कविता ट्रसट आनी आशावादी प्रकाशनाच्या जोड
आश्रयाखाल, सा. जुजे कोंकणी वेलफेर एसोशियेशन
मिरारोड हाणी ओकटोबर २१ तारिकेर सांजेर ४:३०
वरार इगर्जेच्या इनफ಼ेंट जीसस होलांत, मुंबय
प्राथमीक हंताची कोंकणी कवितासादर सर्ती
मांडून हाडली.
मानाधीक बाप नेल्सन कार्डोजा (फिर्गजेचे सहायक
विगार) मुखेल सयरे जावनासले, हाणी काऱ्याची
सुर्वात मागण्यान कर्तच. संघाचो अध्यक्ष
मानेसत डायगो रोड्रिगसान स्पर्धिकांक स्वागत
केलो. मानेसत वल्ली क्वाड्रसान कवितासादर
सर्तेच्यो रेग्रो आनी नेमांविशीं समजोणी दिली.
सुमार धा भुर्ग्यानीं ह्या सर्तेंत ल्हानांच्या
विभागांत पात्र घेतल्लो. सर्व स्पर्धिकानीं
बोव आपुरबायेन आपापल्यो कविता सादर केल्यो.
हांचेपयकिंतलीं तेगां मुंबय हंताच्या अंतीम
सर्तेक जिकून आयलीं.
पयलें स्थान: जोयेल्ला मथायस (कविता:
तूं उप्येवंक शिक्तलोय, कवी: फ्राद रोशन)
दुस्रें स्थान: एंजल पिंटो (कविता: चेडो
आनी चेडूं, कवी: बाब प्रसन्न निड्डोडी)
तिस्रें स्थान: लीनल सेरावो (कविता:
काडी आनी वात, कवी: बाब प्रसन्न निड्डोडी)
ह्या सर्तेंत मानेसत वल्ली क्वाड्रस आनी
मानेसत हिलरी डी’सिलवा वोरयणार जावन आसल्ले.
संघाचे सांदे आनी कमिटी काऱ्यकर्त हाजर आसल्ले.
सांदो मानेसत हेनरी सलडान्हा हाणे कोंकणी पोद
गावन हाजार आसल्ल्यांक मनोरंजन केलें.
सगळें काऱ्यें बोव आपुरबायेन मानेसत जेरी
डी’सोजा हाणे चलवन वेलें.
भात्मी: आमचो भात्मी