
ಮುಖೆಲ್ ಸಯ್ರ್ ಮಾನೇಸ್ತ್ ಜೊಸೆಫ್ ಮಥಾಯಸ್,
ಮಾನೇಸ್ತ್ ನೆಲ್ಸನ್ ರೊಡ್ರಿಕ್ಸ್,
ಮಾನೇಸ್ತ್ ಲ್ಯಾನ್ಸಿ ಡಿ’ಸೋಜಾ,
ಮಾನೇಸ್ತ್ ಡಯಾನ್ ಡಿ’ಸೋಜಾ ಆನಿ ಮಾನೇಸ್ತ್ ನಾನು ಮರೋಲ್
ತೊಟ್ಟಾಮ್ ಹಾಣಿಂ ಕ್ರಿಸ್ಟಿ ನಿನಾಸಂ ಹಾಕಾಂ ಫುಲಾಂಚೊ
ಬುಕ್ಕೊ,
ಶಾಲ್,
ಯಾದಿಸ್ತಿಕಾ,
ಮಾನ್ ಪತ್ರ್ ಆನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್
ಕೆಲೊ.
ಸಭಾ ಕಾರ್ಯೆಂ ಮಾನೇಸ್ತ್ ಆನಿಲ್ ಪಿಂಟೊ ಕುಲ್ಶೇಕರ್,
ಪೋಷಕಾಂಕ್ ಮಾನ್ ಕರ್ಚೆಂ ಕಾರ್ಯೆಂ ಮಾನೇಸ್ತಿಣ್ ವೆನಿಸ್ಸಾ
ಡಿ’ಆಲ್ಮೇಡಾ ಆನಿ ಕಲಾಕರಾಂಕ್ ಸನ್ಮಾನ್ ಕಾರ್ಯೆಂ
ಮಾನೇಸ್ತ್ ಮೆಲ್ವಿನ್ ಕಲಾಕುಲ್ ಹಾಣಿಂ ಚಲೊವ್ನ್ ವೆಲೆಂ.
|
|
[खबर:]
दाय्जिदुबाय संघटनाचो तेविसावो वार्शिकुत्सव |
|
"दायजी दुबाय साहितीक प्रशसती" - वल्ली क्वाड्रस
हाका आनी "कला चतूर " बिरूद क्रिसटी निनासं हाका
कोंकणी भास , संसक्रती आनी कलेचो पोस कर्च्या
उद्देशान १९९९ व्या वर्सा "दायजी दुबाय" नांवाखाल
आरंभ जाल्ल्या संयुक्त आरभ एमिरेतांतल्या कोंकणी
बरोवप्यांच्या एक्ताराक April ३० , २०२३ वो दिवस
उगडासांत उर्च्या तसलो जावंक पावलो.डयान डी’सोजा
मुकामर , वाल्टर नंदळिके , मेलवीन रोड्रिगस ,
स्ट्यानी पिंटो निरुडे आनी स्टीफान मसकरेन्हास (
हेमाचाऱ्या ) हांच्या दूरद्रषटेन घडल्ल्या ह्या
संघटनांत आतां ३ डजनाच्याकी चडतीक सांदे आसात.
