ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಖಬರ್] ಪಯ್ಣಾರಿಕ್ ನೊವೊ ಸಹ-ಸಂಪಾದಕ್

ಪಯ್ಣಾರಿಕ್ ನವೊ ಸಹ-ಸಂಪಾದಕ್

ಪ್ರಗತಿಪರ್ ಕೊಂಕಣಿ ಬರವ್ಪ್ಯಾಂಚ್ಯಾ ಎಕ್ತಾರಾಖಾಲ್ ವಲ್ಲಿ ಕ್ವಾಡ್ರಸಾಚ್ಯಾ ಸಂಪಾದಕ್‌ಪಣಾಖಾಲ್ ಸುರು ಜಾಲ್ಲ್ಯಾ ’ಕೊಂಕಣಿ ನಿರಂತರಿ... ಪಯ್ಣಾರಿ’ (2015 ಇಸ್ವೆಚ್ಯಾ ದಸೆಂಬ್ರ್ 13 ತಾರಿಕೆರ್ ಮುಂಬಂಯ್ತ್ ಸುರು ಜಾಲ್ಲ್ಯಾ ಕೊಂಕಣಿಚಾ ಪಯ್ಲ್ಯಾ ತೀನ್-ಲಿಪಿಚ್ಯಾ ಸಾಹಿತಿಕ್ ಜಾಳಿಜಾಗ್ಯಾಚೆಂ) ಪಾಂಚ್ವೆಂ ವರಸ್ ಹೆಂ. 2015 ಇಸ್ವೆ ಥಾವ್ನ್ 2016 ಪರ್ಯಾಂತ್ ಕವಿ ಬಾಬ್ ನೆರಿ ನಜ್ರೆತ್ ತಾಕೊಡೆನ್ ಹ್ಯಾ ಜಾಳಿಜಾಗ್ಯಾಚೊ ಸಹ-ಸಂಪಾದಕ್ ಜಾವ್ನ್ ಸೆವಾ ದಿಲ್ಯಾ. 2017 ಥಾವ್ನ್ 2019 ಪರ್ಯಾಂತ್ ಕವಿ ಬಾಬ್ ಪ್ರಸನ್ನ್ ನಿಡ್ಡೋಡಿನ್ (ಹಿಲಡಿ ಡಿ’ಸಿಲ್ವಾ) ಸಹ-ಸಂಪಾದಕ್ ಜಾವ್ನ್ ಸೆವಾ ದಿಲ್ಯಾ. 2020 ಇಸ್ವೆಥಾವ್ನ್ ಕೊಂಕಣಿ ತಶೆಂಚ್ ಮುಂಬಯ್ಚೊ ಮರಾಠಿ ಕವಿ, ಅಂಕಣ್‌ಕಾರ್, ವಾವ್ರಾಡಿ, ಸಮೀಕ್ಸಕ್ ಬಾಬ್ ಶಯ್ಲೇಂದ್ರ ಮೆಹ್ತಾ ಸಹ-ಸಂಪಾದಕ್ ಜಾವ್ನ್ ಸೆವಾ ದಿತಲೊ.

ಶೈಲೆಂದ್ರ್ ಮೆಹ್ತಾ
ಜಲ್ಮ್: ಪಣ್ಜಿ, ಗೊಂಯ್

ಮುಳಾವೆ ಶಿಕ್ಷಣ್ ವಾಗ್ಳೆ ಹಾಯ್ಸ್ಕೂಲ್ ಮಂಗೆಶಿ, ತಾಚೆಉಪರಾನ್ತ್ ಸರ್ಕಾರಿ ಉಚ್ಚ್ ಮಾಧ್ಯಮಿಕ್ ವಿದ್ಯಾಲಯ್ ಆನಿ ಧೆಮ್ಪೆ ಕೊಲೆಜ್ , ಪಣ್ಜಿ . ಮುಂಬಇ ವಿದ್ಯಾಪೀಠಾಚಿ ತತ್ವಗಿನ್ಯಾನ್ ಆನಿ ಗೊಯ್ ವಿದ್ಯಾಪೀಠಾಚಿ ರಾಜ್ಯ್ ಶಾಸ್ತ್ರ್ ಆನಿ ಲೆಟಿನ್ ಅಮೆರಿಕನ್ ಸ್ಟಡೀಜ್ ವಿಶ್ಯಾಂನಿ ಪದ್ವ್ಯುತ್ತರ್ ಪದ್ವಿ. 1980 ಚ್ಯಾ ದಸ್ಕಾಂತ್ ವಿದ್ಯಾರ್ಥಿ, ಕಾಮ್ಗಾರ್, ಕೊಂಕ್ಣಿ ಆನಿ ಹೆರ್ ಸಮಾಜೀಕ್ ಚಳವ್ಳೀನಿ ಸಕ್ರಿಯ್ ಫುಡಾರಿ.

