(18 ಅಗೋಸ್ತ್ 2019) ಸಾಂ.
ಜುಜೆ ಕೊಂಕಣಿ ವೆಲ್ಫೇರ್ ಎಸೊಶಿಯೆಶನ್ ಮಿರಾರೋಡ್, ಹಾಣಿ
ಕೊಂಕಣಿ ಮಾನ್ಯತಾ ದಿಸಾಕ್ ಆನಿ ಮೊಂತಿ ಪೆಸ್ತಾಚಿ ತಯಾರಿ
ಜಾವ್ನ್, ಫಿರ್ಗಜೆಚ್ಯಾ ಕೊಂಕ್ಣಿ ಲೊಕಾಖಾತಿರ್ ಆಗೋಸ್ತ್
18 ತಾರಿಕೆರ್ ದೊನ್ಪಾರಾಂ 3 ವರಾರ್, ಇಗರ್ಜೆಚ್ಯಾ
ಸಾಲಾಂತ್ ಕೊಂಕಣಿ ಗಾಯಾನ್, ಭಾಷಣ್, ನಾಚ್, ಕವಿತಾ ಸಾದರ್
ಆನಿ ವೊವ್ಯೊ ವೇರ್ಸ್ ಸ್ಪರ್ಧೆ ಮಾಂಡುನ್ ಹಾಡ್ಲೆ.
ಫಿರ್ಗಜೆಚೆ ವಿಗಾರ್ ಬಾಪ್ ಮೆಲ್ವಿನ್ ಡಿ ಕುನ್ಹಾ ಹಾಂಚ್ಯಾ
ಆಶಿರ್ವಾದಾನ್, ಸಂಘಟನಾಚೊ ಅಧ್ಯಕ್ಷ್ ಮಾನೆಸ್ತ್ ಜೋನ್
ಕ್ರಾಸ್ತಾ ಸವೆಂ ಕಾರ್ಯದರ್ಶಿ ಮಾನೆಸ್ತ್ ಜೆರಾಲ್ಡ್
ಡಿ’ಸೊಜಾನ್ ಮಾಗ್ಣ್ಯಾದ್ವಾರಿಂ ಕಾರ್ಯಾಚಿ ಸುರ್ವಾತ್
ಕೆಲಿ.
ವರಯ್ಣಾರ್ ಜಾವ್ನ್
ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಆನಿ ಪಯ್ಣಾರಿ.ಕೊಮ್ ಸಂಪಾದಕ್
ಮಾನೆಸ್ತ್ ವಲ್ಲಿ ಕ್ವಾಡ್ರಸ್, ಫಾಮಾದ್ ನಟ್ ಮಾನೆಸ್ತ್
ಗ್ರೆಗರಿ ನಿಡ್ಡೊಡಿ ಆನಿ ಕೊಂಕ್ಣೆಚಿ ಅಭಿಮಾನಿ
ಮಾನೆಸ್ತಿಣ್ ವೆರೊನಿಕಾ ಬಾಯ್ ಹಾಜರ್ ಆಸ್ಲಿಂ.
ಹ್ಯಾ ಪಾವ್ಟಿಂ ಚಡಿತ್
ಭುರ್ಗ್ಯಾನಿಂ ತಸೆಂಚ್ ವ್ಹಡಾನಿಂ ಹ್ಯಾ ಸ್ಪರ್ಧ್ಯಾನಿಂ
ಭಾಗ್ ಘೆತ್ಲ್ಲೊ. "ಕೊಂಕಣಿ ಭುರ್ಗ್ಯಾಂಕ್ ಕೊಂಕಣಿ
ಭಾಸೆಚಿ ವೋಡ್ ಉರ್ಜಿತ್ ಕರುಂಕ್ ತಾಂಚ್ಯಾ ಆವಯ್-ಬಾಪಯ್ನ್
ತಾಂಕಾ ದಿಂವ್ಚೆ ಉತ್ತೆಜನ್ ಪಳೆವ್ನ್ ಕೊಂಕ್ಣೆಕ್ ಬರೆಂ
ಭವಿಶ್ಯ್ ಖಂಡಿತ್ ಆಸಾ, ಹ್ಯಾ ವರ್ಸಾ ಭುರ್ಗ್ಯಾನಿಂ ಬರಿಚ್
ವೃದ್ದಿ ಕೆಲ್ಯಾ" ಮ್ಹಣಾಲೊ ಬಾಬ್ ವಲ್ಲಿ ಕ್ವಾಡ್ರಸ್.
