|
Panjim: (17/01/2019) Bonaventure D’Pietro
hannem Inglez bhaxentli borpavoll onnkar korun
toyar kelolem ek vegllench pustok “Zannvayechi
Zhor” hachi uzvaddaunni Aitar, 20 Janer, 2019
sanjechea 4.00 vorancher, Tiatr Akademi Goa
hichea Conference Hallant, Campal Trade Centre,
Campal, Ponnji hangasor zatoli.
Dalgado Konknni Akademi-n porgott kelolea hea
pustokant mon’xachea jivitak sombondit oxio 100
ghodd’nnio guntlolio asat. Ek eke ghoddnniechi
D’Pietron kholayen somzonni dilia ani ami noko
aslolio zaitia sonvsarik rochnnancher uzvadd
ghalun vachpiachea monak veglli zannvai divpacho
proitn kela.
Hea pustok uzvaddaunnechia dobajeak Dr.
Chandralekha de Souza, Retired Associate
Professor, Konkani Department, University of Goa,
Mukhel Soiri mhunn hajir astoli ani pustokachi
uzvaddaunni kortoli. Xri. Fausto V. Da Costa,
Gulab mhoinnealleacho som’padok pustokacher
uloup kortolo. DKA Odheokx, Tomazinho Cardozo
suvalleachem ezmanponn choloitolo.
Bonaventure D’Pieto, Romi Konkni mollailo edk
ut’tom kadomborikar zaun asa ani tannem azun
porian sogllim mellon 18 pustokam boroileant ani
tantuntlio dha kadombori zaun asat. ‘Sankoll’
hem tachem pustok Inglez bhaxent onnkar korun
“Forever Yours” mhunnon porgott zalam. Punn “Zannvayechi
Zhor” hem tachem pustok ek kadombori nhoi
punn vegllech torechem, vachpiank zannvai diupi
pustok zaun asa.
Bonaventure D’Pietro hachie dorjeavont
borpavollik lagon taka zaite puroskar favo
zaleat tantunt Gõy sorkaracho ‘State Award for
Literature’ favo zala. Romi Konknni sahit’ya
mollar tannem dilolea moiladik yogdana khatir
DKA-n taka “Life Time Achievement Award”
bhettoun sonmanit kela. Hachie xivai Gõy toxench
Gõy bhair puskoll sonsthamni tacho sotkar kelo.
Ho suvallo soglleank ugto asa ani choddan chodd
Konknni mogiamni hie karyavollik hajir ravonk
DKA ulo marta.
Tomazinho Cardozo
Odheokx
Dalgado Konknni Akademi
(0832) 2221688 |
