[Kollounni] DKA-n Devnagrintlim Don Pustokam Romint Uzvaddailim

Ponnje, Jyun 2: Ekech torecho lok asche, ekuch rong ascho, ekuch somaz ascho, oxem asonk zainam bogor vividtai somarombhunk zai, tech borabor ekvott rakhunk zai, oxem khorponnan Datta Damodar Naik hannem sanglem. To Dalgado Konknni Akademin (DKA) ghoddoun haddlolea pustok dobajea vellar uloitalo. Tache borabor DKA-cho Odheokx Tomazinho Cardozo, pustokanche borovpi Damodar Mauzo ani Dr. Jayanti Naik toxech DKA-cho Chittnis ani lipiantorkar Vincy Quadros ani Bhanddari Celso Fernandes hajir asle. Hi karyavoll 02 Jun 2018 disa Ravindra Bhovonachea Conference Hall-ant Moddganvam zali.

(Davean thaun) Vincy Quadros, Damodar Mauzo, Tomazinho Cardozo, Datta Damodar Naik, Dr. Jayanti Naik, Celso Fernandes

‘Sunami Saimon’ hem mull Devnagri lipintlem Sahitya Akademi Puroskar vijeto Damodar Mauzo hachem bhurgeanchem pustok Vincy Quadros hannem lipiantor kelam zalear ‘Gorjon’ hem mottvia kannianchem Sahitya Akademi Pusroksar vijeti Dr. Jayanti Naik hichem pustok Prof. S. M. Borges hannem lipiantor kelam. Hea donui pustokanchi uzvaddaunni fanki Konknni borovpi ani Sahitya Akademi Puroskar vijeto Datta Damodar Naik hanchea hatantlean zali.

Monis ho ‘unique’ asta dekhun to tiech toren ghoddtta oxem mhunnttanam Damodar Mauzo kallngam bhoxen rosall ani unddea bhoxen kurkurit bhas vaprun aplem sahitya ghoddoita mhunnon tannem ek vegllench vixv toyar kela oxem Datta Naikan mukhar sanglem. Tachea borpant Kristi somazachem chitronn chodd dixtti poddtta jem Hindu somazak khoboruch nasta, hich tachie bhaxechi girestkai mhunnonui tannem sanglem. Dr. Jayanti Naikachem borovp lokveda koddem sor korun Ramayanantlie Ahilyachi ani tin xikyanchio kannio sangun tichem borovop bhoujonacho ‘pulse’ vollkhun sorollponnan vachpiank bhavpa sarkem tharta mhunn Dattan sanglem. Ganesh Devichie ankddeanchea bhaxecho vichear manddttanam Dattan tem upkarak poddchem nam kiteak taka lagun ekuch bhas nhoi tor sogllio bhaso morun vochunk xoktat oxi bhirant ugtaun Romintlim pustokam Goa Konknni Akademi (GKA) lipiantor kortoli mhunn ravonastanam tim DKA-nuch lipiantor korchim osoi sol’lo tannem dilo. Lipi poros bhas vhoddli ani bhaxeporos somaz vhoddlo oxem-i tannem aplea ulovpant mhunnlem.

Damodar Mauzo hannem aplem monogot veokt kortanam GKA ani DKA hannim hatant hat ghalun mukhar vochunk zai oxi bhavna ugtaili. Vad monant asum-ieta, to bhaxe koddem asunk zainam, tor vad koddek dovrunk tannem ulo marlo ani pustokam vachun zatoch borovpiak tacho ‘feedback’ diunk vinonti keli.

Dr. Jayant Naik hinnem Romi ani Devnagri lokamni apnnak khub voir kaddloleacho obhiman ballgilo ani aplim pustokam jednam jednam uzvaddak yetalim, tednam tednam Devnagri lipintlea vachpiank diunk pustok astalem ani Romi lipintlea vachpiank kainch diunk xokonaslem hi khont ugtaun aiz aplem ‘Gorjon’ pustok uzvaddaun hi khont bhorun kaddpak vatt meklli zali mhunn tinnem khos veokt keli.

DKA-cho odheokx Tomazinho Cardozo hannem aplea yeukarachea ulovpant lipiantora vorvim donui Konknni somaza koddem pavpak ek bori vatt asa dekhun DKA je porim Devnagri lipintlim pustokam Romi lipint uzvaddaita toxim Konknnichea her sonsthamni Romintlim pustokam Devnagrint uzvddaunchim mhunn ulo marlo.

Kednr Bal Sahitya Puroskar vijeto, boreach pustokancho lipiantorkar ani DKA-cho Chittnis Vincy Quadros hannem ‘Sunami Saimon’ hem-i pustok lipiantor kelam, tannem donui pustokanchi vollokh korun dili.

Bhanddari Celso Fernandes hannem upkarachem ulovp kelem zalear Konknni Borovpi Menino Alemida hannem sutrsonchalon kelem. Raxttrgit mhunnon karyavoll sompli.

