|
ಜನೆರ್ 14 ತಾರಿಕೆರ್,
ಕೊಂಕಣಿ ಸಾಂಸ್ಕೃತಿಕ್ ಸಂಘ್, ಮುಂಬಯ್ ಹಾಂಚ್ಯಾ
ಬೊಂದೆರಾಖಾಲ್ ಮಾನೆಸ್ತ್ ಜೋಸೆಫ್ ಡಿ’ಸೋಜಾ ಬೊರಿವಲಿ
ಹಾಚ್ಯಾ ಲಿಖ್ಣೆಥಾವ್ನ್ ಉದೆವ್ನ್ ’ಕಲಾ ಸಮ್ರಾಟ್’
ಮಾನೆಸ್ತ್ ವಿಲಿಯಮ್ ಮಚಾದೊ ಹಾಣೆಂ ನಿರ್ದೇಶನ್ ದಿಲ್ಲೊ
’ಮ್ಹಜೆ ವಯ್ಲಿ ಕಾಲ್ಸ್ ನಿಂವಾರ್’ ಕೊಂಕಣಿ ಸಾಮಾಜಿಕ್ ನವೊ
ನಾಟಕ್ ಜನೆರ್ 14 ಆಯ್ತಾರಾ ಸಕಾಳಿಂಚ್ಯಾ 11 ವೊರಾರ್
ಮುಂಬಯಾಂತ್ಲ್ಯಾ ಪ್ರಭೋಧನ್ ಠಾಕ್ರೆ ನಾಟ್ಯ್ ಮಂದಿರ್,
ಬೊರಿವ್ಲಿ ಹಾಂಗಾಸರ್ ಯಶಸ್ವೆನ್ ಪ್ರದರ್ಶಿತ್ ಜಾಲೊ.
ಎಕಾ ಅಬ್ಲೆಶಿ
ಯುವಕಾಚ್ಯಾ ಹಾತಿಂ ಸಾಂಪ್ಡೊನ್ ’ಅಂಕ್ವಾರ್ ಆವಯ್’
ಜಾಲ್ಲ್ಯಾ ನಿರಾಧಾರಿ ಗರೀಬ್ ಚಲಿಯೆಚ್ಯಾ ಜಿವಿತಾಥಂಯ್
ವಿಣ್ಲಲಿ ನಾಟಕಾಚಿ ಕಥಾವಸ್ತ್ ಹಾಜರ್ ಆಸ್ಲೆಲ್ಯಾ ಲೊಕಾಂಚಿಂ
ಕಾಳ್ಜಾಂ-ಮನಾಂ ದಾಧೊಶಿ ಕರುಂಕ್ ಪಾವ್ಲಿಂ. ಲಿಸಾಂವಾಭರಿತ್
ಕಾಣಿಯೆಕ್ ಪೂರಕ್ ಜಾವ್ನ್ ಕುರ್ಕುರಿತ್ ಸಂವಾದ್
ಸ್ವಾಭಾವಿಕ್ ನಟನ್ ಆನಿ ಮಧುನ್ ಸಂಗೀತಾನ್ ನಾಟಕಾಚ್ಯಾ
ಮಟ್ಟಾಕ್ ಉಕ್ಲುನ್ ಧರ್ಲೆಂ.
ಹ್ಯಾ ನಾಟಕಾಂತ್
ಪಾತ್ರ್ ಘೆತ್ಲೆಲ್ಯಾ ಜೋರ್ಜ್ ಸಿಕ್ವೇರಾ, ಲ್ಯಾನ್ಸಿ
ಡಿ’ಸೋಜಾ, ಜೆನಿತಾ ಡಿ’ಸೋಜಾ, ಜೊಸ್ಸಿ ಗೊನ್ಸಾಲ್ವಿಸ್,
ಫೆಲಿಕ್ಸ್ ಮಾಲ್ವಾಣಿ, ಹೆಲೆನ್ ನೊರೊನ್ಹಾ, ಜ್ಯೂಲಿಯಾನಾ
ಡಿ’ಸೋಜ್, ರೋಮಿಯೊ ಲೋಬೊ, ಮಾರ್ಕ್ ಒಲಿವೆರಾ, ಐಡಾ
ಸಿಕ್ವೇರಾ, ಮೆಲ್ವಿನ್ ಡಿ’ಸೋಜಾ ಆನಿ ಎಲಿಯಾಸ್ ಪಾಯ್ಸ್ -
ಹಾಂಕಾಂ ಸೂಕ್ಶಿಮಾಯೆನ್ ತರ್ಭೆತಿ ದೀವ್ನ್ ನಟನಾಂತ್
ವೊಳ್ಸಾಯಿಲ್ಲಿ ಕೀರ್ತ್ ವಿಲಿಯಮ್ ಮಚಾದೊಕ್ ಫಾವೊ ಜಾತಾ.
ತ್ಯಾ ಸವೆಂ ಮಾನೆಸ್ತ್
ಚಾರ್ಲ್ಸ್ ಡಿ’ಕುನ್ಹಾ ಬೊರಿವ್ಲಿ ಹಾಚ್ಯಾ ನವ್ಯಾ ಹಾಸ್ತ್ಯಾ
ಉಡ್ತ್ಯಾ ಪದಾಂಕ್ ಬೆಂಜಮಿನ್ ಮಿರಾಂದಾ ಹೊನ್ನಾವರ್ ಹಾಣೆಂ
ಸೊಮಧುರ್ ಸಂಗೀತಾನ್ ಸೊಭಯ್ಲಾಂ.
ಜೋಸೆಫ್ ಡಿ’ಸೋಜಾ
ಬೊರಿವ್ಲಿ ಹಾಣೆಂ ಹಾಚ್ಯಾಧಿಂ ’ಎಸ್ತೆಲ್ ಕೊಣಾಚಿ ವ್ಹಕಾಲ್’
ಆನಿ ’ನಿರ್ಮಿಲ್ಲೆಂ ಚುಕಾನಾ; ಹೆ ದೋನ್ ನಾಟಕ್ ಯಶಸ್ವೆನ್
ಸಾದರ್ ಕೆಲ್ಲ್ಯಾ ನಂತರ್ ಆತಾಂ ಹೊ ತಿಸ್ರೊ ನಾಟಕ್
’ಮ್ಹಜೆವಯ್ಲಿ ಕಾಲ್ಸ್ ನಿಂವಾರ್’ ಪರತ್ ಏಕ್ ಪಾವ್ಟಿಂ
ಗಾಜ್ಲೊ ತೆಂ ದೆಕ್ತಾನಾ ಯಸಸ್ವೆಚಿ ’ಹ್ಯಾಟ್ರಿಕ್’
ಮಾರ್ಲ್ಯಾ ತೆಂ ಸಾಂಗ್ಲ್ಯಾರ್ ನಿಜಾಯ್ಕೀ ಅತಿಶಯ್
ಜಾಂವ್ಚೊನಾ.
ಖಬರ್: ಆಮ್ಚೊ ಭಾತ್ಮಿ | 
