![]() |
|
[ಖಬರ್:]
ದುಭಯಾಂತ್ ಮಾ|ಚೇತನ್ ಲೋಬೊಸವೆಂ ಏಕ್ ಸಂವಾದ್ |
|
ಸಪ್ತೆಂಬರ್ 3 (ದುಭಯ್): ಸಂಯುಕ್ತ್ ಎಮಿರತಾಂತ್ಲ್ಯಾ
ಕೊಂಕಣಿ ಬರಯ್ಣಾರ್ ಆನಿ ಕಲಾಕಾರಾಂಚೆಂ ಸಂಘಟನ್
ದಾಯ್ಜಿದುಭಯ್ ಹಾಂಚ್ಯಾ ಸಾಂದ್ಯಾಂನಿ ನಾಮ್ನೆಚೊ ಕೊಂಕಣಿ
ಕಥಾಕಾರ್, ವಯ್ಚಾರಿಕ್ ಸಂಪಾದಕ್ ಮಾ|ಚೇತನ್ ಲೋಬೊಸವೆಂ ಏಕ್
ಸಂವಾದ್ ಆನಿ ಭಾಸಾಭಾಸ್ ಕಾರ್ಯೆಂ 2023 ಇಸ್ವೆಚ್ಯಾ
ಸಪ್ತೆಂಬರ್ 3 ತಾರಿಕೆರ್ ದುಭಯಾಂತ್ಲ್ಯಾ ಕರಾಮಾಂತ್ಲ್ಯಾ
ವಿನ್ನೀಸ್ ರೆಸ್ಟೋರೆಂಟಾಂತ್ ಮಾಂಡುನ್ ಹಾಡ್ಲೆಂ.
ಹೆರ್ ಪ್ರಾಂತ್ಯಾಥಾವ್ನ್ ದುಭಯ್ ಆಯಿಲ್ಲ್ಯಾ ಕೊಂಕಣಿ
ಸಾಹಿತಿ, ಕಲಾಕಾರಾಂಕ್ ಮೆಳುನ್ ತಾಚೆಸವೆಂ ಸಂವಾದ್ ಕರ್ಚಿ
ಸೊಭಿತ್ ರಿವಾಜ್, ದಾಯ್ಜಿದುಭಯ್ ಸಂಘಟನಾನ್ ತೆವೀಸ್
ವರ್ಸಾಂ ಥಾವ್ನ್ ಪಾಳುನ್ ಆಯಿಲ್ಲಿ ಜಾವ್ನಾಸಾ. ಸಯ್ರೊ
ಸಾಹಿತಿ ಜಾವ್ನ್ ಆಯಿಲ್ಲ್ಯಾಸವೆಂ ಸಂವಾದ್ ಚಲವ್ನ್, ತಾಣೆಂ
ಕೊಂಕಣಿ ಸಾಹಿತ್ಯಾಕ್ ದಿಲ್ಲ್ಯಾ ದೇಣ್ಗೆ ಖಾತಿರ್ ತಾಕಾ
ಮಾನ್ ಕರ್ಚೊ ಹ್ಯಾ ರಿವಾಜೆಚೊ ವಾಂಟೊ.
ಕಾರ್ಯೆಂ ಸಂಚಾಲನ್ ಚಲಯಿಲ್ಲ್ಯಾ ಅನಿಲ್ ಪಿಂಟೊ
ಕುಲ್ಶೇಕರ್ ಹಾಣೆಂ ಸಾಂಪ್ರದಾಯಿಕ್ ರಿತಿನ್ ಯೆವ್ಕಾರ್
ಮಾಗ್ತತ್ ದಾಯ್ಜಿದುಭಯ್ ಸಂಚಾಲಕ್ ನಾನು ಮಾರೋಲ್
ತೊಟ್ಟಾಮ್, ದಾಯ್ಜಿದುಭಯ್ ಸ್ಥಾಪಕ್ ಸಂಚಾಲಕ್ ಡಯಾನ್
ಡಿಸೋಜ್ ಮುಕಾಮಾರ್, ತಶೆಂಚ್ ದಾಯ್ಜಿದುಭಯ್ ಸಂಘಟನಾಚೊ
ಆಧ್ಲೊ ಸಂಚಾಲಕ್ ನಾಮ್ನೆಚೊ ಸಾಹಿತಿ ಸ್ಟೇನ್ ಅಗೇರಾ
ಮುಲ್ಕಿ ಹಾಣಿಂ ಸಯ್ರೊ ಮಾ|ಚೇತನ್ ಲೋಬೊಕ್ ವೆದಿಕ್ ಆಪವ್ನ್
ಹಾಡುನ್ ಫುಲಾಂಚೊ ತುರೊ ದಿವುನ್ ಸ್ವಾಗತ್ ಕೆಲೊ.
