![]() |
|
[ಖಬರ್]
ಪಯ್ಣಾರಿ
ವರ್ಸಾಚೊ ಕಥಾಕಾರ್ 2024
ಡೊ.
ಎಡ್ವರ್ಡ್ ಎಲ್. ನಜ್ರೆತ್ |
|
 |
|
ಆಶಾವಾದಿ ಪ್ರಕಾಶನಾನ್ ಮಾಂಡುನ್ ಹಾಡ್ಚ್ಯಾ ವರ್ಸಾಳ್ಯಾ
ಕಥಪಾಠ್ ರಾಶ್ಟ್ರ್ ಮಟ್ಟಾಚ್ಯಾ ಕಥೆಚ್ಯಾ ಅಧ್ಯಯನಾಂತ್
ಕೊಂಕಣಿಚ್ಯಾ ಉತ್ತಿಮ್ ಕಥಾಕಾರಾಚ್ಯಾ ಮೊಟ್ವ್ಯಾ
ಕಾಣಿಯೆಂಚೆರ್ ಖೊಲಾಯೆನ್ ಅಧ್ಯಯನ್ ಚಲವ್ನ್ ಆಯ್ಲಾಂ.
ಪಾಟ್ಲ್ಯಾ ಚ್ಯಾರ್ ವರ್ಸಾಂನಿ ವೆಗ್-ವೆಗಳ್ಯಾ
ಪ್ರಕಾರಾಚ್ಯಾ ಅಧ್ಯಯನಾಂಕ್ ಆಟಾಪ್ಚಿಂ ಚ್ಯಾರ್ ಕಥಾಪಾಠ್
ಶಿಂಕಳೆಂಕ್ ಆಯೋಜನ್ ಕೆಲಾಂ.
ಕಥಾಪಾಠ್ ಪಯ್ಲ್ಯಾ ಶಿಂಕಳೆಂತ್ ’ಮೊಟ್ವಿ ಕಥಾ ತಾಂತ್ರಿಕ್
ಬಾಂಧಾವಳ್’; ’ಗ್ರಾಮೀಣ್ ಪರಿಸರಾಚ್ಯೊ’, ’ಘಾಟಾಚ್ಯೊ
ಕಥಾ’, ’ಬೊಂಬೊಯ್ಚ್ಯೊ ಕಥಾ’, ’ಪರ್ಗಾಂವ್ಚ್ಯೊ ಕಥಾ’ ಅಶೆಂ
ಕೊಂಕಣಿಂತ್ಲ್ಯಾ ಮೊಟ್ವ್ಯಾ ಕಾಣಿಯಾಂಚ್ಯಾ ಪ್ರಕಾರಾಂಚೆರ್
ಅಧ್ಯಯನ್ ಚಲಯ್ಲೆಂ.
ಕಥಾಪಾಠ್ ದುಸ್ರ್ಯಾ ಶಿಂಕಳೆಚೆರ್ ’ವಿಲ್ಫಿ ರೆಬಿಂಬಸಾಚ್ಯಾ
ತೀನ್ ಮೊಟ್ವ್ಯಾ ಕಥೆಂಚೆರ್’ ಖೊಲಾಯೆನ್ ಅಧ್ಯಯನ್ ಚಲ್ಲೆಂ.
ಕಥಾಪಾಠ್ ತಿಸ್ರ್ಯಾ ಶಿಂಕಳೆಂತ್ ’ಸಮಕಾಳೀನ್
ಕಥಾಕಾರಾಂಚ್ಯಾ ಕಥೆಂಚೆರ್ ತುಲನಾತ್ಮಕ್ ಅಧ್ಯಯನ್’
ಚಲಯ್ಲೆಂ.
ಕಥಾಪಾಠ್ ಚೊವ್ತ್ಯಾ ಶಿಂಕಳೆಂತ್ ಸಿರಿವಂತಾಚ್ಯಾ ಮೊಟ್ವ್ಯಾ
ಕಥೆಂಚೆರ್ ಅಧ್ಯಯನ್ ಚಲಯ್ಲೆಂ.
