Ponnje : Romi lipintlea kovink mukhar
vhorpachea hetun Dalgado Konknni Akademin kovita
borovpa vixim anik ek kar’yaxalla ghoddoun
haddli. Konknni molla veli fanki koviotri Nutan
Sakhardande hinnem kovink margdorxon kelem.
Disbhor chol’lolie hie kar’yaxallent, kovita
koxi asta ani ti koxi ghoddoum-ieta vo
sobit-sundor korum-ieta hacher kholayen mahiti
ditanam tinnem hajir asloleam koddlean kovita
boroun ghetlio ani uprant tanchem sadorikoronn
zalem. He xivai boroun haddlolea kovitancherui
bhasabhas keli. He xivai Nutanan her kovinchioi
kaim kovita svota sador kelio je vorvim kovitent
aslole veg-veglle prokar ani olonkar tankam
somzaunk sompem zalem.
Hajir aslole kovi oxe asat :Anthony Correia,
Silviano Barbosa, Moises Martins, Anthony
Miranda, Vicente Dias, Michelle Coutinho,
Malisha Fernandes, Annie de Colvale, Evaristo L.
Rodrigues, Menino Mario Araujo, Ana Tereza F.
Rodrigues, Aleixinho Fernandes, Claniffa
Almeida, Daisy D’Souza, Sergio Gonsalves,
Bebinda Fernandes, Andrea Gomes, Alvaro Gomes,
Liby Mendonca, Jerome Succor Alphonso ani Maria
Arcanjela Monteiro. Tomazinho Cardozo ani Vincy
Quadros hannim-i aplio kovita sador kelio.
Nutan Sakhardande borabor DKA Odheokx Tomazinho
Cardozo, Chittnis Vincy Quadros ani Bhanddari
Celso Fernandes hannim-i kovink margdoroxon
kelem.
- Vincy Quadros |