ಕೊಂಕಣಿ ಲಿಪ್ಯಂತರಣಾಚೆರ್ ಕಾಮಾಸಾಳ್ - ಪಾಂಚ್ ಕೊಂಕಣಿ ಪುಸ್ತಕಾಂ ಮೊಕ್ಳಿಕ್

ಖೆಪೆಂ, ಗೊಂಯ್ (22 ಜನೆರ್ 2025): ಆಶಾವಾದಿ ಪ್ರಕಾಶನ್, ಕೊಂಕಣಿ ಭಾಶಾ ಮಂಡಳ್ (ಗೊಂಯ್), ರಾಜ್‌ಭಾಸ್ ಸಂಚಾಲನಾಲಯ್ ತಶೆಂಚ್ ಖೆಪೆಂ ಕೊಲೆಜಿನ್ ಮಾಂಡುನ್ ಹಾಡಿಲ್ಲೆಂ, ಕೊಂಕಣಿ ಲಿಪ್ಯಂತರಣಾಚೆಂ ಆದೇಸಾಚೆಂ ಕಾಮಾಸಾಳ್ ಬುಧ್ವಾರಾ, ಜನೆರ್ 22 ತಾರಿಕೆರ್ ಖೆಪೆಂ ಕೊಲೆಜಿಂತ್ ಚಲ್ಲೆಂ. ಬಾಯ್ ರತ್ನಮಾಲ ದಿವೇಕರ್ ಹಿಚ್ಯಾ ಅಧ್ಯಕ್‌ಪಣಾರ್, ಆಶಾವಾದಿ ಪ್ರಕಾಶನಾಚೊ ಬಾಬ್ ವಲ್ಲಿ ಕ್ವಾಡ್ರಸ್ ಮುಕೆಲ್ ಸಯ್ರೊ ತಶೆಂಚ್ ಹೆಂ ಕಾಮಾಸಾಳ್ ಚಲವ್ಪಿ ಜಾವ್ನಾಸ್ಲೊ. ಬಾಬ್ ಶೈಲೇಂದ್ರ ಮೆಹ್ತಾ ಆನಿ ಖೆಪೆಂ ಕೊಲೆಜಿಚ್ಯಾ ಕೊಂಕಣಿ ಎಮ್.ಎ. ವಿಭಾಗಾಚೊ ಮುಖೇಸ್ತ್ ಬಾಬ್ ಸುಶಾಂತ್ ನಾಯ್ಕ್ ವೆದಿಚೆರ್ ಉಪಸ್ತಿತ್ ಆಸ್ಲೆ. ಸುಮಾರ್ ತೀಸ್ ವಿಧ್ಯಾರ್ಥಿಂನಿ ಲಿಪ್ಯಂತರಣಾಚಿ ತಾಂತ್ರಿಕತೆಚೆರ್ ಅಭ್ಯಾಸ್ ಕೆಲೊ.

ದೊನ್ಪಾರಾಂ ಉಪ್ರಾಂತ್ ಪಾಂಚ್ ಕೊಂಕಣಿ ಪುಸ್ತಕಾಂಚೆಂ ಉಗ್ತಾವಣ್ ಕಾರ್ಯೆಂ ಚಲ್ಲೆಂ. ಡೊ.ಚಂದ್ರಲೇಖ ಡಿಸೋಜಾಚ್ಯಾ ಅಧ್ಯಕ್ಷ್‌ಪಣಾಖಾಲ್, ಸಾಹಿತ್ಯ್ ಅಕಾಡೆಮಿಚೊ ಪುರಸ್ಕಾರ್ ಜಿಕ್ಪಿ ಬಾಬ್ ಮುಖೇಶ್ ಥಳಿ ಮುಕೆಲ್ ಸಯ್ರೊ ಜಾವ್ನ್, ಡೊ.ಜಯಂತಿ ನಾಯ್ಕ್, ಬಾಬ್ ವಲ್ಲಿ ಕ್ವಾಡ್ರಸ್, ಬಾಬ್ ಶೈಲೇಂದ್ರ ಮೆಹ್ತಾ ಆನಿ ಬಾಬ್ ಸುಶಾಂತ್ ನಾಯ್ಕ್ ವೆದಿಚೆರ್ ಉಪಸ್ತಿತ್ ಆಸ್ಲೆ. ಪ್ರಸ್ತಾವಿಕ್ ಉಲವ್ಪಾಂತ್ ಬಾಯ್ ಚಂದ್ರಲೇಖಾನ್ ಕೊಂಕಣಿ ಸಾಹಿತ್ಯ್ ಎಕಾಪ್ರಾಸ್ ಚಡಿತ್ ಲಿಪಿಂನಿ ವಿಸ್ತಾರ್ಲಾಂ ದೆಕುನ್ ಲಿಪಿ-ಲಿಪಿಂ ಮಧೆಂ ಸಾಂಕವ್ ಭಾಂದ್ಚಿ ಗರ್ಜ್ ಆಸಾ ದೆಕುನ್ ಲಿಪ್ಯಂತರಣ್ ಆಯ್ಚ್ಯಾ ಕಾಳಾರ್ ಭೋವ್ ಚದ್ ಗರ್ಜೆಚೆಂ ಮ್ಹಣಾಲಿ.