ಗೊಂಯ್, ಮಂಗ್ಳುರ್ ತಶೆಂಚ್ ಮಹಾರಾಶ್ಟ್ರ ಅಶೆಂ ಕೊಲೆಜಿಂನಿ
ಶಿಕ್ಚ್ಯಾ ವಿಧ್ಯಾರ್ಥಿಂಕ್, ಸಾಹಿತಿಕ್ ಅಭಿರುಚ್ ಆಸ್ಚ್ಯಾ
ಪರ್ಗಾಂವ್ಚ್ಯಾ ಬರವ್ಪ್ಯಾಂಕ್ ಸಾಂಗಾತಾ ಘೆವ್ನ್ ಮಾಂಡುನ್
ಹಾಡ್ಚ್ಯಾ ಹ್ಯಾ ವರ್ಸಾಚ್ಯಾ ಅಧ್ಯಯನಾಕ್ ನಾಮ್ನೆಚೊ
ಕೊಂಕಣಿ ಕಥಾಕಾರ್ ಡೊ. ಎಡ್ವರ್ಡ್ ಎಲ್. ನಜ್ರೆತಾಚ್ಯೊ ಕಥಾ
ವಿಂಚ್ಲ್ಯಾತ್.
ಮೃಗ್‌ಜಳ್:
(ಡಿಜಿಟಲ್ ಆಡಿಯೊ ಪುಸ್ತಕ್) - ಡೊ. ಎಡ್ವರ್ಡ್ ಎಲ್.
ನಜ್ರೆತಾಚ್ಯೊ ವಿಂಚ್ಣಾರ್ ಮೊಟ್ವ್ಯೊ ಕಥಾ ಆಡಿಯೊ ರುಪಾರ್
ಯೂಟ್ಯೂಬಾಚ್ಯಾ ಆಶಾವಾದಿ ಪ್ರಕಾಶನ್ ಚ್ಯಾನಲಾಚೆರ್
ಪ್ರಸಾರ್ ಜಾತಲ್ಯೊ.
ಮೃಗ್‌ಜಳ್: (ಲಿಪ್ಯಂತರ್) - ಡೊ.
ಎಡ್ವರ್ಡ್ ಎಲ್. ನಜ್ರೆತಾಚ್ಯೊ ವಿಂಚ್ಣಾರ್ ಮೊಟ್ವ್ಯೊ ಕಥಾ
ಕನ್ನಡ, ನಾಗರಿ ಆನಿ ರೋಮಿ ಲಿಪ್ಯೆಂನಿ ಲಿಪ್ಯಂತರ್ ಜಾವ್ನ್
ಪರ್ಗಟ್ ಜಾತಲ್ಯೊ.
ಕಥಾಪಾಠ್ ಶಿಂಕಳ್ 5: ಡೊ. ಎಡ್ವರ್ಡ್
ಎಲ್. ನಜ್ರೆತಾಚ್ಯಾ ಕಥೆಂಚೆರ್ ಅಧ್ಯಯನ್ ಕೆಲ್ಲಿಂ
ರಾಶ್ಟ್ರ್ ಮಟ್ಟಾಚಿಂ ಸಾತ್ ಪೇಪರಾಂ ಎಕೆಕಾ ವೆಬಿನಾರಾಂನಿ
ಸಾದರ್ ಜಾತೆಲಿಂ.
ಕಥಾಸಂಧಿ: ಅಗೋಸ್ತ್ 18 ತಾರಿಕೆಚ್ಯಾ
ಆಯ್ತಾರಾ, ಗೊಂಯಾಂತ್ ಡೊ. ಎಡ್ವರ್ಡ್ ಎಲ್. ನಜ್ರೆತಾಸವೆಂ
ಕಥಾಸಂಧಿ ಆಯೋಜಿತ್ ಜಾತಲಿ. ಹೆಚ್ ಸಂಧರ್ಭಾರ್ ಕಥಾಪಾಠ್
ಅಧ್ಯಯನಾಚಿಂ ಬರ್ಪಾಂ ಆಟಾಪ್ಚಿಂ ಪುಸ್ತಕಾಂ ಲೊಕಾರ್ಪಣ್
ಜಾತಲಿಂ.