April ३० , २०२३ व्या दिसा दुबायांतल्या
एमिरेटस इंटरन्याशनल स्कूल ,आडिटोरियं हांतूं
दायजी दुबाय संघटनान आपलो २३ वो वार्शीक दिवस आचरण
केलो.दायजी शिर्शीक गिता सवें आरंभ जाल्ल्या
काऱ्यांत , दायजी सांदो आनी पयली दायजी दुबाय
साहितीक प्रशसती विजेत सिरील ग्रेगोरी सिकवेरा (
सिज्येस ताकोडे ) हो आदल्या वर्सा आमकां सर्वांक
सांडून ताच्या सासणाच्या पयणाक भायर सरोन गेल्लो
आसतां दायजी दुबाय संघटनान ताका भोव आर्थाभरीत
रितीन श्रद्दांजली भेटयली.दायजी दुबाय संस्थापक
आनी पयलो संचालक मानेसत डयान डी’सोजा मुकामर आनी
प्रसतूत संचालक मानेसत नानू मरोल तोट्टाम हाणीं
सिज्येस ताकोडेची धूव श्रीमती विनिता डी’सोजा ,
जांवय श्री आश्वीन डी’सोजा , दायजी दुबाय संघटनाचे
आदले संचालक मानेसत स्ट्यानी पिंटो निरुडे ,
मानेसत स्ट्यान आगेरा , मानेसत रोबर्ट फेर्नांडीस
आनी मानेसत दिनेश कोरेया हांकां वेदीर आपोवन
हाडलें.सिज्येस ताकोडे हाच्या जिविता वयर तयार
केल्लें एक किरुचित्र प्रदर्शीत जाल्ल्या उपरांत
वेदीर आसल्ल्या सर्वांनी सिज्येस ताकोडे हाच्या
तस्विरेक फुलांच्यो पाकळ्यो आर्पून मान केलो.
दायजी दुबाय संघटनान , दायजी दुबाय साहितीक
प्रशसती विजेत - २०२२ मानेसत वल्ली क्वाड्रस
आजेकार हाच्या साहितीक पयणाचो संपूर्ण विवर
दिंवचें किरुचित्र तयार करून प्रशसती हसतांतर
काऱ्या पयलें पडद्यार प्रदर्शीत केलें.दायजी दुबाय
संस्थापक आनी पयलो संचालक मानेसत डयान डी’सोजा
मुकामर आनी प्रसतूत संचालक मानेसत नानू मरोल
तोट्टाम हाणीं मुखेल सयरे मानेसत जेम्स मेंडोन्सा
, मानेसत जोसेफ मथायस आनी मानेसत ल्यान्सी डी’सोजा
हांकां वेदीक आपोवन हाडून फुलांच्या बुक्क्यां
सवें उल्लासून स्वागत केलो.
संचालक नानू
मरोल तोट्टाम हाणे आयिल्ल्या सर्वांक स्वागत
केलो.आपल्या स्वागत उलोवपांत ताणे दायजी दुबाय
संघटनान केल्ल्या विवीध वावराचो विवर दिलो मात्र
न्हंय आसतां हें साध्य जालें केवल उदार मनाच्या
पोषकां वर्वीं.कोंकणी आमची मांयभास आनी तिचो पोस
कर्चो आमचो कायदो मुळ्ळ्या बरी ते आमच्या कोंकणी
वावराक सांगात दीवन आसात.तांचो सांगात आसल्ल्या
आयच्या दिसा आमकां एदें व्हड काऱ्यें आसा करुंक
साध्य जालें मुणोन सांगोन सांगात दिल्ल्या
आयोजकांक , काऱ्यें पळेवंक आयिल्ल्या प्रेक्षकांक
आनी सयरे जावन आयिल्ल्या कलाकरांक एकच उत्रान
स्वागत केलो.