ನಾನು ಮರೋಲಾನ್ ಅಪ್ಲ್ಯಾ ಸ್ವಾಗತ್ ಉಲವ್ಪಾಂತ್
"ಮಾ|ಚೇತನಾಚ್ಯಾ ಸಾಹಿತ್ಯಾಚಿ ತೊಖ್ಣಾಯ್ ಕರುನ್,
ಧಾರ್ಮಿಕ್ ಭೆಸಾಂತ್ ಅಪ್ಲೆಂ ಜಿವಿತ್ ಸಮರ್ಪುನ್ ಕೆಲ್ಯಾರೀ
ಅಪ್ಲಿ ಸಾಮಾಜಿಕ್ ಜವಾಭ್ದಾರಿ ತೊ ಕೆದಿಂಚ್ ವಿಸ್ರುಂಕ್
ನಾ, ತೆಂ ತಾಚ್ಯಾ ವಯ್ಚಾರಿಕ್ ಬರ್ಪಾಂನಿ ತಶೆಂಚ್
ಕಾಣಿಯಾಂನಿ ದಿಸುನ್ ಯೆತಾ" ಮ್ಹಣಾಲೊ. ಮಾ|ಚೇತನಾಚಿ
ಸವಿಸ್ತಾರ್ ಒಳೊಕ್ ಕರುನ್, ತಾಚ್ಯಾ ವಾವ್ರಾವಿಶಿಂ,
ತಾಚ್ಯಾ ಸಾಮಾಜಿಕ್ ಕಾಳ್ಜೆಚ್ಯಾ ಬರ್ಪಾಂವಿಶಿಂ, ತಾಚ್ಯಾ
ಮಾಯ್ಪಾಶಿ ಶೆಗುಣಾಂವಿಶಿಂ ಉಲವ್ನ್ ಕೊಂಕಣಿ ಸಾಹಿತ್ಯಾಕ್
ನವಿ ದಿಶಾ ದಿಂವ್ಚ್ಯಾಂತ್ ಮಾ|ಚಾತೆನಾನ್
ದಿಲ್ಲ್ಯಾ/ದಿವುನ್ ಆಸ್ಚ್ಯಾ ಅಮೊಲಿಕ್ ಪಾಟಿಂಬೊವಿಶಿಂ
ಉಲಯ್ಲೊ.
ಮಾ|ಚೇತನಾನ್ ಅಪ್ಲ್ಯಾ ಉತ್ರಾಂನಿ ಮಾಯ್ಪಾಸಿಂ
ಉತ್ರಾಂನಿ ಕೊಂಕಣಿ ಸಾಹಿತ್ಯಾಂತ್ ಏಕ್ ನವೊಚ್ ಅಧ್ಯಾಯ್
ಸುರ್ವಾತ್ ಕೆಲ್ಲೆಂ ದಾಯ್ಜಿದುಭಯ್ ಸಂಘಟನ್ ಅಪ್ಣಾಕ್
ಕಾಳ್ಜಾಕ್ ಲಾಗ್ಶಿಲೆಂ. ಕಿತ್ಯಾಕ್ ಮ್ಹಳ್ಯಾರ್ ಹ್ಯಾ
ಸಂಘಟನಾಂತ್ ಚಡ್ತಾವ್ ಸಾಂದೆ ಕೊಂಕಣಿ ಬರಯ್ಣಾರ್. ಜೆ
ಅಪ್ಲೊ ದೀಸ್ಪಡ್ತೊ ಗ್ರಾಸ್ ಸೊಧುನ್ ಪರ್ಗಾಂವಾಕ್
ಪಾವ್ಲ್ಯಾತ್ ತರ್‌ಯೀ ಅಪ್ಲ್ಯಾ ಮಾಂಯ್‌ಗಾಂವಾಕ್,
ಮಾಂಯ್‌ಭಾಶೆಕ್ ವಿಸ್ರುಂಕ್ ನಾಂತ್, ಬಗಾರ್ ನವಿ ಹುಮೆದ್
ಘೆವುನ್ ಕೊಂಕಣಿ ವಾವ್ರ್ ಕರುನ್ ಆಸಾತ್ ಆನಿ ಹೆರಾಂಕ್
ಪ್ರೇರಣ್/ತೆಂಕೊ ದಿವುನ್ ಆಸಾತ್ ಮ್ಹಣಾಲೊ.
