|
ಕಾಣಿಕ್ ಸ್ಥಾಪಕ್ ಸಂಪಾದಕ್
ಮಾನೆಸ್ತ್ ಆಂಡ್ರು ಮೆಂಡೊನ್ಸಾ ಅಂತರ್‍ಲೊ
ಅಕ್ತೋಬರ್ 23 (ಕ್ರೈಸ್ಟ್‌ಚರ್‍ಚ್,
ನ್ಯೂಜಿಲೇಂಡ್): ಕಾಣಿಕ್ ಕೊಂಕ್ಣಿ ಪತ್ರಾಚೊ ಸ್ಥಾಪಕ್
ಸಂಪಾದಕ್, ಚಿಂತ್ಪಿ ತಶೆಂಚ್ ಕಾಣ್‌ಯೆಗಾರ್ ಮಾನೆಸ್ತ್
ಆಂಡ್ರು ಮೆಂಡೊನ್ಸಾ, ಅಕ್ತೋಬರ್ 23 ತಾರಿಕೆರ್ ಅವ್ಚಿತ್
ಕಾಳ್ಜಾಘಾತಾನಿಮ್ತಿಂ ಅಂತರ್‍ಲೊ.
1941 ಇಸ್ವೆಚ್ಯಾ ಮಾರ್‍ಚ್ 28 ತಾರಿಕೆರ್ ಬೆಳ್ಮಣ್ ಫಿರ್ಗಜೆಂತ್
ಜಲ್ಮಲ್ಲೊ ಹೊ ಚಡ್ತಾವ್ ಜಾವ್ನ್ ಮುಂಬಯಾಂತ್ ಕಾಮ್ ಕರುನ್,
ಅಪ್ಲಿ ಪತಿಣ್ ಲೀನಾ ಮೆಂಡೊನ್ಸಾ ಸರ್‌ಲ್ಲೆ ಉಪ್ರಾಂತ್‌ಯೀ,
ಅಂಧೇರಿಚ್ಯಾ ಮಹಾಕಾಳಿ ಕೇವ್ಸ್ ರೋಡಾಚ್ಯಾ ’ತಕ್ಶಶಿಲ’
ಸೊಸಾಯ್ಟಿಂತ್ ವಸ್ತಿ ಕರುನ್ ಆಸ್‌ಲ್ಲೊ ಹೊ, ಹೆಚ್ಚ್ ವರ್‍ಸಾ ಅಪ್ಲ್ಯಾ
ಭುರ್‍ಗ್ಯಾಂಕ್ ಮೆಳುಂಕ್ ಮ್ಹಣುನ್ ನ್ಯೂಜಿಲೇಂಡ್ ಗೆಲ್ಲೊ,
ಹೆಚ್ಚ್ ದಸ್ರೆಂಬ್ರಾಚ್ಯಾ 8 ತಾರಿಕೆರ್ ಪಾಟಿಂ ಮುಂಬಯಾಕ್
ಯೆಂವ್ಚೊ ಆಸ್ಲೊ.
ಭುರ್‍ಗಿಂ;
ಧುವ್: ಆಶಾ ರೆಬೆಲ್ಲೊ (ಜಾಂವಯ್: ಮಾಲೆಟ್
ರೆಬೆಲ್ಲೊ), ಪೂತ್: ಅಶ್ವಿನ್ ಮೆಂಡೊನ್ಸಾ (ಸುನ್:ಮಾಯೊಲಾ
ಮೆಂಡೊನ್ಸಾ), ಪೂತ್: ಆಶ್ಲೀ ಮೆಂಡೊನ್ಸಾ (ಸುನ್:
ಲಿಬಿನಾ ಮೆಂಡೊನ್ಸಾ), ನಾತ್ರಾಂ: ಮಾಶ್ರೆಕ್, ಮೆರಿಲ್
ರೆಬೆಲ್ಲೊ, ಜೊಹಾನ್ ಮೆಂಡೊನ್ಸಾ.
ನ್ಯೂಜಿ‌ಲೆಂಡಾ ಥಾವ್ನ್ ತಾಚಿ
ನಿರ್‍ಜೀವ್ ಕೂಡ್ ಮುಂಬಯಾಕ್ ಹಾಡವ್ನ್, ಮುಂಬಯ್ಚ್ಯಾ
(ಅಂಧೇರಿಂತ್ಲ್ಯಾ) ಮಹಾಕಾಳಿ ಕೇವ್ಸ್‌ರೊಡಾಚ್ಯಾ
’ಜೆಜುಚ್ಯಾ ಪವಿತ್ರ್ ಕಾಳ್ಜಾಚಿ ಇಗರ್‍ಜ್’ ಫಿರ್ಗಜೆಂತ್ ತಾಚಿ ಮೊರ್‍ನಾರಿವಾಜ್
ಚಲುಂಕ್ ಅಸ್ತಲಿ.
ಥೊಡೆಚ್ ದಿಸಾಂನಿ ಮೋರ್‍ನ್
ಆಸುಂಕ್ ಪುರೊ.
ಚಡ್ತಿಕ್ ವಿವರಾಂಕ್ ರಾಕುನ್ ರಾವಾ
[ತಾಚ್ಯಾ
ದುಖೇಸ್ತ್ ಕುಟ್ಮಾಕ್; ತಾಚ್ಯಾ ಸಮೇಸ್ತ್ ಕೊಂಕ್ಣಿ
ಅಭಿಮಾನಿಂಸವೆಂ ಪಯ್ಣಾರಿ.ಕೊಮ್ ಪಂಗಡ್ ಭುಜಯ್ತಾ ತಶೆಂಚ್
ತಾಚ್ಯಾ ಅತ್ಮ್ಯಾಕ್ ಶಾಂತಿ ಮಾಗ್ತಾ]
ಖಬರ್: ಆಮ್ಚೊ ಭಾತ್ಮಿ |
