[ಖಬರ್] ಕೊಂಕಣಿ ರಂಗ್‌ಮಂಚ್ ಆನಿ ನಾಟಕಾಂಚೆರ್ ಪರಿಸಂವಾದ್

ಕೊಂಕಣಿ ರಂಗ್‌ಮಂಚ್ ಆನಿ ನಾಟಕಾಂಚೆರ್ ಪರಿಸಂವಾದ್, ಕೊಂಕಣಿ ಪುಸ್ತಕಾಂಚೆಂ ಉಗ್ತಾವಣ್

29 ಅಕ್ತೋಬರ್ (ಮಂಗ್ಳುರ್): ಆಶಾವಾದಿ ಪ್ರಕಾಶನಾನ್ ಸಾಂ ಜುಜೆ ಸೆಮಿನರಿಚ್ಯಾ ಸಭಾಸಾಲಾಂತ್ ’ಕೊಂಕಣಿ ರಂಗ್‌ಮಂಚ್ ಆನಿ ನಾಟಕಾಂಚೆರ್’ ಮಾಂಡುನ್ ಹಾಡ್‌ಲ್ಲೆಂ ಆದೇಸಾಚೆಂ ಪರಿಸಂವಾದ್ ಕಾರ್ಯೆಂ 29 ಅಕ್ತೋಬರ್ ತಾರಿಕೆರ್ (ಆಯ್ತಾರಾ) ಸಕಾಳಿಂ 10 ಥಾವ್ನ್ 1 ಪರ್ಯಾಂತ್ ಚಲ್ಲೆಂ. ಆಶಾವಾದಿ ಪ್ರಕಾಶನಾನ್ ಮಾ ದೊ ರೊನಾಲ್ಡ್ ಸೆರಾವೊಚ್ಯಾ ’ದಾನಿಯೆಲ್ ಆನಿ ಎಸ್ತೆರ್ ರಾಣಿ’ ನಾಂವಾಚಿಂ ದೋನ್ ಲಿಪಿಂನಿ ಪರ್ಗಟ್ಲೆಲಿಂ ದೋನ್ ನಾಟಕಾಂಚಿಂ ಪುಸ್ತಕಾಂ ತಶೆಂಚ್ ಪಯ್ಣಾರಿ ಡಿಜಿಟಲ್ ಕೊಂಕಣಿ ಸಾಹಿತಿಕ್ ಜರ್ನಲಾಚೆಂ ಉಗ್ತಾವಣ್ ಕಾರ್ಯೆಂ ಚಲವ್ನ್ ವ್ಹೆಲೆಂ.

ಸಕಾಳಿಂ ಧಾ ವೊರಾಂಚೆರ್ ದಿವೊ ಪೆಟವ್ನ್ ಮಾನೆಸ್ತಿಣ್ ಮೀನಾ ರೆಬಿಂಬಸಾಚ್ಯಾ ಹಾತಿಂ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ. ಮುಖೆಲ್ ಸಯ್ರೊ ಜಾವ್ನ್ ಸಾಹಿತ್ಯ್ ಅಕಾಡೆಮಿಚೊ ಸಂಚಾಲಕ್ ಮಾನೆಸ್ತ್ ಮೆಲ್ವಿನ್ ರೊಡ್ರಿಗಸ್, ತಶೆಂಚ್ ಸಯ್ರಿಂ ಜಾವ್ನ್ ಮಾನೆಸ್ತಿಣ್ ಮಾರಿಯೆಟ್ ರಾಸ್ಕಿನ್ಹಾ, ಮಾನೆಸ್ತಿಣ್ ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ ತಶೆಂಚ್ ನಾಟಕಾಂ ಬರವ್ಪಿ ಮಾ ದೊ ರೊನಾಲ್ಡ್ ಸೆರಾವೊ ವೆದಿಚೆರ್ ಆಸ್ಲಿಂ. ಸೂತ್ರ್ ಸಂಚಾಲನ್ ಕೆಲ್ಲ್ಯಾ ಮಾನೆಸ್ತ್ ಅರುಣ್ ಅಜೆಕಾರಾನ್ ಪರಿಸಂವಾದಾಚ್ಯಾ ಮಹತ್ವಾವಿಶಿಂ ಸಾಂಗುನ್, ವೆದಿಚೆರ್ ಆಸ್‌ಲ್ಲ್ಯಾ ಮಾನ್ ಮನ್ಶಾಂಚಿ ಒಳೊಕ್ ಕರ್ತಚ್, ಮಾ ದೊ ರೊನಾಲ್ಡ್ ಸೆರಾವೊನ್ ಯೆವ್ಕಾರಾಚೆಂ ಉಲವ್ಪ್ ಕರ್ತಚ್ ಬಾಯ್ ನಿಯೊನಾ ಡಿಸೋಜಾನ್ ಸರ್ವ್ ಮಾನ್ ಸಯ್ರ್ಯಾಂಕ್ ಕೊಂಕಣಿ ಪುಸ್ತಕಾಂ ದಿವುನ್ ಸ್ವಾಗತ್ ಕೆಲೊ.