ಸಾಹಿತ್ಯ್ ವೆಳಾಕಾಳಾಕ್ ಸರಿ ಜಾವ್ನ್ ಬದಲ್ಲಾಂ, ಆಜ್
ಸಮಾಜಿಕ್ ಜಾಳಿಜಾಗ್ಯಾಂಚ್ಯಾ ಮಜತೆನ್ ಹರೇಕಾ ಬರಯ್ಣಾರಾಕ್
ಅಪ್ಲೆ ವಿಚಾರ್ ಸುಟಾವೆ ಬರಂವ್ಕ್ ತಶೆಂಚ್ ಜಾಳಿಜಾಗ್ಯಾಂನಿ
ಚಿಡ್ಕಾಂವ್ಕ್ ಸಲೀಸ್ ಜಾಲಾಂ. ಅಪುಣ್ ಏಕ್ ಧಾರ್ಮಿಕ್
ಯಾಜಕ್ ಜಾಲ್ಲೆವರ್ವಿಂ ಅಪ್ಣಾಕ್ ಥೊಡ್ಯೊ ಬಂದಡ್ಯೊ ಆಸಾತ್
ಪುಣ್ ಮ್ಹಜ್ಯಾ ಕಾಣಿಯಾಂನಿ ಅಸಲೆ ವಿಚಾರ್ ಪರೋಕ್ಷ್
ರಿತಿನ್ ಯೆತಾತ್. ಏಕ್ ಕಥಾಕಾರ್ ಜಾವ್ನ್ ಸಮಾಜಿಕ್
ಸಂವೇದನ್ ಅಪ್ಣಾಂವ್ಚಿ ಪಯ್ಲಿ ಗರ್ಜ್ ಮ್ಹಣಾಲೊ.
ಕೊಂಕಣಿ ಭಾಸ್, ಸಾಹಿತ್ಯ್ ಆನಿ ಜೆರಾಲ್ ರಿತಿನ್
ಕೊಂಕಣಿಚಿ ಪರಿಗತ್ ಆನಿ ಸಂಘರ್ಶಾಂವಿಶಿಂ ಸವಿಸ್ತಾರ್
ಉಲವ್ನ್ ಜಾತಚ್ ಮಾನೆಸ್ತ್ ಜೇಮ್ಸ್ ಮೆಂಡೊನ್ಸಾ ಆನಿ
ಮಾನೆಸ್ತ್ ಜೋಸೆಫ್ ಮಥಾಯಸ್ ವೇದಿಚೆರ್ ಹಾಜರ್ ಆಸ್ಲೆ.
ಡಯಾನ್ ಡಿಸೋಜಾನ್ ಧಿನ್ವಾಸ್ ಪಾಟಯ್ಲೆ.
ಭಾತ್ಮಿ: ನಾನು ಮರೋಲ್ ತೊಟ್ಟಾಮ್, ದುಭಯ್
|
|
[खबर:]
दुभयांत मा|चेतन लोबोसवें एक संवाद |
|
सप्तेंबर ३ (दुभय): संयुक्त एमिरतांतल्या
कोंकणी बरयणार आनी कलाकारांचें संघटन दायजिदुभय
हांच्या सांद्यांनी नाम्नेचो कोंकणी कथाकार,
वयचारीक संपादक मा|चेतन लोबोसवें एक संवाद आनी
भासाभास काऱ्यें २०२३ इस्वेच्या सप्तेंबर ३
तारिकेर दुभयांतल्या करामांतल्या विन्नीस
रेसटोरेंटांत मांडून हाडलें.
