DKA uzvaddaita 3 novim pustokam
John Aguiar-achem ‘Mandovichie Dege
Voilean’, Annie de Colvale-chem ‘Xikar’ ani
Rui Coelho-chem ‘Kallzantlo Mog’
Ponnje : Dalgado Konknni Akademi ani tin
pustokanchi uzvaddavnni korta. Him tinui
pustokam DKA-n aplie ‘Pikavoll Yeuzonn’-e
khala chhapleant. ‘Kallzantlo Mog’ hem Rui
Aleixo Coelho hachem kotham pustok zantunt
33 kothancho aspav asa. ‘Mandovichie Dege
Voilean’ hem John Aguiar hachem 38
nibondanchem pustok ani tisrem pustok asa
Annie de Colvalechem 82 kovitanchem pustok.
Ho pustok uzvaddavnniecho dobazo 29
Setembr 2019 disa sanje 4 vorancher Tiatr
Academy of Goa-chea Conference Hall-ant
zatolo. Hea dobajeak Konknnintlo mhalgoddo
borovpi ani Konkan Divo potracho sompadok
Ashok Chodankar mukhel soiro mhonn hajir
astolo. Tache borabor DKA-cho Odheokx
Tomazinho Cardozo, Chittnis Vincy Quadros
ani Bhanddari Celso Fernandes hajir astole.
Tea disa tinui pustokam sovlotichea
doran vikpak astolim. Dekun vhodd sonkhen
Konknni borovpiamni ani mogiamni hajir ravon
hea dobajeacho asvad gheuncho ani
soulotichie doren pustokam gheunchim oso
DKA-n ulo marla.
- Vincy Quadros |