ತಾಂಚಿ ಕೊಂಕ್ಣಿ, ಮರಾಠಿ, ಇಂಗ್ಲೆಝ್ ಭಾಶಾತ್ಲ್ಯಾನ್ ಕವಿತಾ, ಲೆಖ್, ನಾಟ್ಯ್ ಪರಿಕ್ಷಣ್, ನಿಬಂಧ್, ಶೊಧ್ ನಿಬಂಧ್, ಮುಲಾಖತಿ ತಶೆಂಚ್ ಸ್ಥಾಪ್ತ್ಯಶಾಸ್ತ್ರ್, ಡೀಝಾಈನ್, ಹಸ್ತಕಲಾ,ಸಮಾಜಶಾಸ್ತ್ರ್, ರಾಜ್ಯಶಾಸ್ತ್ರ್ ಅಶ್ಯಾ ವಿಂಗಡ್ ವಿಂಗಡ್ ವಿಷ್ಯಾಂವೆಲಿ ಬರ್ಪಾವಳ್ ಥಳಾವ್ಯಾ, ರಾಷ್ಟ್ರೀಯ್ ಆನಿ ಆಂತರರಾಷ್ಟ್ರೀಯ್ ನೆಮಾಳ್ಯಾನಿ ಸಾತ್ತ್ಯಾನ್ ಉಜ್ವಾಡಾಕ್ ಯೆತ್ ಆಸಾ. ತಾಂಕಾ ವಕ್ತೃತ್ವ್, ಅಭಿನಯ್, ಕವಿತಾ ಲೆಖನ್, ನಾಟ್ಯ್ ದಿಗ್ದರ್ಶನ್ ಹಾತುಂತ್ ಈನಾಮಾ, ತಸ್ರೀಪೊ ಆನಿ ಭೊವ್ಮಾನ್ ಫಾವ್ ಜಾಲ್ಯಾತ್. ತಾಂಚ್ಯೊ ಕವಿತಾ ಗೊಂಯ್ಚ್ಯಾ ಆನಿ ಗೊಂಯಾಭಾಯ್ಲ್ಯಾ ನೆಮಾಳ್ಯಾನಿ ಉಜ್ವಾಡಾಕ್ ಆಯ್ಲ್ಯಾತ್. 'ಸಿಸಿಫಸ್ ತೆಂಗ್ಶೆರ್' ಹೊ ಕೊಂಕ್ಣಿ ಕವಿತಾಸಂಗ್ರಹ್ 2018 ವರ್ಸಾ ಉಜ್ವಾಡಾಕಆಯಲೊ. ದುಸ್ರೊ ಕೊಂಕ್ಣಿ ಕವಿತಾಸಂಗ್ರಹ್ 'ವಿಜ್ನವಾಸಾಂತಲೊ ಭೊವಂಡೆಕಾರ್' ; ತೆಭಾಯ್ರ್ 'ಅಭಿಜಾತ್' ಹೊ ಮರಾಠಿ ನಿಬಂಧಸಂಗ್ರಹ್ ಪ್ರಕಾಶನಾಚ್ಯಾ ಮಾರ್ಗಾರ್.

ಗೊಯ್ ವಿದ್ಯಾಪೀಠಾಚ್ಯಾ ಕೊಂಕ್ಣಿ ವಿಶ್ವಕೊಶ್ ಪ್ರಕ್ಲ್ಪಾಂತ್ ಸಂಶೊಧನ್ ಸಹಾಯ್ಕ್; ‘ದ ಗೊವ್ನ್ ವಿಕ್ಲಿ’ ಸಾಪ್ತಾಹಿಕಾಚೆ ಸಂಪಾದಕ್; ಗೊಮಂತಕ್ ಟಾಇಮ್ಸ್ ದಿಸಾಳ್ಯಾಂತ್ ಪತ್ರಕಾರ್; ಫಾದರ್ ಆಗ್ನೆಲ್ ಕೊಲೆಜ್ , ಪಿಲಾರ್ ಹಾಂಗಾ ರಾಜ್ಯಶಾತ್ರ್ ವಿಶ್ಯಾಚೊ ವ್ಯಾಖ್ಯಾತಾ. ಗೊಂಯ್ ವಿದ್ಯಾಪಿಠಾಚ್ಯಾ ಸೆಂಟರ್ ಫೊರ್ ಲೆಟಿನ್ ಅಮೆರಿಕನ್ ಸ್ಟಡೀಜ್ ಹಾಂಗಾ ವ್ಹಿಜಿಟಿಂಗ್ ಫೆಕ್ಲ್ಟಿ.