ಮಾರಿಯೆಟ್ ರಾಸ್ಕಿನ್ಹಾ ಆನಿ ಮೆಲ್ವಿನ್ ರೊಡ್ರಿಗಸಾನ್ ಅಪ್ಲ್ಯಾ ಉಲವ್ಪಾಂತ್ ಕೊಂಕಣಿ ನಾಟಕಾಂಚ್ಯಾ ಸುರ್ವಿಲ್ಯಾ ದಿಸಾಂಚಿ ಮೊಟ್ವಿ ಯಾದ್ ಕರುನ್ ಸುರ್ವಿಲ್ಯಾ ನಾಟಕಿಸ್ತಾಂನಿ ನಾಟಕ್ ಶೆತಾಕ್ ದಿಲ್ಲ್ಯಾ ಅಮೊಲಿಕ್ ದೇಣ್ಗೆಚಿ ಮಾಹೆತ್ ದಿಲಿ.

ಪರಿಸಂವಾದ್ ಕಾರ್ಯಾಚೆಂ ಸಂಚಾಲನ್ ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವನ್ ಚಯ್ಲೆಂ, ಮಾನೆಸ್ತ್ ಜೋನ್ ಎಮ್ ಪೆರ್ಮನ್ನೂರ್ ಹಾಣೆ ಕೊಂಕಣಿ ನಾಟಕಾಂಚ್ಯಾ ಶೆಂಬೊರ್ ಆನಿ ಧಾ ವರ್ಸಾಂಚ್ಯಾ ಇತಿಹಾಸಾಚೆರ್ ಘಾಲ್ಲಿ ಸುಕ್ಣ್ಯಾನದರ್ ಭೋವ್ ಅಪುರ್ಭಾಯೆನ್ ಸಾದರ್ ಕೆಲಿ, ಮಾನೆಸ್ತ್ ಅರುಣ್ ರೊಡ್ರಿಗಸಾನ್ ಕೊಂಕಣಿ ನಾಟಕಾಂನಿ ಜಾಲ್ಲ್ಯಾ ವೆಗ್-ವೆಗಳ್ಯಾ ರಿತಿಚ್ಯಾ ಪ್ರಯೋಗಾಂಚೆರ್ ಭೋವ್ ಅಪುರ್ಭಾಯೆಚಿ ಮಾಹೆತ್ ದಿಲಿ.

ಮಾನೆಸ್ತ್ ರಿಚಾರ್ಡ್ ಮೋರಸಾನ್ ಗಲ್ಫಾಂತ್ ಕೊಂಕಣಿ ನಾಟಕಾಂ ವಿಶ್ಯಾಚೆರ್ ಅಪ್ಲೆಂ ಉಲವ್ಪ್ ಕರ್ತಚ್ ಮಾ ದೊ ರೊನಾಲ್ಡ್ ಸೆರಾವೊನ್ ಕೊಂಕಣಿ ಧಾರ್ಮಿಕ್ ನಾಟಕಾಂಚಿ ಗರ್ಜ್ ಮ್ಹಳ್ಳ್ಯಾ ವಿಶ್ಯಾಚೆರ್ ಅಪ್ಲೆಂ ಉಲವ್ಪ್ ಕೆಲೆಂ.