आपल्या भलायके निमतीं पयण
करुंक आडवारल्ल्यान मानेसत वल्ली क्वाड्रसान
दाडल्लो संदेश लोकांक आयकोंक केलो.आपल्या
संदेशांत मानेसत वल्ली क्वाड्रसान कोंकणी भाशेक
प्रत्येक जावन कोंकणी साहित्याक तेंको दिंवच्या
उद्देशान तुमीं तेवीस वर्सां आदीं सुरू केल्ल्या
मिसांवांचो फळ जावन जायतीं कोंकणी संघटनां आज
उदेल्यांत तशेंच कोंकणेंत वावर कर्तेल्यांक मान
सन्मान दिंवची रिवाज सयत सुरू जाली.दिस्पोटत्या
ग्रासाक लागोन तुमीं सात दऱ्यो उत्रोन वावर
कर्च्या तुमीं पर्गावांत कोंकणी वावर करून आसात
मात्र न्हंय , कोंकणी साहितीक वावर कर्च्या कोंकणी
वावराडीक , जांव तो खंचाय राज्यांत आसों , ताच्या
साहितीक वावराचें बर्कायेन तज्वीज करून पुरसकार
दितात.मोज्या भलायकेच्या कारणाक लागोन म्हाका
सद्द्याक विमानाचेर पयण करुंक आडवारलां जाल्ल्यान
तुमच्या तेविसाव्या वर्सुगे दिसा तुमच्या सवें
आसचें भाग चुकलोलो पश्चत्ताप म्हाका आसा.पूण
म्होजी परिगत तुमीं समजोन म्हाका सुधार्सून
वर्तेल्यात मुणोन भर्वासतां.कोंकणी साहितीक वावर
सुर्वात कर्च्या मोज्या सुर्विल्या दिसांनी
कसलेच्च पुरसकार कोंकणेंत नातल्ले जाल्ल्यान एका
दिसा मोज्या वावराक दायजी दुबाय साहितीक पुरसकारा
तसलो प्रतिश्टीत पुरसकार आपणाक मेळतालो मुणोन
मोज्या मतिंत केदनांच नातल्लें.पूण मोज्या ह्या
वावराक तुमीं दिल्लो हो मान , कोंकणेक दिल्लो मान
मुणोन लेखून भोव व्हडा आभिमानान हो मान स्विकार
कर्तां.२००३ इस्वेंत दायजी दुबायचें प्रेरण गेवन
कुवैटांत आरंभ जाल्ल्या कोंकणी कुळवार तर्पेन
कोंकणी कलाकर पुरसकार जो मांयभास जाळिजाग्याचो
बुन्यादी नवीन सिकवेरा हाचो पुरसकार ताच्या तर्पेन
घेवंक म्हाका भाग लाभल्लें.आतां म्हाका जो तुमीं
दायजी दुबाय साहितीक पुरसकार म्हाका दिवंक आसात तो
मोज्या तर्पेन नवीन सिकवेराक दिवंक तुमच्या लागीं
हांव विनंती कर्तां.कोंकणी वावराक नवी दिशा , नवें
त्राण , नवें चिंताप , नवी पिळगीच तयार जावंक
आसा.आनी त्या दिशेन आमीं समेसतानी एका म्हनांत
थकानासताना वावर करून मुकार्सून वर्ची गर्ज आसा
आनी त्या दिशेन पुडल्या दिसांनी आमचे युवजण मुकार
येताले आनी कोंकणेक उंचायेक पावयताले मुळ्ळ्या
भर्वाश्यान हांव आसां मुणोन तिळशिलें.
ताचें मानपत्र दायजी दुबाय संघटनाचो सह-संचालक
सुनील फेर्नांडीस कोटा हाणे वाचलें.वेदीर
आसल्ल्या सयऱ्यांनी "दायजी दुबाय साहितीक प्रशसती
- २०२२" विजेत श्री वल्ली क्वाड्रस हाचे आशे
प्रकार मानेसत नवीन सिकवेरा हाका फुलांचो बुक्को ,
मानपत्र , यादिसतिका आनी रुपाय ७५,००० हजारांची
चेक्क हसतांतर करून मान केलो.
मनोरंजनाचो
आंग जावन गांवांत थावन आयिल्ल्या आस्थित्वा मंगळूर
पंगडा थावन दोन आत्युत्तम नाटक खेळोन
दाकयले.मानाधीक बाप दोतोर आलवीन सेरावो हाणीं
बोरोवन , क्रिसटी निनासं हाणें निर्देशन केल्लो
"सळगी" आनी रोहन आडकबारे हाणे तर्जुमो करून मलयाळम
मांचियेचो फामाद निर्देशक आरूणलाल हाणे निर्देशीत
केल्लो "जुगारी" दुबाय प्रेक्षकांचीं काळजां मनां
जिकच्यांत सफल जाले."सळगी" भोव गंभीर नाटक
जाल्यारी क्रिसटोफर आनी क्ल्यानवीन हांच्या
आपूर्व नटनां लागोन सर्व वीक्षक भावूक जावन कितेंच
आवाज नासताना सगळ्या सालांत नाटक आखेर जायशेर मौन
राज करून आसल्लें.