1958 ಇಸ್ವೆಂತ್ ದಸೆಂಬ್ರ್ 28
ತಾರಿಕೆರ್ ಶಿರ್ವಾಂತ್ ಜಲ್ಮಲ್ಲೊ ಡೊ.ಎಡ್ವರ್ಡ್ ಎಲ್.
ನಜ್ರೆತ್, ಹಾಡಾಂಚೊ ತಜ್ನ್, ತಶೆಂಚ್ ಅಪುರ್ಭಾಯೆಚೊ
ಕಥಾಕಾರ್. ಭುಮಿ ವಯ್ಕುಂಟಾಂತ್
(1994), ಆಡ್ವಾರ್ಲೆಲೆಂ ಫಳ್
(1995), ಸಂಯ್ಬಾಚೆಂ ಪಾತಕ್ (1998),
ಚಾಮಾದೊರಾಚೊ ಪೂತ್ (2003),
ವಡ್ಲೆಂ ಫೆಸ್ತ್ (2016) ಹಾಚಿಂ ಪರ್ಗಟ್
ಜಾಲ್ಲಿಂ ಮೊಟ್ವ್ಯಾ ಕಥೆಚಿಂ ಪುಸ್ತಕಾಂ. ದಾಯ್ಜ್
ಸಾಹಿತಿಕ್ ಸ್ಪರ್ಧೊ, ರಾಕ್ಣೊ ಸಾಹಿತಿಕ್ ಸ್ಪರ್ಧೊ ಅಶೆಂ
ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಹಾಣೆಂ
ಆಪ್ಣಾಯ್ಲ್ಯಾಂತ್. ದಾಯ್ಜಿದುಭಯ್ ಸಾಹಿತಿಕ್ ಪುರಸ್ಕಾರ್,
ಸಂಧೇಶ ಪುರಸ್ಕಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ
ಅಕಾಡೆಮಿಚೊ ಪುರಸ್ಕಾರ್ - ಹಾಕಾ ಲಾಭ್‌ಲ್ಲ್ಯಾಂತ್ಲೆ ಥೊಡೆ
ಪುರಸ್ಕಾರ್.
ಆಶಾವಾದಿ ಪ್ರಕಾಶನಾಚೊ ಪಯ್ಲೊ
ದಾಯ್ಜ್ ವರ್ಸಾಚೊ ಕಥಾಕಾರ್ ಪುರಸ್ಕಾರ್ 2006 - ಸ್ಟೇನ್
ಅಗೇರಾ, ದಾಯ್ಜ್ ವರ್ಸಾಚೊ ಕಥಾಕಾರ್ ಪುರಸ್ಕಾರ್ 2007 -
ಕ್ಲೆರೆನ್ಸ್ ಕೈಕಂಬ ಹಾಂಕಾಂ ಫಾವೊ ಜಾಲಾ. |
|
|
|
|
|
[खबर]
पयणारी वर्साचो कथाकार २०२४
डो. एडवर्ड एल. नज्रेत |
|
आशावादी प्रकाशनान मांडून हाडच्या वर्साळ्या कथपाठ
राश्ट्र मट्टाच्या कथेच्या अध्ययनांत कोंकणिच्या
उत्तीम कथाकाराच्या मोटव्या काणियेंचेर खोलायेन
अध्ययन चलवन आयलां. पाटल्या च्यार वर्सांनी
वेग-वेगळ्या प्रकाराच्या अध्ययनांक आटापचीं च्यार
कथापाठ शिंकळेंक आयोजन केलां.