ಕನ್ಸೆಪ್ಟಾ ಫೆರ್ನಾಂಡಿಸಾನ್ ಕಾಂಯ್ ಪನ್ನಾಸಾಂ ವಯ್ರ್ ವರ್ಸಾಂಚೊ ಇತಿಹಾಸ್ ಆಸ್ಚ್ಯಾ ರೇಡಿಯೊ ನಾಟಕಾಂಚ್ಯಾ ಇತಿಹಾಸಾವಿಶಿಂ ಉಲಯ್ಲಿ.

ಪುಸ್ತಕ್ ಉಗ್ತಾವಣ್ ಕಾರ್ಯಾಚೆಂ ಸೂತ್ರ್ ಸಂಚಾಲನ್ ಕೆಲ್ಲ್ಯಾ ಬಾಯ್ ಅನಿತಾ ಮಿನೇಜಸಾನ್ ಪುಸ್ತಕಾಂಚಿ ಮೊಟ್ವಿ ಝಳಕ್ ದಿವುನ್ ಮಾನ್ ಸಯ್ರ್ಯಾಂಕ್; ಮಾ ಬಾ ರುಪೇಶ್ ಮಾಡ್ತಾ, ದೊ ಪೂರ್ಣಾನಂದ ಚಾರಿ, ಮಾನೆಸ್ತ್ ಅವಿಲ್ ರಾಸ್ಕಿನ್ಹಾ,

ಮಾನೆಸ್ತ್ ಹೇಮಾಚಾರ್ಯಾ ಆನಿ ಮಾ ದೊ ರೊನಾಲ್ಡ್ ಸೆರಾವೊ ಹಾಂಕಾಂ ವೆದಿಕ್ ಆಪವ್ನ್ ತಾಂಚಿ ಮೊಟ್ವಿ ಒಳೊಕ್ ಕರುನ್ ದಿಲಿ. ಮಾ ದೊ ರೊನಾಲ್ಡ್ ಸೆರಾವೊಚ್ಯಾ ದೋನ್ ನಾಟಕಾಂಚಿಂ ದೋನ್ ಲಿಪಿಂತ್ಲಿಂ ಪುಸ್ತಕಾಂ, ಆಶಾವಾದಿ ಪ್ರಕಾಶನಾಚಿಂ 53ವೆಂ (ಕನ್ನಡ್ ಲಿಪಿ) ತಶೆಂಚ್ 54ವೆಂ (ನಾಗರಿ ಲಿಪಿ) ’ದಾನಿಯೆಲ್ ಆನಿ ಎಸ್ತೆರ್ ರಾಣಿ’ ಪುಸ್ತಕಾಂಚಿ ಒಳೊಕ್ ಕರುನ್ ದಿಲ್ಲ್ಯಾ ಮಾ ಬಾ ರುಪೇಶ್ ಮಾಡ್ತಾನ್ ತಶೆಂಚ್ ದೊ ಪೂರ್ಣಾನಂದ ಚಾರಿನ್ ಉಗ್ತಾವಣ್ ಕೆಲಿಂ.

ತ್ಯೇ ಉಪ್ರಾಂತ್ ಮಾನೆಸ್ತ್ ಲಾರೆನ್ಸ್ ವಿನೋದ್ ಬಾರ್ಬೋಜಾನ್ ಡಿಜಿಟಲ್ ಕೊಂಕಣಿ ಸಾಹಿತಿಕ್ ಜರ್ನಲಾಚಿ ಒಳೊಕ್ ಕರುನ್ ಜಾತಚ್ ಮಾನೆಸ್ತ್ ಆವಿಲ್ ರಾಸ್ಕಿನ್ಹಾ, ಹೇಮಾಚಾರ್ಯಾ ಆನಿ ದೊ ಪೂರ್ಣಾನಂದ ಚಾರಿನ್ ಡಿಜಿಟಲ್ ಸಾಹಿತಿಕ್ ಜರ್ನಲಾಚೆಂ ಉಗ್ತಾವಣ್ ಕೆಲೆಂ.

