25 ವರ್ಸಾಂ ಸಂಪಂವ್ಚೆಂ
ಕೊಂಕಣಿ ಪತ್ರ್ - ದಿವೊ
’ದಿವೊ’ ಕೊಂಕ್ಣಿ ಹಫ್ತ್ಯಾಳೆಂ ಆಪ್ಲಿ 25 ವರ್ಸಾಂಚಿ
ಪತ್ರ್ಕಾರಿಕೆಚಿ ಸೆವಾ ದೀವ್ನ್, ಹ್ಯಾ ವರ್ಸಾ ಆಪ್ಲೊ
ರುಪ್ಯಾಳೊ ಸಂಭ್ರಮ್ ಮಂಗ್ಳುರಾಂತ್ ಆಸ್ಚ್ಯಾ ಡೊನ್ ಬೊಸ್ಕೊ
ಹೊಲಾಂತ್ ಮಾರ್ಚ್ 8 ತಾರಿಕೆರ್ ಸಾಂಜೆಚ್ಯಾ 4 ವರಾಂಚೆರ್
ಆಚರಣ್ ಕರ್ತಾ. ಹ್ಯಾ ಆಪುರ್ಬಾಯೆಚ್ಯಾ ಕಾರ್ಯಾಕ್ ಸರ್ವ್
ಕೊಂಕ್ಣಿ ಪ್ರೆಮಿಂಕ್ ಆನಿ ಪರ್ಜೆಕ್ ಮಾಯೆಮೊಗಾಚೆಂ
ಆಪವ್ಣೆಂ ದಿತಾ.
’ದಿವೊ’ ಪತ್ರಾಚೆಂ ಭವ್ಯ್
ಉಗ್ತಾವಣ್ ಪಂಚ್ವೀಸ್ ವರ್ಸಾಂ ಆದಿಂ 1995 ಎಪ್ರಿಲಾಚ್ಯಾ 2
ತಾರಿಕೆರ್ ಮುಂಬಯ್ ಮುಲುಂಡ್ ಹಾಂಗಾಸರ್ ಆಸ್ಚ್ಯಾ ಸಾಂತ್
ಪಿಯುಸ್ ಧಾವ್ಯಾಚ್ಯಾ ಹೊಲಾಂತ್ ಜಾಲೆಂ. ಹ್ಯಾ ಕಾರ್ಯಾಕ್
ಸಾಲ್ಭರ್ ಲೋಕ್ ಆಸೊನ್ ಮುಂಬಂಯ್ತ್ ನಿವೊನ್ ಆಸ್ಲ್ಲಿ
ಕೊಂಕ್ಣಿಚಿ ಉರ್ಬಾ ಪರತ್ ಜಾಗಿ ಜಾಲಿ. ಸಂಘ್ ಸಂಸ್ಥೆ
ಉದೆಲೆ ಆದ್ಲೆ ಜಿವಾಳ್ ಜಾಲೆ ಕಾರ್ಯಾಕ್ರಮಾಂಚಿ ಕಾಥಡ್
ಜಾಂವ್ಕ್ ಲಾಗ್ಲಿ ಮುಂಬಂಯ್ತ್ ಎಕಾ ರಿತಿಚಿ ಕೊಂಕ್ಣಿ
ಕ್ರಾಂತಿ ಉಟೊಂವ್ಕ್ ಸುರ್ವಾತ್ ಜಾಲಿ.
’ದಿವೊ’
ಪತ್ರ್ ಉದೆವ್ನ್ ಆಯಿಲ್ಲ್ಯಾನ್ ಕೊಂಕ್ಣಿ ಪತ್ರಗಾರಿಕ್ ಆನಿ
ಸಾಹಿತ್ಯಾಕ್ ನವಿ ದಿಶಾ ಲಾಬೊನ್ ತಿ ಪರತ್ ಫುಲೊಂಕ್
ಲಾಗ್ಲಿ. ಮ್ಹಾಲ್ಘಡ್ಯಾ ಲೇಖಕಾಂನಿ ಆಪ್ಲಿ ಲಿಖ್ಣಿ ಪರತ್
ಹಾತಾಂತ್ ಘೆವ್ನ್ ದಿವೊ ಪತ್ರಾಚೆರ್ ತಾಂಚೆಂ ಸಾಹಿತ್ಯ್
ವ್ಹಾಳ್ತಾನಾ ನವ್ಯಾ ಆನಿ ತರ್ನ್ಯಾ ಲೇಖಕಾಂಕ್ ಉರ್ಬಾ
ಆಯ್ಲಿ ’ದಿವೊ’ ಪತ್ರಾನ್ ತಾಂಕಾ ಉಗ್ತೊ ಸ್ವಾಗತ್ ದಿಲೊ.
ಅಶೆಂ ಆಜ್ ಚಲೊನ್ ಆಯಿಲ್ಲಿ ಹಿ ವಾಟ್ ಪಂಚ್ವೀಸ್
ವರ್ಸಾಂಚ್ಯಾ ಮಯ್ಲಾ ಫಾತ್ರಾಲಾಗಿಂ ಪಾವ್ಲಿ. ಆಜ್ ಸಬಾರ್
ಮ್ಹಾಲ್ಘಡೆ ಲೇಖಕ್ ಆಮ್ಚೆ ಮದೆಂ ನಾಂತ್ ಪುಣ್ ತಾಣಿಂ
’ದಿವೊ’ ಪತ್ರಾ ದ್ವಾರಿಂ ದಿಲ್ಲಿ ಸೇವಾ ಅಮರ್ ಆಸಾ.
ಆಜ್ ಆಧುನಿಕ್ ಇಲೆಕ್ಟ್ರೋನಿಕ್ ಮಾಧ್ಯಮಾಂ ಮುಕಾರ್
ಛಾಪ್ಯಾ ಮಾಧ್ಯಮ್ ಅಸ್ಕತ್ ಜಾಲಾಂ, ಜಾಲ್ಯಾರಿ ಕೊಂಕ್ಣಿ
ಪರ್ಜೆನ್ ದಿಲ್ಲ್ಯಾ ಸಹಕಾರಾನ್ ಕೊಂಕ್ಣಿ ಪತ್ರಕಾರಿತಾ
ಜಿವಾಳ್ ಆಸಾ
’ದಿವೊ’ ಪತ್ರಾಚ್ಯಾ ರುಪ್ಯಾಳ್ಯಾ
ಸುವಾಳ್ಯಾಕ್ ತುಮಿ ಯೇವ್ನ್ ಕಾರ್ಯೆಂ ಸೊಬಯ್ಜೆ ಮ್ಹಳ್ಳೆಂ
ಆಮ್ಚೆಂ ವತ್ತಾಯೆಚೆಂ ಹೆಂ ಆಪವ್ಣೆಂ.
ಲೋರೆನ್ಸ್
ಕುವೆಲ್ಲೊ, ಸಂಪಾದಕ್;
ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ, ಮಂಡಳಿ
ಸಲಹ್ಕಾರ್; ನವೀನ್ ಕುಲ್ಶೇಕರ್, ಮಂಗ್ಳುರ್ಚೊ
ವ್ಯವಸ್ತಾಪಕ್.
ಖಬರ್: ಆಮ್ಚೊ ಭಾತ್ಮಿ |