हेर
प्रांत्याथावन दुभय आयिल्ल्या कोंकणी साहिती,
कलाकारांक मेळून ताचेसवें संवाद कर्ची सोभीत
रिवाज, दायजिदुभय संघटनान तेवीस वर्सां थावन पाळून
आयिल्ली जावनासा. सयरो साहिती जावन आयिल्ल्यासवें
संवाद चलवन, ताणें कोंकणी साहित्याक दिल्ल्या
देणगे खातीर ताका मान कर्चो ह्या रिवाजेचो वांटो.
काऱ्यें संचालन चलयिल्ल्या अनील पिंटो कुलशेकर
हाणें सांपरदायीक रितीन येवकार माग्तत दायजिदुभय
संचालक नानू मारोल तोट्टाम, दायजिदुभय स्थापक
संचालक डयान डिसोज मुकामार, तशेंच दायजिदुभय
संघटनाचो आधलो संचालक नाम्नेचो साहिती स्टेन अगेरा
मुल्की हाणीं सयरो मा|चेतन लोबोक वेदीक आपवन हाडून
फुलांचो तुरो दिवून स्वागत केलो.
नानू
मरोलान अपल्या स्वागत उलवपांत "मा|चेतनाच्या
साहित्याची तोखणाय करून, धार्मीक भेसांत अपलें
जिवीत समर्पून केल्यारी अपली सामाजीक जवाभदारी तो
केदिंच विस्रुंक ना, तें ताच्या वयचारीक बर्पांनी
तशेंच काणियांनी दिसून येता" म्हणालो. मा|चेतनाची
सविसतार ओळोक करून, ताच्या वावराविशीं, ताच्या
सामाजीक काळजेच्या बर्पांविशीं, ताच्या मायपाशी
शेगुणांविशीं उलवन कोंकणी साहित्याक नवी दिशा
दिंवच्यांत मा|चातेनान दिल्ल्या/दिवून आसच्या
अमोलीक पाटिंबोविशीं उलयलो.
मा|चेतनान
अपल्या उत्रांनी हर्शेंचो मायपासीं उत्रांनी
कोंकणी साहित्यांत एक नवोच अध्याय सुर्वात केल्लें
दायजिदुभय संघटन अपणाक काळजाक लागशिलें. कित्याक
म्हळ्यार ह्या संघटनांत चडताव सांदे कोंकणी
बरयणार. जे अपलो दीस्पडतो ग्रास सोधून पर्गांवाक
पावल्यात तरयी अपल्या मांयगांवाक, मांयभाशेक
विस्रुंक नांत, बगार नवी हुमेद घेवून कोंकणी वावर
करून आसात आनी हेरांक प्रेरण/तेंको दिवून आसात
म्हणालो.
साहित्य वेळाकाळाक सरी जावन
बदल्लां, आज समाजीक जाळिजाग्यांच्या मजतेन हरेका
बरयणाराक अपले विचार सुटावे बरवंक तशेंच
जाळिजाग्यांनी चिडकावंक सलीस जालां. अपूण एक
धार्मीक याजक जाल्लेवर्वीं अपणाक थोड्यो बंदड्यो
आसात पूण म्हज्या काणियांनी असले विचार परोक्ष
रितीन येतात. एक कथाकार जावन समाजीक संवेदन
अपणांवची पयली गर्ज म्हणालो.
कोंकणी भास,
साहित्य आनी जेराल रितीन कोंकणिची परिगत आनी
संघर्शांविशीं सविसतार उलवन जातच मानेसत जेम्स
मेंडोन्सा आनी मानेसत जोसेफ मथायस वेदिचेर हाजर
आसले. डयान डिसोजान धिन्वास पाटयले.