ಮುಖೆಲ್ ಸಯ್ರ್ಯಾಂನಿ; ಆವಿಲ್ ರಾಸ್ಕಿನ್ಹಾ, ಹೇಮಾಚಾರ್ಯ, ದೊ ಪೂರ್ಣಾನಂದ ಚಾರಿ ಹಾಣಿಂ ಅಪ್ಲೆ ಸಂಧೇಶ್ ದಿತಚ್ ಹೇಮಾಚಾರ್ಯಾನ್ ಮಾನ್ ಪ್ರತಿ ದಿವುನ್ ಸಮೆಸ್ತಾಂಚೊ ಮಾನ್ ಕೆಲೊ. ವಲ್ಲಿ ಕ್ವಾಡ್ರಸಾನ್ ಧಿನ್ವಾಸ್ ಪಾಟಯ್ಲೆ. ಜೆಸ್ಸಿ ಲೋಬೊ ಅಜೆಕಾರ್ ಹಿಣೆಂ ಸಗ್ಳ್ಯಾ ಕಾರ್ಯಾಚೆಂ ಡಿಜಿಟಲ್ ಸೂತ್ರ್ ಸಂಚಾಲನ್ ಕೆಲೆಂ.

ನಾಮ್ನೆಚೆ ಕೊಂಕಣಿ ಬರವ್ಪಿ, ನಾಟಕಿಸ್ತ್; ಎಡ್ಡಿ ಸಿಕೇರಾ, ರಿಚ್ಚಿ ಪಿರೇರ್, ಕ್ಲೀಟಾ ನೊರೊನ್ಹಾ, ಎಮ್. ಪ್ಯಾಟ್ರಿಕ್, ಶಾಲಿನಿ ವಾಳೆನ್ಸಿಯಾ, ಜ್ಯೂಲಿಯೆಟ್ ಮೊರಾಸ್, ಎಚ್. ಆರ್. ಆಳ್ವ, ಜೆಮ್ಮಾ ಪಡೀಲ್, ವಿಶ್ವಾಸ್ ರೆಬಿಂಬಸ್, ಡೇವಿಡ್ ಡಿಸೋಜ ವಾಮಂಜೂರ್, ಪಿಂಟೊ ವಾಮಂಜೂರ್, ಅಲೆಕ್ಸ್ ಮಿರಾಂದಾ, ಕ್ಯಾಥರೀನ್ ರೊಡ್ರಿಗಸ್ ಕಟ್ಪಾಡಿ, ಮಾ ಬಾ ಐವನ್ ಮಿಯಾರ್, ಮಾ ಬಾ ನವೀನ್, ಮಾಚ್ಚಾ ಮಿಲಾರ್, ಜೆ.ಎಫ್. ಡಿಸೋಜ್ ಅತ್ತಾವರ್ ಆನಿ ಹೆರಾಂ ಹ್ಯಾ ಕಾರ್ಯಾಂತ್ ಹಾಜರ್ ಆಸ್ಲಿಂ

 ಖಬರ್: ಆಮ್ಚೊ ಭಾತ್ಮಿ

[खबर] कोंकणी साहितीक तर‍्भेते शिभीर

कोंकणी रंग‌मंच आनी नाटकांचेर परिसंवाद, कोंकणी पुसतकांचें उग्तावण

२९ अक्तोबर (मंगळूर): आशावादी प्रकाशनान सां जुजे सेमिनरिच्या सभासालांत ’कोंकणी रंग‌मंच आनी नाटकांचेर’ मांडून हाड‌ल्लें आदेसाचें परिसंवाद काऱ्यें २९ अक्तोबर तारिकेर (आयतारा) सकाळीं १० थावन १ पऱ्यांत चल्लें. आशावादी प्रकाशनान मा दो रोनालड सेरावोच्या ’दानी येल आनी एसतेर राणी’ नांवाचीं दोन लिपिंनी पर्गटलेलीं दोन नाटकांचीं पुसतकां तशेंच पयणारी डिजिटल कोंकणी साहितीक जर्नलाचें उग्तावण काऱ्यें चलवन व्हेलें.