हाका तद्विरुद्द जावन
प्रदर्शीत जाल्लो नाटक "जुगारी" वीक्षकांक
हास्यांच्या ल्हारां संगीं उप्येवंक
केलें.कोंकणेची दुस्री बोली काणघेवन प्रेक्षकांक
त्या प्रदेशाक आपोवन वर्च्यांत पंगड यशस्वी जालो
मात्र न्हंय आसतां सभार गजालीं वयर हाणीं उज्वाड
फांकयलो.
सळगी नाटका उपरांत पोषकांक सन्मान
काऱ्यें आसा केल्लें .सर्व पोषकांक यादिसतिका ,
फुलां तुरे दीवन सन्मान केलो.
जुगारी नाटका
उपरांत सर्व कलाकरां , मा.बा.दो. आलवीन सेरावो आनी
आरूणलाल हांकां यादिसतिका आनी काणीक दीवन सन्मान
केलो.ह्या भागांत नाटक क्षेत्रांत क्रिसटी निनासं
हाणे दिल्ल्या खळमीत नातल्ल्या सेवेलागोन "कला
चतूर" मुळ्ळो बिरूध दीवन पर्गट मान केलो.दायजी
दुबाय काऱ्यदर्शी संतोष फेरला हाणे मान पत्र
वाचलें.मुखेल सयर मानेसत जोसेफ मथायस , मानेसत
नेल्सन रोड्रिक्स , मानेसत ल्यान्सी डी’सोजा ,
मानेसत डयान डी’सोजा आनी मानेसत नानू मरोल तोट्टाम
हाणीं क्रिसटी निनासं हाकां फुलांचो बुक्को , शाल
, यादिसतिका , मान पत्र आनी उगडासाची काणीक दीवन
मान केलो.
सभा काऱ्यें मानेसत आनील पिंटो
कुलशेकर , पोषकांक मान कर्चें काऱ्यें मानेसतीण
वेनिस्सा डी’आल्मेडा आनी कलाकरांक सन्मान काऱ्यें
मानेसत मेलवीन कलाकूल हाणीं चलोवन वेलें. |
|
[Kobor] Daijidubai
Songhttonacho Tevisavo Varxikutsou |
|
|
"DaijiDubai Sahitik
Proxosti 2022" - Valley Quadros haka
ani "Kola Chotur " Birud Christi Neenasm haka
konkonni bhas,
Somskroti ani Kolecho pos korchea ud'dexan 1999
vea vorsa "Daiji Dubai" namvakhal arombh zal'lea
somyukt arobh emiretantlea konknni boroupeanchea
ektarak April 30, 2023 vo divos ugddasant urchea
tosolo zaunko paulo. Dayan DSouza Mukamar,
Walter Nandalike, Melvyn Rodrigues,
Stany Pinto Nirude ani Stephen
Mascarenhas (Hemacharya) hanchea
durdroxtten ghoddl'lea hea songhottonant atam
3 ddozonacheaki choddtik sande asat.
April 30, 2023 vea
disa Dubaiyantlea Emiretts Inttorneaxonol skul,
addittoriyom hantum Daiji Dubai songhottonan
aplo 23 vo varxik divos achoronn kelo. Daiji
xirxik gita sovem arombh zal'lea kareant, Daiji
sando ani poili Daiji Dubai sahitik proxosti
vijet siril gregori sikvera ( sijyes takodde )
ho adlea vorsa amkam sorvank sanddun tachea
sasnnachea poinnak bhair soron gel'lo astam
Daiji Dubai songhottonan taka bhovo arthabhorit
ritin xrod'danzoli bhettoili. Daiji Dubai
somsthapok ani poilo sonchalok manest Dayan
DSouza Mukamar ani prostut sonchalok manest
Nanu Marol Tott'ttam' hannim Sijyes
takoddechi dhuv xrimoti Vinita DSouza,
zamvoi xri Ashvin DSouza, Daiji Dubai
songhottonache adle sonchalok manest Stany
Pinto Nirudde, manest Stan Ageira,
manest Robert Fernandes ani manest
Dinesh Correa hankam vedir apoun haddlem.