कथापाठ पयल्या शिंकळेंत
’मोटवी कथा तांत्रीक बांधावळ’; ’ग्रामीण
परिसराच्यो’, ’घाटाच्यो कथा’, ’बोंबोयच्यो कथा’,
’पर्गांवच्यो कथा’ अशें कोंकणिंतल्या मोटव्या
काणियांच्या प्रकारांचेर अध्ययन चलयलें.
कथापाठ दूसऱ्या शिंकळेचेर
’विलफी रेबिंबसाच्या तीन मोटव्या कथेंचेर’ खोलायेन
अध्ययन चल्लें.
कथापाठ तीसऱ्या शिंकळेंत
’समकाळीन कथाकारांच्या कथेंचेर तुलनात्मक अध्ययन’
चलयलें.
कथापाठ चोवत्या शिंकळेंत
सिरिवंताच्या मोटव्या कथेंचेर अध्ययन चलयलें.
गोंय, मंगळूर तशेंच
महाराश्ट्र अशें कोलेजिंनी शिकच्या विध्यार्थिंक,
साहितीक अभिरूच आसच्या पर्गांवच्या बरवप्यांक
सांगाता घेवन मांडून हाडच्या ह्या वर्साच्या
अध्ययनाक नाम्नेचो कोंकणी कथाकार डो. एडवर्ड एल.
नज्रेताच्यो कथा विंचल्यात.
मृगजळ: (डिजिटल आडियो
पुसतक) - डो. एडवर्ड एल. नज्रेताच्यो विंचणार
मोटव्यो कथा आडियो रुपार यूट्यूबाच्या आशावादी
प्रकाशन च्यानलाचेर प्रसार जातल्यो.
मृगजळ: (लिप्यंतर) - डो.
एडवर्ड एल. नज्रेताच्यो विंचणार मोटव्यो कथा
कन्नड, नागरी आनी रोमी लिप्येंनी लिप्यंतर जावन
पर्गट जातल्यो.
कथापाठ शिंकळ ५: डो.
एडवर्ड एल. नज्रेताच्या कथेंचेर अध्ययन केल्लीं
राश्ट्र मट्टाचीं सात पेपरां एकेका वेबिनारांनी
सादर जातेलीं.
कथासंधी: अगोसत १८
तारिकेच्या आयतारा, गोंयांत डो. एडवर्ड एल.
नज्रेतासवें कथासंधी आयोजीत जातली. हेच संधर्भार
कथापाठ अध्ययनाचीं बर्पां आटापचीं पुसतकां
लोकार्पण जातलीं.
१९५८ इस्वेंत दसेंबर २८
तारिकेर शिर्वांत जल्मल्लो डो.एडवर्ड एल. नज्रेत,
हाडांचो तजन, तशेंच अपुर्भायेचो कथाकार.
भुमी वयकुंटांत (१९९४),
आडवारलेलें फळ (१९९५), संयबाचें
पातक (१९९८), चामादोराचो पूत
(२००३), वडलें फेसत (२०१६) हाचीं
पर्गट जाल्लीं मोटव्या कथेचीं पुसतकां. दायज
साहितीक स्पर्धो, राकणो साहितीक स्पर्धो अशें सभार
साहितीक स्पर्ध्यांनी इनामां हाणें आपणायल्यांत.
दायजिदुभय साहितीक पुरसकार, संधेश पुरसकार,
कर्नाटक कोंकणी साहित्य अकाडेमिचो पुरसकार - हाका
लाभल्ल्यांतले थोडे पुरसकार.
आशावादी प्रकाशनाचो पयलो
दायज वर्साचो कथाकार पुरसकार २००६ - स्टेन अगेरा,
दायज वर्साचो कथाकार पुरसकार २००७ - क्लेरेन्स
कैकंब हांकां फावो जाला.
|
|
|
|
|
|
[Khobor]
Poinnari vorsacho kothakar 2024
Dr.Edward L Nazreth |
Ashawadi Prakashan
manddun haddchea vorsallea kothopatth raxttr
mott'ttachea kothechea odhyoinant konkonnichyo
ut'tim' kothakarachea mottvea kanniencher
kholayen odhyoin choloun ailam. Pattlea chear
vorsamni veg-vegollea prokarachea odhyoinank
attapchim chear kothapatth xinkollenk ayozon
kelam.