ಗೆಲಿಂ ವೀಸೆಕ್ ವರ್ಸಾಂ ಚಡ್ಸೊ ಮುಂಬಯ್ ರಾಬಿತೊ. 'ಇಂಡೆಕ್ಸ್ ಫರ್ನಿಚರ್ ಜರ್ನಲ್ ' ಹ್ಯಾ ಆಂತರರಾಷ್ಟ್ರೀಯ್ ನೆಮಾಳ್ಯಾಚೆ ಸಂಪಾದನ್ ಸಲ್ಲಾಗಾರ್; 'ಮಾಯ್ ಮೆಂಟರ್', ‘ಡಿಝಾಈನ್ ಕಲ್ಚರ್’ ಹ್ಯಾ ಇಂಗ್ಲೆಝ್ ಆನಿ 'ಸಂಗ್ರಾಮ್' ಹ್ಯಾ ಮರಾಠಿ ನೆಮಾಳ್ಯಾಚೆ ಸಂಪಾದನ್. ರಾಷ್ಟ್ರೀಯ್ ಆನಿ ಆಂತರರಾಷ್ಟ್ರೀಯ್ ಪಾವಂಡ್ಯಾವಯಲಿಂ ಕವೀಸಂಮೆಲನಾಂ, ಚರ್ಚಾಸ್ತ್ರಾಂ, ಕಾರ್ಯಶಾಳಾ, ಪರಿಶದೊ, ಉದ್ಯೊಗ್ ಮೆಳಾವೆ ಹಾತೂಂತ್ ಸಕ್ರಿಯ್ ವಾಂಟೊ. ಪಬ್ಲಿಕ್ ರಿಲೆಶಂಸ್, ಮಿಡಿಯಾ, ಕೊರ್ಪೊರೆಟ್ ಕಮ್ಯುನಿಕೆಶ್ನ್ಸ್, ಉದ್ಯೊಗ್ ಸಲ್ಲಾಗಾರ್, ಇವೆನ್ಟ್ ಮೆನೆಜಮೆಂಟ್, ಶಿಕ್ಷಣ್, ಪ್ರಶಿಕ್ಷಣ್, ರಾಜ್ಕಾರಣ್ ಅಶ್ಯಾ ವಿಂಗಡ್ ವಿಂಗಡ್ ಮಳಾರ್ ಸಕ್ರಿಯ್. ಭಾರ್ತಭರ್ ತಶೆಂಚ್ ಯುರೊಪ್, ದಕ್ಷಿಣ್ ಅಮೆರಿಕಾ, ಆಫ್ರಿಕಾ, ಆಶಿಯಾ ಹಾಂಗಾ ಭರ್ಪೂರ್ ಪ್ರವಾಸ್.

ಯೆದೊಳ್ ಪಾಸುನ್ ಸಹ-ಸಂಪಾದಕ್ ಜಾವ್ನ್ ಸೆವಾ ದಿಲ್ಲ್ಯಾ ಬಾಬ್ ನೆರಿ ನಜ್ರೆತ್ ತಾಕೊಡೆ ತಶೆಂಚ್ ಬಾಬ್ ಹಿಲರಿ ಡಿ’ಸಿಲ್ವಾಕ್ ಧಿನ್ವಾಸ್ ಪಾಟಯ್ತಾನಾ, ನವ್ಯಾ ಸಹ-ಸಂಪಾದಕ್ ಬಾಬ್ ಶಯ್ಲೇಂದ್ರ ಮೆಹ್ತಾಕ್ ಸರ್ವ್ ಬರೆಂ ಮಾಗ್ತಾಂ.