सकाळीं धा वोरांचेर दिवो पेटंवन मानेसतीण मीना रेबिंबसाच्या हातीं काऱ्याचें उग्तावण केलें. मुखेल सयरो जावन साहित्य अकाडेमिचो संचालक मानेसत मेलवीन रोड्रिगस, तशेंच सयरीं जावन मानेसतीण मारियेट रासकिन्हा, मानेसतीण कन्सेपटा फेर्नांडीस आळव तशेंच नाटकां बरवपी मा दो रोनालड सेरावो वेदिचेर आसलीं. सूत्र संचालन केल्ल्या मानेसत अरूण अजेकारान परिसंवादाच्या महत्वाविशीं सांगून, वेदिचेर आस‌ल्ल्या मान मनशांची ओळोक कर्तच, मा दो रोनालड सेरावोन येवकाराचें उलवप कर्तच बाय नियोना डिसोजान सर्व मान सयऱ्यांक कोंकणी पुसतकां दिवून स्वागत केलो. मारियेट रासकिन्हा आनी मेलवीन रोड्रिगसान अपल्या उलवपांत कोंकणी नाटकांच्या सुर्विल्या दिसांची मोटवी याद करून सुर्विल्या नाटकिसतांनी नाटक शेताक दिल्ल्या अमोलीक देणगेची माहेत दिली.

परिसंवाद काऱ्याचें संचालन कन्सेपटा फेर्नांडीस आळवन चयलें, मानेसत जोन एम पेर्मन्नूर हाणे कोंकणी नाटकांच्या शेंबोर आनी धा वर्सांच्या इतिहासाचेर घाल्ली सुकण्यानदर भोव अपुर्भायेन सादर केली, मानेसत अरूण रोड्रिगसान कोंकणी नाटकांनी जाल्ल्या वेग-वेगळ्या रितिच्या प्रयोगांचेर भोव अपुर्भायेची माहेत दिली. मानेसत रिचार्ड मोरसान गलफांत कोंकणी नाटकां विश्याचेर अपलें उलवप कर्तच मा दो रोनालड सेरावोन कोंकणी धार्मीक नाटकांची गर्ज म्हळ्ळ्या विश्याचेर अपलें उलवप केलें. कन्सेपटा फेर्नांडिसान कांय पन्नासां वयर वर्सांचो इतिहास आसच्या रेडियो नाटकांच्या इतिहासाविशीं उलयली.

पुसतक उग्तावण काऱ्याचें सूत्र संचालन केल्ल्या बाय अनिता मिनेजसान पुसतकांची मोटवी झळक दिवून मान सयऱ्यांक; मा बा रुपेश माडता, दो पूर्णानंद चारी, मानेसत अवील रासकिन्हा, मानेसत हेमाचाऱ्या आनी मा दो रोनालड सेरावो हांकां वेदीक आपवन तांची मोटवी ओळोक करून दिली. मा दो रोनालड सेरावोच्या दोन नाटकांचीं दोन लिपिंतलीं पुसतकां, आशावादी प्रकाशनाचीं ५३वें (कन्नड लिपी) तशेंच ५४वें (नागरी लिपी) ’दानियेल आनी एसतेर राणी’ पुसतकांची ओळोक करून दिल्ल्या मा बा रुपेश माडतान तशेंच दो पूर्णानंद चारीन उग्तावण केलीं. त्ये उपरांत मानेसत लारेन्स विनोद बारबोजान डिजिटल कोंकणी साहितीक जर्नलाची ओळोक करून जातच मानेसत आवील रासकिन्हा, हेमाचाऱ्या आनी दो पूर्णानंद चारीन डिजिटल साहितीक जर्नलाचें उग्तावण केलें.

मुखेल सयऱ्यांनी; आवील रासकिन्हा, हेमाचाऱ्य, दो पूर्णानंद चारी हाणीं अपले संधेश दितच हेमाचाऱ्यान मान प्रती दिवून समेसतांचो मान केलो. वल्ली क्वाड्रसान धिन्वास पाटयले. जेस्सी लोबो अजेकार हिणें सगळ्या काऱ्याचें डिजिटल सूत्र संचालन केलें. नाम्नेचे कोंकणी बरवपी, नाटकिसत; एड्डी सिकेरा, रिच्ची पिरेर, क्लीटा नोरोन्हा, एम. प्याट्रीक, शालिनी वाळेन्सिया, ज्यूलियेट मोरास, एच. आर. आळव, जेम्मा पडील, विश्वास रेबिंबस, डेवीड डिसोज वामंजूर, पिंटो वामंजूर, अलेक्स मिरांदा, क्याथरीन रोड्रिगस कटपाडी, मा बा ऐवन मियार, मा बा नवीन, माच्चा मिलार, जे.एफ. डिसोज अत्तावर आनी हेरां ह्या काऱ्यांत हाजर आसलीं.