भात्मी: नानू मरोल तोट्टाम, दुभय |
|
[Kobor] Dubaiant
Ma|Chetan Lobosovem Ek Somvad |
|
|
|
Soptembor 3 (Dubai):
Somyukt emirotantlea Konkonni boroinnar ani
kolakaranchem songhotton Daijidubai
hanchea sandeamni namnecho konkonni kothakar,
voicharik sompadok Ma | Chetan Lobosovem ek
somvad ani bhasabhas karyem 2023 isvechea
soptembor 3 tariker Dubaiyantlea
Karamantlea Willys Restaurantant
manddun haddlem.
Her pranteathaun
Dubai ayil'lea konkonni sahiti, kolakarank
mellun tachesovem somvad korchi sobhit rivaz,
Daijidubai songhottonan tevis vorsam
thaun pallun ayil'li zaunasa. Soiro sahiti zaun
ayil'leasovem somvad choloun, tannem konkonni
sahiteak dil'lea dennge khatir taka man korcho
hea rivajecho vantto.
Karyem sonchalon
choloyil'lea Anil Pinto Kulshekar
hannem samprodayik ritin yeukar magtot
Daijidubai sonchalok Nanu Marol Thottam,
Daijidubai sthapok sonchalok Dayan
DSouza Mukamar, toxench Daijidubai
songhottonacho adhlo sonchalok namnecho sahiti
Stan Ageira Mulki hannim soiro Ma |
Chetan Lobok vedik apoun haddun fulancho
turo divun svagot kelo.
Nanu Marolan
oplea svagot uloupant "Ma | Chetanachea
sahiteachi tokhnnai korun, dharmik bhesant oplem
jivit somorpun keleari opli samajik zovabhdari
to kedinch visrunk na, tem tachea voicharik
borpamni toxench kanniamni disun yeta" mhonnalo.
Ma | Chetanachi sovistar ollok korun,
tachea vauravixim, tachea samajik kalljechea
borpamvixim, tachea maipaxi xegunnamvixim uloun
konkonni sahiteak novi dixa dimvcheant
ma|chatenan dil'lea/divun aschea omolik
pattimbovixim uloilo.
Ma | Chetanan
oplea utramni horxencho maipasim utramni
konkonni sahiteant ek novoch odhyai survat
kel'lem Daijidubai songhotton opnnak kallzak
lagxilem. Kiteak mhollear hea songhottonant
choddtavo sande konkonni boroinnar. Je oplo
dispoddto gras sodhun porgamvak pauleat toryi
oplea mam-igamvak, mam-ibhaxek visrunk nant,
bogar novi humed ghevun konkonni vaur korun asat
ani herank preronn/tenko divun asat mhonnalo.
Sahity vellakallak
sori zaun bodol'lam, az somajik zallizageanchea
mozoten horeka boroinnarak ople vichar suttave
borounko toxench zallizageamni chiddkaunko solis
zalam. Opunn ek dharmik yazok zal'leurvim opnnak
thoddeo bondoddeo asat punn mhojea kanniamni
osole vichar porokx ritin yetat. Ek kothakar
zaun somajik somvedon opnnamvchi poili gorz
mhonnalo.
Konkonni bhas, sahity
ani jeral ritin konkonnichi porigot ani
songhorxamvixim sovistar uloun zatoch manest
James Mendonca ani manest Joseph
Mathias vedicher hazor asle. Dayan
DSouzan dhinvas pattoile.
Bhatmi:
Nanu Marol Thottam, Dubai
|
|
|
ದಾಯ್ಜಿದುಭಾಯ್
2023 ಪುರಸ್ಕಾರ್
ದಾಯ್ಜಿದುಭಾಯ್
2022 ಪುರಸ್ಕಾರ್
ದಾಯ್ಜಿದುಭಾಯ್
2020 ಪುರಸ್ಕಾರ್
ದಾಯ್ಜಿದುಭಾಯ್ 2018 ಪುರಸ್ಕಾರ್
ದಾಯ್ಜಿದುಭಾಯ್ 2017 ಪುರಸ್ಕಾರ್
ದಾಯ್ಜಿದುಭಾಯ್ 2016 ಪುರಸ್ಕಾರ್ |
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
![]() |
|
.gif){kind=small}