Sijyes Taccodechea jivita voir toyar kel'lem ek
kiruchitr prodorxit zal'lea uprant vedir
asl'lea sorvamni Sijyes Takodde hachea
tosvirek fulancheo paklleo arpun man kelo.
Daiji Dubai
songhottonan, Daiji Dubai sahitik
proxosti vijet - 2022 manest Valley Quadros
Ajekar hachea sahitik poinnacho sompurnn
vivor dimvchem kiruchitr toyar korun proxosti
hostantor karea poilem podd'dear prodorxit
kelem. Daiji Dubai somsthapok ani poilo
sonchalok manest Dayan DSouza Mukamar
ani prostut sonchalok manest Nanu Marol
tott'ttam' hannim mukhel soire manest James
Mendonca, manest Joseph Mathias ani
manest Lancy DSouza hankam vedik apoun
haddun fulanchea bukkeam sovem ul'lasun svagot
kelo.
Sonchalok Nanu
Marol tott'ttam' hanne ayil'lea sorvank
svagot kelo. Aplea svagot uloupant tanne Daiji
Dubai songhottonan kel'lea vividh vauracho vivor
dilo matr nhoim astam hem sadhy zalem keul udar
monachea poxokam vorvim. Konknni amchi
mam-ibhas ani ticho pos korcho amcho kaido
mull'llea bori te amchea konknni vaurak sangat
diun asat. Tancho sangat asl'lea aichea disa
amkam edem vhodd karyem asa korunk sadhy zalem
munnon sangon sangat dil'lea ayozokank, karyem
polleunko ayil'lea prekxokank ani soire zaun
ayil'lea kolakorank ekch utran svagot kelo.
Aplea bholaike nimtim
poinn korunk addvarl'lean manest Valley
Quadrosan daddl'lo sondex lokank aikonk
kelo. Aplea sondexant manest Valley Quadrosan
konknni bhaxek protyek zaun konknni sahiteak
tenko dimvchea ud'dexan tumim tevis vorsam adim
suru kel'lea misamvancho foll zaun zaitim
konknni songhottonam az udeleant toxench
konknnent vaur korteleank man sonman dimvchi
rivaz soit suru zali. Dispott'tea grasak lagon
tumim sat doreo utron vaur korchea tumim
porgavant konknni vaur korun asat matr nhoim,
konknni sahitik vaur korchea konknni vauraddik,
zamv to khonchai rajeant asom, tachea sahitik
vaurachem borkayen tojviz korun puroskar ditat.
Mojea bholaikechea karonnak lagon mhaka sod'deak
vimanacher poinn korunk addvarlam zal'lean
tumchea tevisavea vorsuge disa tumchea sovem
aschem bhag chuklolo poxchot'tap mhaka asa. Punn
mhoji porigot tumim somzon mhaka sudharsun
vorteleat munnon bhorvastam. Konknni sahitik
vaur survat korchea mojea survilea disamni
kosolechch puroskar konknnent natl'le zal'lean
eka disa mojea vaurak Daiji Dubai sahitik
puroskara tosolo protixttit puroskar apnnak
melltalo munnon mojea motint kednanch natl'lem.
Punn mojea hea vaurak tumim dil'lo ho man,
konknnek dil'lo man munnon lekhun bhovo vhodda
abhimanan ho man svikar kortam. 2003 isvent
Daiji Dubaichem preronn geun kuvoittant arombh
zal'lea konknni kullvar torpen konknni kolakor
puroskar zo mam-ibhas zallizageacho buneadi
Naveen Sequeira hacho puroskar tachea
torpen gheunko mhaka bhag labhl'lem. Atam mhaka
zo tumim Daiji Dubai sahitik puroskar mhaka
divonko asat to mojea torpen Naveen Sequeirak
divonko tumchea lagim hamv vinonti kortam.