"ಹಾಂಗಾಚಿ ತಾಲೆಂತಾ
ಪಳೆವ್ನ್ ಮಾಕಾ ಅಭಿಮಾನ್ ಭಗ್ತಾ, ತುಮ್ಚೊ ಕೊಂಕ್ಣಿ ಭಾಸೆ
ಥಂಯ್ ಆಸ್ಚೊ ಮೋಗ್ ಪಳೆವ್ನ್ ಖುಶಿ ಜಾತಾ, ಜೀಕ್ ಆನಿ
ಸಲ್ವಣ್ ಎಕಾ ನಾಣ್ಯಾಚ್ಯೊ ದೋನ್ ಕೂಶಿ, ಭಾಗ್ ಘೆಂವ್ಚೊ
ಚುಕಾಯ್ನಾಕಾತ್"- ಬಾಬ್ ಗ್ರೆಗರಿ ಮ್ಹಣಾಲೊ ಸ್ಪರ್ಧಿಕಾಂಕ್
ಉಲ್ಹಾಸುನ್.
"ತುಮ್ಚಿ ತಾಲೆಂತಾ
ಉರ್ಜಿತ್ ಕರುಂಕ್ ಹೊ ಆವ್ಕಾಸ್ ಸೊಡಿನಾಯೆ, ಫುಡ್ಲ್ಯಾ
ವರ್ಸಾನಿಂ ಚಡ್ ಜಣಾನಿಂ ವಾಂಟೊ ಘೆಂವ್ಕ್ ಜಾಯ್" ಉಲೊ ದಿಲೊ
ಬಾಯ್ ವೆರೊನಿಕಾ ಹಾಣಿ.
ತ್ಯೇ ಉಪ್ರಾಂತ್
ವರಯ್ಣರಾಂಕ್ ಸಂಘಟನಾಚ್ಯಾ ಅಧ್ಯಕ್ಷ್ಯಾನ್ ಮಾನ್ ಕೆಲೊ ಆನಿ
ಸರ್ವಾಂಕ್ ಧನ್ಯವಾದ್ ಆರ್ಪಿಲೆ.
ಆಕೇರಿಕ್ ಜಿಕ್ಲೆಲ್ಯಾಂಚಿ ನಾಂವಾಂ ಪರ್ಗಟ್ ಕೆಲಿಂ.
ಇನಾಮಾಂ ಸಪ್ಟೆಂಬರ್ ಆಟ್ ತಾರಿಕೆರ್ ಜಾಂವ್ಚ್ಯಾ ಮೊಂತಿ
ಫೆಸ್ತ್ ಆನಿ ಮಾನ್ಯತಾ ದಿಸಾಚ್ಯಾ ಸುವಾಳ್ಯಾರ್ ವಾಂಟ್ತೆಲೆ
ಮ್ಹಣ್ ಸಂಘಚ್ಯಾ ಸಂಸ್ಕ್ರತಿಕ್ ಕಾರ್ಯದರ್ಶಿ ಹಿಲರಿ
ಡಿ’ಸಿಲ್ವಾನ್ ಸಾಂಗ್ಲೆ.
ಮಾನೆಸ್ತ್ ಹೆನ್ರಿ ಸಿಕ್ವೆರಾನ್ ಹೆಂ ಸಗ್ಳೆಂ ಕಾರ್ಯೆಂ
ಅಪುರ್ಬಾಯೆನ್ ಚಲವ್ನ್ ವೆಲೆಂ.
- ಭಾತ್ಮಿ: ಹಿಲರಿ ಡಿ’ಸಿಲ್ವಾ,
ತಸ್ವೀರೊ:
ಕೆನ್ಯುಟ್ ಮಿನೆಜೆಸ್ |