ಚೇತನ್ ಕಾಪುಜಿನ್ - ಪಯ್ಣಾರಿ 2025 ವರ್ಸಾಚೊ ಕಥಾಕಾರ್

ನಾಮ್ನೆಚೊ ಕಥಾಕಾರ್, ವಯ್ಚಾರಿಕ್ ಬರವ್ಪಿ, ಸಂಪಾದಕ್ ಚೇತನ್ ಕಾಪುಜಿನ್ (ಮಾ| ಬಾ| ಚೇತನ್ ಲೋಬೊ) 2025 ವ್ಯಾ ವರ್ಸಾಚೊ ’ಪಯ್ಣಾರಿ ವರ್ಸಾಚೊ ಕಥಾಕಾರ್’ ಜಾವ್ನ್ ಪುರಸ್ಕೃತ್ ಜಾತಲೆ.
ಪಾಟ್ಲ್ಯಾ ತೀಸ್-ಪಾಂತೀಸ್ ವರ್ಸಾಂ ಥಾವ್ನ್ ಕಥಾಕಾರ್, ತರ್ಜಣ್‌ಕಾರ್, ಕಾದಂಬರಿ, ಲೇಖನಾಂ, ವಿಶ್ಲೇಷಣಾಂ ಆನಿ ಸಂಪಾದಕ್‌ಪಣ್ ಚಲವ್ನ್ ಆಯಿಲ್ಲೊ ಚೇತನ್ ಮೈಸೂರ್ (ಮಾ|ಚೇತನ್ ಲೋಬೊ) ’ಸೆವಕ್’ ಪತ್ರಾಚೊ ಸಂಪಾದಕ್ ಜಾವ್ನ್, ಉಪ್ರಾಂತ್ ’ಉಜ್ವಾಡ್’ ಪಂದ್ರಾಳ್ಯಾಚೊ ಸ್ಥಾಪಕ್ ಸಂಪಾದಕ್ ಜಾವ್ನ್, ಆತಾಂ ’ಕುಟ್ಮಾಚೊ ಸೆವಕ್’ ಪತ್ರಾಚೊ ಸಂಪಾದಕ್ ಜಾವ್ನ್ ಕೊಂಕಣಿ ಸಾಹಿತಿಕ್ ವಾವ್ರ್ ಕರುನ್ ಆಯಿಲ್ಲ್ಯಾ ಹಾಂಚಿಂ ಥೊಡಿಂ ಪ್ರಕಾಶಿತ್ ಜಾಲ್ಲಿಂ ಮೊಟ್ವ್ಯಾ ಕಥೆಚಿಂ ಪುಸ್ತಕಾಂ;

ಕಾಳ್ಜಾಚಿ ಭಾಸ್ ವೆಗ್ಳಿಚ್ (2006, ಸೆವಕ್ ಪ್ರಕಾಶನ್)
ಏಕ್ ನವೊ ಸಂಸಾರ್ (2019, ಆಶಾವಾದಿ ಪ್ರಕಾಶನ್)

ಆಶಾವಾದಿ ಪ್ರಕಾಶನಾನ್ ಹ್ಯೇ ಆಧಿಂ ವರ್ಸಾಚೊ ಕಥಾಕಾರ್ ಪುರಸ್ಕಾರ್ ದಿಲ್ಲೆ ಕಥಾಕಾರ್ ಜಾವ್ನಾಸಾತ್:

ದಾಯ್ಜ್ ವರ್ಸಾಚೊ ಕಥಾಕಾರ್ - 2006-7: ಸ್ಟೇನ್ ಅಗೇರಾ

ದಾಯ್ಜ್ ವರ್ಸಾಚೊ ಕಥಾಕಾರ್ - 2008-9: ಕ್ಲೆರೆನ್ಸ್ ಕೈಕಂಬ

ಪಯ್ಣಾರಿ ವರ್ಸಾಚೊ ಕಥಾಕಾರ್ - 2024: ಡೊ. ಎಡ್ವರ್ಡ್ ಎಲ್. ನಜ್ರೆತ್

ಪಯ್ಣಾರಿ ವರ್ಸಾಚೊ ಕಥಾಕಾರ್ ಪುರಸ್ಕಾರ್ ಜೊಡ್ಲೆಲ್ಯಾಚ್ಯೊ ಕಥಾ ಡಿಜಿಟಲ್ ಪುಸ್ತಕಾ ರುಪಾರ್, ತಶೆಂಚ್ ನಾಗರಿ ಲಿಪಿಂತ್ ಲಿಪ್ಯಂತರಣ್ ಕರುನ್ ಪುಸ್ತಕಾ ರುಪಾರ್, ತಶೆಂಚ್ ಕಥಾಪಾಠ್ ಶಿಂಕಳ್ 6 ಚೆರ್ ರಾಷ್ಟ್ರ್ ಮಟ್ಟಾಚ್ಯಾ ಅಧ್ಯಯನ್ ಕಾಮಾಸಾಳಾಂನಿ ಗೊಂಯ್ಚ್ಯಾ ಕೊಲೆಜಿಂನಿ ಪದ್ಯುತ್ತರ್ ಶಿಕ್ಚಿಂ ವಿಧ್ಯಾರ್ಥಿಂ ಪ್ರಪತ್ರಾಂ ಸಾದರ್ ಕರ್ತೆಲಿಂ.

चेतन कापुजीन - पयणारी २०२५ वर्साचो कथाकार

Chetan Capuchin - Poinnari 2025 Vorsacho Kothakar