ಖಬರ್: ಆಮ್ಚೊ ಭಾತ್ಮಿ

[Khobor] Poinnarik novo Soho-Sompadok

Poinnarik novo soho-sompadok

Progotipor konkonni boroupeanchea ektarakhal vol'li kvaddrosachea sompadok‌ponnakhal suru zal'lea ’konkonni nirontori... Poinnari’ (2015 isvechea dosembr 13 tariker mumbomyt suru zal'lea konkonnicha poilea tin-lipichea sahitik zallizageachem) panchvem voros hem. 2015 isve thaun 2016 poreant kovi Bab Nery Nazreth Taccoden hea zallizageacho soho-sompadok zaun seva dilea. 2017 thaun 2019 poreant kovi Bab Prasann Niddodin (Hillary DSilva’silva) soho-sompadok zaun seva dilea. 2020 isvethaun konkonni toxench mumboicho moratthi kovi, onkonn‌kar, vauraddi, somiksok bab xoilendro mehta soho-sompadok zaun seva ditolo.

Shailendra Mehta
zolm': Ponnji, Gõy

Mullave xikxonn vaglle haiskul mongexi, tacheuporant sorkari uchch madhyomik videaloi ani dhempe kolez , ponnji. Mumbi videapitthachi totvoginean ani goi videapitthachi rajy xastr ani lettin omerikon sttoddiz vixeamni podvyut'tor podvi. 1980 chea doskant videarthi, kamgar, konknni ani her somajik cholloullini sokriy fuddari.

Tanchi konknni, moratthi, inglejh bhaxatlean kovita, lekh, natty porikxonn, nibondh, xodh nibondh, mulakhoti toxench sthaptyoxastr, ddizhain, hostokola,somazoxastr, rajyoxastr oxea vingodd vingodd vixeamveli borpaull thollavea, raxttri-i ani antororaxttri-i nemalleani sat'tean ujvaddak yet asa. Tanka voktritv, obhinoi, kovita lekhon, natty digdorxon hatunt inama, tosripo ani bhouman favo zaleat. Tancheo kovita gõychea ani gõyabhailea nemalleani ujvaddak aileat. 'Sisifos Tengxer' ho konknni kovitasongroh 2018 vorsa ujvaddakailo. Dusro konknni kovitasongroh 'vijnovasantolo bhounddekar' ; tebhair 'obhizat' ho moratthi nibondhosongroh prokaxonachea margar.

Goi videapitthachea konknni vixvokox proklpant sonxodhon sohaik; ‘do goun vikli’ saptahikache sompadok; gomontok ttaims disalleant potrokar; fador agnel kolez, pilar hanga rajyoxatr vixeacho veakheata. Gõy videapitthachea senttor for lettin omerikon sttoddiz hanga vhijitting fekltti.
Gelim visek vorsam choddso mumboi rabito. 'inddeks fornichor zornol' hea antororaxttri-i nemalleache sompadon sol'lagar; 'mai menttor', ‘ddizhain kolchor’ hea inglejh ani 'songram'' hea moratthi nemalleache sompadon. Raxttri-i ani antororaxttri-i paunddeavoilim kovisom'melonam, chorchastram, karyoxalla, porixodo, udeog mellave hatunt sokriy vantto. Poblik rilexoms, middia, korporett komyunikexns, udeog sol'lagar, iventt menezomentt, xikxonn, proxikxonn, rajkaronn oxea vingodd vingodd mollar sokriy. Bhartobhor toxench yurop, dokxinn omerika, afrika, axia hanga bhorpur provas.

Yedoll pasun soho-sompadok zaun seva dil'lea bab neri nojret takodde toxench bab hilori ddi’silvak dhinvas pattoitana, novea soho-sompadok bab xoilendro mehtak sorv borem magtam.

Khobor: Amcho Bhatmi

[खबर] पयणारीक नवो सह-संपादक

पयणारीक नवो सह-संपादक

प्रगतिपर कोंकणी बरवप्यांच्या एक्ताराखाल वल्ली क्वाड्रसाच्या संपादक‌पणाखाल सुरू जाल्ल्या ’कोंकणी निरंतरी... पयणारी’ (२०१५ इस्वेच्या दसेंबर १३ तारिकेर मुंबंयत सुरू जाल्ल्या कोंकणिचा पयल्या तीन-लिपिच्या साहितीक जाळिजाग्याचें) पांचवें वरस हें. २०१५ इस्वे थावन २०१६ पऱ्यांत कवी बाब नेरी नज्रेत ताकोडेन ह्या जाळिजाग्याचो सह-संपादक जावन सेवा दिल्या. २०१७ थावन २०१९ पऱ्यांत कवी बाब प्रसन्न निड्डोडीन (हिलडी डी’सिलवा) सह-संपादक जावन सेवा दिल्या. २०२० इस्वेथावन कोंकणी तशेंच मुंबयचो मराठी कवी, अंकण‌कार, वावराडी, समीक्सक बाब शयलेंद्र मेहता सह-संपादक जावन सेवा दितलो.