Bhatmi: Vinsi Kvaddros

पणजी, ज्यून २: एक‌च तरेचो लोक आसचे, एक‌च रंग आसचो, एकूच समाज आसचो, अशें आसंक जायनां बगर विविदताय समारंभुंक जाय, तेच बराबर एकवट राखुंक जाय, अशें खरेपणान दत्ता दामदार नायक हाणें सांगलें. तो दाल्गादो कोंकणी आकादेमीन (द.को.अ.) घडवन हाडलल्या पुसतक दबाज्या वेळार उलयतालो. ताचे बराबर द.को.अ.चो अध्यक्ष तमाजिन्हो कार्डोजो, पुसतकांचे बरवपी दामदार मावजो आनी डा| जयंती नायक तशेच द.को.अ.चो चिटनीस आनी लिपियांतर्कार विन्सी क्वाड्रोस आनी भांडारी चेल्सो फेर्नांदेस हाजीर आसले. ही काऱ्यावळ ०२ जून २०१८ दिसा रविंद्रा भवनाच्या कानफरेन्स हालांत मडगांवां जाली.

‘सुनामी सांयन हें मूळ देव‌नागरी लिपिंतलें साहित्या आकादेमी पुरसकार विजेतो दामदार मावजो हाचें भुर्ग्यांचें पुसतक विन्सी क्वाड्रोस हाणें लिपियांतर केलां जाल्यार ‘गर्जन हें मटविया काणियांचें साहित्या आकादेमी पुस्रक्सार विजेती डा| जयंती नायक हिचें पुसतक प्रो. एस. एम. बोर्जस हाणें लिपियांतर केलां. ह्या दोन‌यी पुसतकांची उज्वाडावणी फांकी कोंकणी बरवपी आनी साहित्या आकादेमी पुरसकार विजेतो दत्ता दामदार नायक हांच्या हातांतल्यान जाली.

मनीस हो ‘Unique' आसता देखून तो तेच तरेन घडटा अशें म्हणताना दामदार मावजो काळंगां भशेन रसाळ आनी उंद‌ड्या भाशेन कुर्कुरीत भास वापरून आपलें साहित्या घडयता म्हुणन ताणें एक वेगळेंच विश्व तयार केला अशें दत्ता नायकान मुखार सांगलें. ताच्या बर्पांत क्रिसती समाजाचें चित्रण चड दिश्टी पडटा जें हिंदू समाजाक खबरूच नासता, हीच ताचिये भाशेची गिरेसत्काय म्हुणनूय ताणें सांगलें. डा| जयंती नायकाचें बरवप लकवेदा कडें सर करून रामायानांतलिये आहिल्याची आनी तीन शिक्यांचियो काणियो सांगून तिचें बरवप भवजनाचो ‘पुल्से' वळखून सरळपणान वाचपियांक भावपा सार्कें थार्ता म्हूण दत्तान सांगलें. गानेसह देविचिये आंकड्यांच्या भाशेचो विच्यार मानडटानां दत्तान तें उपकाराक पडचें नां कित्याक ताका लागून एक‌च भास न्हय तर सगळियो भासो मरून वचुंक शक्तात अशी भिरांत उग्तावन रोमिंतलीं पुसतकां गा कोंकणी आकादेमी (ग्का) लिपियांतर कर्तली म्हूण रावनासतानां तीं द.को.अ.नूच लिपियांतर कर्चीं असय सल्लो ताणें दिलो. लिपी परस भास व्हडली आनी भाशेपरस समाज व्हडलो अशेंय ताणें आपल्या उलवपांत म्हुणलें.

दामदार मावजो हाणें आपलें मनगत व्योक्त कर्तानां ग्का आनी द.को.अ. हाणीं हातांत हात घालून मुखार वचुंक जाय अशी भावना उग्तायली. वाद मनांत आसुंयेता, तो भाशे कडें आसुंक जायनां, तर वाद कडेक दवरुंक ताणें उलो मारलो आनी पुसतकां वाचून जातच बरवपियाक ताचो ‘फेेदबाचक' दीवंक विनंती केली.

डा| जयंती नायक हिणें रमी आनी देवनाग्री लकांनी आपणाक खूब वयर काडलल्याचो अभिमान बाळगिलो आनी आपलीं पुसतकां जेदनां जेदनां उज्वाडाक येतालीं, तेदनां तेदनां देव‌नागरी लिपिंतल्या वाचपियांक दीवंक पुसतक आसतालें आनी रमी लिपिंतल्या वाचपियांक कायंच दीवंक शकनासलें ही खंत उग्तावन आयज आपलें ‘गर्जन पुसतक उज्वाडावन ही खंत भरून काडपाक वाट मेकळी जाली म्हूण तिणें खस व्योक्त केली.

द.को.अ.चो अध्यक्ष तमाजिन्हो कार्डोजो हाणें आपल्या येवकाराच्या उलवपांत लिपियांतरा वर्वीं दनूय कोंकणी समाजा कडें पावपाक एक बरी वाट आसा देखून द.को.अ. जे परीं देव‌नागरी लिपिंतलीं पुसतकां रमी लिपिंत उज्वाडायता तशीं कोंकणिच्या हेर सन्स्थांनी रोमिंतलीं पुसतकां देव‌नागरिंत उज्व्डावंचीं म्हूण उलो मारलो.

केंद्र बाल साहित्या पुरसकार विजेतो, बऱ्याच पुसतकांचो लिपियांतर्कार आनी द.को.अ.चो चिटनीस विन्सी क्वाड्रोस हाणें ‘सुनामी सांयन हेंय पुसतक लिपियांतर केलां, ताणें दनूय पुसतकांची वळख करून दिली.

भांडारी चेल्सो फेर्नांदेस हाणें उपकाराचें उलवप केलें जाल्यार कोंकणी बरवपी मेनिनो आलेमिदा हाणें सुत्र्संचालन केलें. राश्ट्र्गीत म्हुणन काऱ्यावळ संपली.

भात्मी: विन्सी क्वाड्रोस