आमचो भात्मी

[Khobor] Konknni Rongmonch  Ani Nattokancher Porisomvad

Konkonni rong‌monch ani nattokancher porisomvad, konkonni pustokanchem ugtaunn

29 October (Mongllur): Ashawadi Prakashanan sam zuje seminorichea sobhasalant ’Konkonni rong‌monch ani nattokancher’ manddun hadd‌l'lem adesachem porisomvad karyem 29 oktobor tariker (aitara) sokallim 10 thaun 1 poreant chol'lem. Ashawadi Prakashanan ma do Ronaldd Seraochea ’Daniel ani Ester Ranni’ namvachim don lipimni porgottlelim don nattokanchim pustokam toxench Poinnari dijital Konkonni sahitik Journalachem ugtaunn karyem choloun vhelem.

Sokallim dha vorancher divo pettoun manestinn Meena Rebimbusachea hatim kareachem ugtaunn kelem. Mukhel soiro zaun sahity okaddemicho sonchalok manest Melwyn Rodrigues, toxench soirim zaun manestinn Mariet Rasquinha, manestinn Concepta Fernandes Alva toxench nattokam boroupi ma do Ronald Serrao vedicher aslim. Sutr sonchalon kel'lea manest Arun Ajekar porisomvadachea mohotvavixim sangun, vedicher as‌l'lea man monxanchi ollok kortoch, ma do Ronald Serraon yeukarachem uloup kortoch bai niona ddisozan sorv man soireank Konkonni pustokam divun svagot kelo. Mariet Rasquinha ani Melwyn Rodriguesan oplea uloupant Konkonni nattokanchea survilea disanchi mottvi yad korun survilea nattokistamni nattok xetak dil'lea omolik denngechi mahet dili.

Porisomvad kareachem sonchalon Concepta Fernandes Alvan choilem, manest John M Permannur hanne Konkonni nattokanchea xembor ani dha vorsanchea itihasacher ghal'li suknneanodor bhovo opurbhayen sador keli, manest Arun Rodriguesan Konkonni nattokamni zal'lea veg-vegollea ritichea proyogancher bhovo opurbhayechi mahet dili. Manest Richard Morasan golfant Konkonni nattokam vixeacher oplem uloup kortoch ma do Ronald Serraon Konkonni dharmik nattokanchi gorz mholl'llea vixeacher oplem uloup kelem. Concepta Fernandes Alvan kaim pon'nasam voir vorsancho itihas aschea reddio nattokanchea itihasavixim uloili.

Pustok ugtaunn kareachem sutr sonchalon kel'lea bai Anitha Menezesan pustokanchi mottvi zhollok divun man soireank; ma ba Rupesh Madtha, do Purnananda Chari, manest Avil Rasquinha, manest Hemacharya ani ma do Ronald Serrao hankam vedik apoun tanchi mottvi ollok korun dili. Ma do Ronald Serraochea don nattokanchim don lipintlim pustokam, Ashawadi Prakashanachim 53vem (kon'nodd lipi) toxench 54vem (nagori lipi) ’Daniel ani Ester ranni’ pustokanchi ollok korun dil'lea ma ba Rupesh Madthan toxench do Purnananda Chari ugtaunn kelim. Tye uprant manest Lawrence Vinod Barbozan ddijittol Konkonni sahitik Journalachi ollok korun zatoch manest avil raskinha, Hemcharya ani do Purnananda Charin ddijittol sahitik Journalachem ugtaunn kelem.

Mukhel soireamni; Avil Raskinha, Hemacharya, do Purnnanonda Chari hannim ople sondhex ditoch Hemacharean man proti divun somestancho man kelo. Valley Quadrosan dhinvas pattoile. Jessy Lobo Ajekar hinnem sogllea kareachem ddijittol sutr sonchalon kelem. Namneche konkonni boroupi, nattokist; Edd'ddi Siker, Richchi Pirer, Clita Noronha, M. Patrick, Shalini Valencia, Juliet Moras, HR Alva, Jemma Padil, Vishwas Rebimbus, David DSouza Vamanjur, Pinto Vamanjur, Alex Miranda, Catherine Rodrigues Katpadi, Ivan Miyar, ma ba Navin, Machcha Milar, JF DSouza, ani heram hea kareant hazor aslim.

Amcho Bhatmi