Kothapatth poilea xinkollent
’mottvi kotha tantrik bandhaull’; ’Graminn
porisoracheo’, ’Ghattacheo kotha’, ’Bomboicheo
kotha’, ’Porgamvcheo kotha’ oxem konkonnintlea
mottvea kannianchea prokarancher odhyoin
choloilem.
Kothapatth dusrea xinkollecher
’Wilfy Rebimbusachea tin mottvea kothencher’
kholayen odhyoin chol'lem.
Kothapatth tisrea
xinkollent ’Somokallin kothakaranchea kothencher
tulonatmok odhyoin’ choloilem.
Kothapatth
choutea xinkollent sirivontachea mottvea
kothencher odhyoin choloilem.
Gõy, Mongllur toxench
Maharastra oxem kolejimni xikchea vidhearthink,
sahitik obhiruch aschea porgamvchea boroupeank
sangata gheun manddun haddchea hea vorsachea
odhyoinak namnecho konkonni kothakar
Dr.Edward L Nazrethacheo kotha vinchleat.
Mrigzoll: (Digital
Audio pustok) - Dr.Edward L Nazrethacheo
vinchnnar mottveo kotha addio rupar yuttyubachea
axavadi prokaxon cheanolacher prosar zatoleo.
Mrigzoll: (Lipyontor)
- Dr.Edward L Nazrethacheo vinchnnar
mottveo kotha kon'noddo, nagori ani romi
lipyemni lipyontor zaun porgott zatoleo.
Kothapatth Xinkoll
5: Dr.Edward L Nazrethachea kothencher
odhyoin kel'lim raxttr mott'ttachim sat peporam
ekeka vebinaramni sador zatelim.
Kothasondhi: ogost
18 tarikechea aitara, Gõyant Dr.Edward L
Nazrethasovem kothasondhi ayojit zatoli.
Hech sondhorbhar kothapatth odhyoinachim borpam
attapchim pustokam lokarponn zatolim.
1958 isvent dosembr 28 tariker xirvant zolmol'lo
Dr.Edward L Nazreth, haddancho tojn,
toxench opurbhayecho kothakar. Bhumi
voikunttant (1994), addvarlelem
foll (1995), somybachem patok
(1998), chamadoracho put
(2003), voddlem fest (2016)
hachim porgott zal'lim mottvea kothechim
pustokam. Daiz sahitik spordho, raknno sahitik
spordho oxem sobhar sahitik spordheamni inamam
hannem apnnaileant. Daijidubhoi sahitik
puroskar, Sandesha puroskar, Karnataka Konkonni
Sahityo Academicho puroskar - haka
labhl'leantle thodde puroskar.
Ashawadi Prakashanacho
poilo daaiz vorsacho kothakar puroskar 2006 -
Stan Ageira, daaiz vorsacho
kothakar puroskar 2007 - Clarence
Kaikamba hankam favo zala. |
|
|
|
|
|
|
|
|
 |
|
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
 |
|
ವರ್ಸಾಚೊ ಕಥಾಕಾರ್ |
ವರ್ಸಾಚೊ ಕಥಾಕಾರ್ 2007
ಕ್ಲೆರೆನ್ಸ್, ಕೈಕಂಬ
ವರ್ಸಾಚೊ ಕಥಾಕಾರ್ 2006
ಸ್ಟೇನ್ ಅಗೇರಾ, ಮುಲ್ಕಿ |
|
वर्साचो कथाकार |
वर्साचो कथाकार २००७
क्लेरेन्स, कैकंब
वर्साचो कथाकार २००६
स्टॆन अगॆरा, मुल्की |
|
Vorsacho
Kothakar |
Vorsacho Kothakar 2007
Clarence Kaikamba
Vorsacho Kothakar 2006
Stan Ageira, Mulki |
| |
