|
ಮ್ಯಾಂಗಲೋರಿಯನ್ ಕಥೊಲಿಕ್
ಅಸೋಸಿಯೇಶನ್ (R) 22ವೊ ವಾರ್ಶಿಕೋತ್ಸವ್.
ಪುಣೆ,
(11 ಫೆಬ್ರೆರ್): ಮ್ಯಾಂಗಲೋರಿಯನ್ ಕಥೊಲಿಕ್ ಅಸೋಸಿಯೇಶನ್
ಪುಣೆ ಹಾಂಚ್ಯಾ ಸಾಂದ್ಯಾಂನಿ ಅಪ್ಲೊ 22ವೊ ವಾರ್ಶಿಕೋತ್ಸವ್,
ಆಯ್ತಾರಾ, ಫೆಬ್ರೆರ್ 11 ತಾರಿಕೆರ್ ಪುಣೆ ದಿಯೆಸಿಜಿಚೆ
ಗೊವ್ಳಿಕ್ ಕೇಂದ್ರ್ ಜಾವ್ನಾಸ್ಚ್ಯಾ ನವಸಾಧನ, ತೊಡಿವಾಳ್
ರಸ್ತೊ ಹಾಂಗಾಸರ್ ಆಚರಣ್ ಕೆಲೆಂ.
ಸಕಾಳಿಂ 9:30 ವೊರಾಕ್
ಭಕ್ತಿಕ್ ಗಿತಾಸವೆಂ ಸುರು ಜಾತಚ್, ಸಂಸ್ಥ್ಯಾಚೊ ಅತ್ಮಿಕ್
ದಿರೆಕ್ತೊರ್ ಮಾ|ಬಾ|ಅಬ್ರಹಾಮ್ ಡಿ’ಸೋಜ್ ಎಸ್.ವಿ.ಡಿ. ಹಾಣೆಂ
’ಆಯ್ಚ್ಯಾ ಸಮಾಜೆಂತ್ ಕ್ರಿಸ್ತಿ ಕುಟ್ಮಾಚ್ಯಾ ಪಾತ್ರಾವಿಶಿಂ’
ಶಿಕವ್ಣ್ ದಿವುನ್ ಪಾಪ್ ಫ್ರಾನ್ಸಿಸ್ 2016ಂತ್ ’ಆಮೊರಿಸ್
ಲಿತಿಸಿಯ’ ಪರಿಪತ್ರಾವಿಶಿಂ ಸಾಂಗ್ಲೆಂ.
ಉಪ್ರಾಂತ್ ಜೆಜ್ವಿತ್
ಬಾಪ್ ದೊ|ಹೆನ್ರಿ ಅಲ್ಮೇಡಾ, ಜ್ನಾನದೀಪ ವಿಧ್ಯಾಪಿಟ್ ಪುಣೆ
ಹಾಣೆಂ ಹೆರ್ ಭಾವಾರ್ಥಾಮಧೆಂ ಕ್ರಿಸ್ತಿ ಧರ್ಮ್
ಕ್ರಕಟ್ಚೆವಿಶಿಂ ಕೊಂಕ್ಣಿ, ಇಂಗ್ಲಿಶ್ ಆನಿ ಕನ್ನಡ ಭಾಶೆನ್
ಶಿಕವ್ಣ್ ದಿಲಿ. ಸಾಕ್ರಾಮೆಂತಾಚ್ಯಾ ಆರಾಧನಾಸವೆಂ ಕುಮ್ಸಾರ್
ಆಯೋಜಿತ್ ಕೆಲ್ಲೆಂ. ಮಾ|ಬಾ|ವಿನ್ಸೆಂಟ್ ಸಲ್ಡಾನ್ಹಾ ಜೆ.ಸ.
ಗುಜರಾತ್ ದಿಯೆಸಿಜ್ ಆನಿ ಮಾ|ಬಾ|ರಾಜು ಫೀಲಿಕ್ಸ್ ಕ್ರಾಸ್ತಾ
(ಬೆಳಾ) ಜಮ್ಶೆಡ್‌ಪುರ್ ದಿಯೆಸಿಜ್ ಕುಮ್ಸಾರಾಕ್ ಹಾಜರ್
ಆಸ್ಲೆ.
ಮಾ|ಬಾ|ಬ್ಯಾಪ್ಟಿಸ್ಟ್
ಪಾಯ್ಸ್ ಎಸ್.ವಿ.ಡಿ. ಪ್ರಾಕ್ಯುರೇಟರ್ ಡಿವಾಯ್ನ್ ವರ್ಡ್
ಸೆಮಿನರಿ, ಪುಣೆ ಹಾಣಿಂ ಹೆರ್ ತೆಗಾಂ ಯಾಜಕಾಂಸಂಗಿಂ
ಕೊಂಕ್ಣೆಂತ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.
ಮಾ|ಬಾ|ಅಬ್ರಹಾಮ್ ಹಾಣಿಂ
ಪ್ರಸಂಗ್ ದಿಲೊ.
ಮಿಸಾ ಉಪ್ರಾಂತ್
ನವಸಾಧನಾಚೊ ದಿರೆಕ್ತೊರ್ ಮಾ|ಬಾ|ಫೆರ್ನ್ಯಾಂಡೊ ಡಿ’ಕೊಸ್ತಾ
ತಾಚ್ಯಾ ಜಲ್ಮಾದಿಸಾಚಿ ಕೇಕ್ ಸಂಸ್ಥ್ಯಾಚ್ಯಾ ಸಾಂದ್ಯಾಸವೆಂ
ಕಾರತ್ಲಿ ಆನಿ ಸಂಸ್ಥ್ಯಾಕ್ ಬರೆಂ ಮಾಗ್ಲೆಂ.
ಸ್ಥಾಪಕ್ ಅಧ್ಯಕ್ಷ್
ಮಾನೆಸ್ತ್ ಅಲೋಸಿಯಸ್ ಸಲ್ಡಾನ್ಹಾ, ಅಧ್ಯಕ್ಷ್ ಮಾನೆಸ್ತ್
ಪ್ಯಾಟ್ರಿಕ್ ಡಿ’ಸೋಜ್, ಕಾರ್‍ಯದರ್ಶಿ ಮಾನೆಸ್ತಿಣ್ ಏಡ್ನ
ರೊಡ್ರಿಗಸ್ ಆಸ್ಲಿಂ. ಭಾ|ಜೈಸನ್ ವಾಸ್ ಜೆ.ಸ. ಹಾಣೆಂ ಕಾರ್‍ಯೆಂ
ನಿರ್ವಾಹಣ್ ಕರುನ್ ಉಪ್ಕಾರ್ ಆಟಯ್ಲೊ.
ಭಾತ್ಮಿ: ಉರ್ವಾಚೊ ಲುವಿ, ಪುಣೆ
ತಸ್ವೀರೊ: ಪ್ಯಾಟ್ರಿಕ್ ಡಿ’ಸೋಜ್ | 