शैलेंद्र मेहता
जल्म: पणजी, गोंय
मुळावे शिक्षण वागळे हायसकूल मंगेशी, ताचेउपरानत सर्कारी उच्च माध्यमीक विद्यालय आनी धेमपे कोलेज , पणजी . मुंबई विद्यापीठाची तत्वगिन्यान आनी गोय विद्यापीठाची राज्य शासत्र आनी लेटीन अमेरिकन स्टडीज विश्यांनी पद्व्युत्तर पद्वी. १९८० च्या दसकांत विद्यार्थी, कामगार, कोंकणी आनी हेर समाजीक चळवळीनी सक्रीय फुडारी.
तांची कोंकणी, मराठी, इंगलेझ भाशातल्यान कविता, लेख, नाट्य परिक्षण, निबंध, शोध निबंध, मुलाखती तशेंच स्थाप्त्यशासत्र, डीझाईन, हसतकला,समाजशासत्र, राज्यशासत्र अश्या विंगड विंगड विषयांवेली बर्पावळ थळाव्या, राषट्रीय आनी आंतरराषट्रीय नेमाळ्यानी सात्त्यान उज्वाडाक येत आसा. तांका वक्तृत्व, अभिनय, कविता लेखन, नाट्य दिगदर्शन हातुंत ईनामा, तस्रीपो आनी भोवमान फाव जाल्यात. तांच्यो कविता गोंयच्या आनी गोंयाभायल्या नेमाळ्यानी उज्वाडाक आयल्यात. 'सिसिफस तेंगशेर' हो कोंकणी कवितासंग्रह २०१८ वर्सा उज्वाडाकआयलो. दुस्रो कोंकणी कवितासंग्रह 'विजनवासांतलो भोवंडेकार' ; तेभायर 'अभिजात' हो मराठी निबंधसंग्रह प्रकाशनाच्या मार्गार.
गोय विद्यापीठाच्या कोंकणी विश्वकोश प्रकल्पांत संशोधन सहायक; ‘द गोवन विकली’ साप्ताहिकाचे संपादक; गोमंतक टाइम्स दिसाळ्यांत पत्रकार; फादर आग्नेल कोलेज, पिलार हांगा राज्यशात्र विश्याचो व्याख्याता. गोंय विद्यापिठाच्या सेंटर फोर लेटीन अमेरिकन स्टडीज हांगा व्हिजिटिंग फेकल्टी.
गेलीं वीसेक वर्सां चडसो मुंबय राबितो. 'इंडेक्स फर्निचर जर्नल ' ह्या आंतरराषट्रीय नेमाळ्याचे संपादन सल्लागार; 'माय मेंटर', ‘डिझाईन कल्चर’ ह्या इंगलेझ आनी 'संग्राम' ह्या मराठी नेमाळ्याचे संपादन. राषट्रीय आनी आंतरराषट्रीय पावंड्यावयलीं कवीसंमेलनां, चर्चासत्रां, काऱ्यशाळा, परिशदो, उद्योग मेळावे हातूंत सक्रीय वांटो. पबलीक रिलेशंस, मिडिया, कोर्पोरेट कम्युनिकेश्न्स, उद्योग सल्लागार, इवेनट मेनेजमेंट, शिक्षण, प्रशिक्षण, राजकारण अश्या विंगड विंगड मळार सक्रीय. भार्तभर तशेंच युरोप, दक्षीण अमेरिका, आफ्रिका, आशिया हांगा भर्पूर प्रवास.
येदोळ पासून सह-संपादक जावन सेवा दिल्ल्या बाब नेरी नज्रेत ताकोडे तशेंच बाब हिलरी डी’सिलवाक धिन्वास पाटयताना, नव्या सह-संपादक बाब शयलेंद्र मेहताक सर्व बरें माग्तां.
खबर: आमचो भात्मी

ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.

ಮುಖ್‌ಪಾನ್

ಆಶಾವಾದಿ ಪ್ರಕಾಶನ್

ಪ್ರಗತಿಶೀಲ್ ಬರಯ್ಣಾರ್