Konknni vaurak novi dixa, novem trann, novem
chintap, novi pillgich toyar zaunko asa. Ani tea
dixen amim somestani eka mhonant thokanastana
vaur korun mukarsun vorchi gorz asa ani tea
dixen puddlea disamni amche yuvozonn mukar
yetale ani konknnek unchayek pauytale mull'llea
bhorvaxean hamv asam munnon tillxilem.
Tachem manpotr Daiji
Dubai songhottonacho soho-sonchalok Sunil
Fernandes kotta hanne vachlem. Vedir
asl'lea soireamni "Daiji Dubai sahitik proxosti
- 2022" vijet xri Valley Quadros hache
axe prokar manest Naveen Sequeira haka
fulancho bukko, manpotr, yadistika ani rupai
75,000 hozaranchi chekk hostantor korun man
kelo.
Monoronzonacho ang
zaun gamvant thaun ayil'lea asthitva mongllur
pongdda thaun don atyut'tom' nattok khellon
dakoile. Manadhik bap dotor alvin seravo hannim
boroun, kristti ninasom hannem nirdexon kel'lo
"sollgi" ani rohon addkobare hanne torzumo korun
moloyallom' manchiecho famad nirdexok arunnlal
hanne nirdexit kel'lo "Jugari" Dubai
prekxokanchim kallzam monam jikcheant sofol
zale. "Sollgi" bhovo gombhir nattok zaleari
kristtofor ani Clanvin hanchea apurv
nottonam lagon sorv vikxok bhavuk zaun kitench
avaz nastana sogllea salant nattok akher zaixer
moun raz korun asl'lem.
Haka todvirud'd zaun
prodorxit zal'lo nattok "Jugari" vikxokank
haseanchea lharam songim upyeunko kelem.
Konknnechi dusri boli kanngheun prekxokank tea
prodexak apoun vorcheant pongodd yoxosvi zalo
matr nhoim astam sobhar gozalim voir hannim
ujvadd fankoilo.
Sollgi nattoka uprant
poxokank sonman karyem asa kel'lem. Sorv
poxokank yadistika, fulam ture diun sonman kelo.
Jugari nattoka uprant
sorv kolakoram, Ma.Ba.Do. Alvin Seravo
ani Arunlal hankam yadistika ani kannik diun
sonman kelo. Hea bhagant nattok kxetrant
Christi Ninasm hanne dil'lea khollmit
natl'lea sevelagon "Kola Chotur" mull'llo
birudh diun porgott man kelo. Daiji Dubai
karyodorxi sontox ferla hanne man potr vachlem.
Mukhel soir manest Joseph Mathais,
manest Nelson Rodrigues, manest
Lancy DSouza, manest Dayan DSouza
ani manest Nanu Marol tott'ttam' hannim
Christi Ninasm hakam fulancho bukko,
xal, yadistika, man potr ani ugddasachi kannik
diun man kelo.
Sobha karyem manest
Anil Pinto Kulshekar, poxokank man
korchem karyem manestinn Venisa D'Almeida
ani kolakorank sonman karyem manest
Melvin Kalakul hannim choloun velem.
|
|
|
ದಾಯ್ಜಿದುಭಾಯ್
2023 ಪುರಸ್ಕಾರ್
ದಾಯ್ಜಿದುಭಾಯ್
2022 ಪುರಸ್ಕಾರ್
ದಾಯ್ಜಿದುಭಾಯ್
2020 ಪುರಸ್ಕಾರ್
ದಾಯ್ಜಿದುಭಾಯ್ 2018 ಪುರಸ್ಕಾರ್
ದಾಯ್ಜಿದುಭಾಯ್ 2017 ಪುರಸ್ಕಾರ್
ದಾಯ್ಜಿದುಭಾಯ್ 2016 ಪುರಸ್ಕಾರ್ |
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
![]() |
|
.gif){kind=small}
