Vincy Quadros-achie Odheokxte khala
Novie Vaurpi Somitin tabo ghetlo ; Chear sonstha
ani dog ostori protinidhinchi zali nivodd
Ponnje : Dalgado
Konknni Akademichie Ghottnne pormannem 2020 tem
2023 hea tin voranchea kar’yakalla khatirchie
novie Vaurpi Somitin tabo ghetlo ani Vincy
Quadros hachea odheokxponna khala Akademicho
vaur suru zalo.
22 Febrer disa
zalolie poilie Vaurpi Somitichie boskent Fr.
Conceicao D’ Silva haka Up-odheokx, Celso
Fernandes haka Bhanddari ani William Fernandes
haka Chittnis mhonn odheokxan vinchun kaddle.
Somitiche her vangddi Daniel F. De Souza,
Alfonso Braganca ani Savio Pinto hanche borabor
chear sonstha protinidhi vinchun kaddlio tio
oxio : Ami Kannkonn hiche votin Isito Gracias,
Esteves Publications-chie votin Pio Esteves,
Mardol Konknni Kendr hiche votin Seby Braganza
ani Kala Mogi, Candolim-chie votin Tomazinho
Cardozo. Te uprant dog ostori portinidhi mhonn
Selza lopes ani Sonia Gomes hanchi nem;nnuk
zali. He protinidhi vinchun kaddttanam khub
sonsthancho ani ostoriancho vichear kelo.
nimannie koddem soglleanchea sohomotan voir
dilolea vangddianchi nivodd zali. Hea novea
protinidhimni 07 Mars disa soput ghetlo.
Venchnnuk zaunk
dinastanam Odheokx ani Vaurpi Somitichi nivodd
zali mhonn Odheokx Vincy Quadros-an DKA-chea
sogllea vangddianche upkar mandleat ani Romi
lipi Konknni khatir nettan vaurun zaitem borem
kam’ kortolo mhonn tannem jahir kelem. Fattlie
Vaurpi Somitichea odheokxak ani her vangddiank
din’vas ditanam, Akademichea sogllea vangddiamni
sohokar diunkui tannem ulo marla. Tornatteank
Konknni koddem haddpak ani Ostorianchea
sahityacher bhor divpak pradhan’ya ditolo oxem-i
tannem sanglem. Konknni khatir vaurop mhollear
mathear koslem tori vojem nhoi tor ti
protiekachi zobabdari asa ani tie zobabdarie
pasun ek nixtthavan karyokorto pois ravunk
xokonam, tosoch apunn oxem novea odheokxan
sanglem.
- Vincy Quadros |