Ponnje: Dalgado Konknni
Akademi (DKA) dor vorsa puroskar bhettoita
ani hea vorsakui te bhettovpacho nirnnoi
ghetla. Zankam dista apunn omuk eka
puroskarak patr asa vo omuk ek monis patr
asa, zalear tannem svotachem vo dusreachem
nanv suchoum-ieta. He khatir sogllea
puroskaranche nam’-kaide ani mahiti divpi ek
pustika ani orz-potr DKA-n toyar kelam.
Pustika ani orz-potr DKA-chea ofisant, Old
Education Dept. Building, 2ndFloor, 18 June
Road, Near Pharmacy College, Panaji Goa
hanga melltta. Te pormannem DKA Dalgado ani
her Puroskaram khatir orz magoita. Puroskar
oxie toren asat :
Dalgado
Sahityik Puroskar
Dalgado Sonskrutik
Puroskar
Dalgado Romi Konknni Seva
Puroskar
Fr. Freddy J. Da Costa
Potrkarita Puroskar
Prabhakar Tendulkar
Konknni Sonstha Puroskar
Joel D’ Souza
Daiz Puroskar
Dalgado Tornatto Puroskar
Bonaventure D’Pietro Vorsuki Pustok Puroskar
Berta Menzes Puroskar (Fokot
ostorie khatir)
Hea
puroskara khatir zankam orz korpacho asa,
tannem 25 Otubr, 2019 meren Konknni mollar
kelolea karyachi mahiti ani fottu Orz-potra
sangata voir sanglolea pot’tear DKA-chea
ofisant haddun diunchi. Ordkutti vo fottichi
mahiti aslolea orz-potrancher vichear
zauncho nam. He orz aile uprant DKA-chi
Vavurpi Somiti hea orzanchi topasnni kortoli
ani favo aslolea man’koriak vinchun
kaddttoli. Zor tor thoddea, vo sogllea
puroskarank orz aile nant zalear DKA-chie
Vavurpi Somitin puroskar man’koriak vinchun
kaddunk odhikar rakhun dovorla.
Odik
mahiti khatir tumi DKA-chie kocherient
(pot’to voir asa) 0832-2221688 vo Odheokx
Tomazinho Cardozo (9822170102) vo Chittnis
Vincy Quadros (9822587498) hanche koddem
sompornk korum-ieta. Puroskar dobazo
Novembrachea mhoineant zatolo.