ಉಗ್ತಾವಣ್ ಜಾಂವ್ಕ್ ಆಸ್ಚ್ಯಾ ಪುಸ್ತಕಾಂಚಿ ಒಳೊಕ್ ಜಾವ್ನ್; ಬಾಯ್ ಗ್ವಾದಲೂಪ್ ಡಾಯಸಾನ್ ಪ್ರಕಾಶ್ ದ. ನಾಯ್ಕಾಚ್ಯಾ ’ಮೊಡ್ಕುಳ್’ ಪುಸ್ತಕಾಚಿ, ಬಾಬ್ ಶೈಲೇಂದ್ರ ಮೆಹ್ತಾನ್ ವಲ್ಲಿ ಕ್ವಾಡ್ರಸಾಚ್ಯಾ ’ಮಾಯಾನಗರಿ’ ಪುಸ್ತಕಾಚಿ, ಮಾ.ಬಾ.ಲುವಿಸ್ ಗೋಮ್ಸಾನ್ ವಲ್ಲಿ ಕ್ವಾಡ್ರಸಾಚ್ಯಾ ’ಕೊಂಕಣೀ’ ಲಿಪ್ಯಂತರಣ್ ಪುಸ್ತಕಾಚಿ, ಬಾಬ್ ವಿನ್ಸಿ ಕ್ವಾಡ್ರಸಾನ್ ಡೊ.ಜಯಂತಿ ನಾಯ್ಕಾಚ್ಯಾ ’ಆದಿಮಾಯೆಚೊ ಆಸ್ತ್’ ಪುಸ್ತಾಚಿ ತಶೆಂಚ್ ಬಾಬ್ ಜೂಡ್ ಮಾಯ್ಕಲ್ ಗ್ರೇಶಿಯಸಾನ್ ವಿಲ್ಲಿ ಗೋಯೆಸಾಚ್ಯಾ ’ಕಾತ್ರಿನ್’ ಪುಸ್ತಕಾಚಿ ಒಳೊಕ್ ಕರುನ್ ದಿಲಿ. ಪುಸ್ತಕ್ ಬರವ್ಪ್ಯಾಂ ತರ್ಫೆನ್ ಡೊ.ಜಯಂತಿ ನಾಯ್ಕ್ ಉಲಯ್ತಚ್ ಬಾಯ್ ಉರ್ಜಿತಾ ಭೊಬೆನ್ ’ಮೊಡ್ಕುಳ್’, ಬಾಬ್ ಜುಝೆ ಸಾಲ್ವಾದೊರ್ ಫೆರ್ನಾಂಡಿಸಾನ್ ’ಮಾಯಾನಗರಿ’, ಡೊ.ಚಂದ್ರಲೇಖ ಡಿಸೋಜಾನ್ ’ಕೊಂಕಣಿ’, ಬಾಬ್ ಮುಖೇಶ್ ಥಳಿನ್ ’ಆದಿಮಾಯೆಚೊ ಆಸ್ತ್’ ಪುಸ್ತಕಾಕ್ ತಶೆಂಚ್ ಬಾಬ್ ದೇವಿದಾಸ್ ಕದಮಾನ್ ’ಕಾತ್ರಿನ್’ ಇ-ಪುಸ್ತಕಾಕ್ ಮೊಕ್ಳೀಕ್ ಕೆಲೆಂ.

ಉಪ್ರಾಂತ್ ವಲ್ಲಿ ಕ್ವಾಡ್ರಸಾನ್ ಅಪ್ಲ್ಯಾ ಉಲವ್ಪಾಂತ್ ’ಆಮಿಂ ಲಿಪ್ಯಂತರಣಾತಸಲಿಂ ಸಾಧನಾಂ ವ್ಹಾಪ್ರುನ್ ಸರ್ವ್ ಲಿಪಿ/ಬೊಲಿಚ್ಯಾ ಕೊಂಕಣಿ ಲೊಕಾಕ್ ಲಾಗಿಂ ಹಾಡ್ಪಾಚೆಂ ಕಾಮ್ ಕರ್ಚಿ ಗರ್ಜ್ ಆಸಾ’ ದೆಕುನ್ ಹ್ಯಾ ದಿಶೆನ್ ಆಶಾವಾದಿ ಪ್ರಕಾಶನ್ ಅಪ್ಲೆಂ ನಿರಂತರ್ ಕಾಮ್ ಚಲಯ್ತಲೆಂ ಮ್ಹಣಾಲೊ. ತ್ಯೇ ಉಪ್ರಾಂತ್ ಮುಖೆಲ್ ಸಯ್ರೊ ಬಾಬ್ ಮುಖೇಳ್ ಥಳಿನ್ ಅಪ್ಲೆ ಸಂಧೇಶ್ ದಿವುನ್, ಕೊಂಕಣಿಚೊ ವಾವ್ರ್ ಫಕತ್ ಏಕ್ ಸೆವಾ ಅಶೆಂ ಮ್ಹಣುನ್ ನಿರಂತರ್ ಕರ್ನ್ ವೆಚಿ ಗರ್ಜ್ ಆಸಾ ಮ್ಹಣಾಲೊ. ಬಾಬ್ ದೀಪ್‌ರಾಜ್ ಸಾತೊರ್ಡೆಕರಾನ್ ಧಿನ್ವಾಸ್ ಪಾಠಯ್ಲೆ.

कोंकणी लिप्यंतरणाचेर कामासाळ - पांच कोंकणी पुस्तकां मोकळीक

खेपें, गोंय (२२ जनेर २०२५): आशावादी प्रकाशन, कोंकणी भाशा मंडळ (गोंय), राज‌भास संचालनालय तशेंच खेपें कोलेजीन मांडून हाडिल्लें, कोंकणी लिप्यंतरणाचें आदेसाचें कामासाळ बुध्वारा, जनेर २२ तारिकेर खेपें कोलेजिंत चल्लें. बाय रत्नमाल दिवेकर हिच्या अध्यक‌पणार, आशावादी प्रकाशनाचो बाब वल्ली क्वाड्रस मुकेल सयरो तशेंच हें कामासाळ चलवपी जावनासलो. बाब शैलेंद्र मेहता आनी खेपें कोलेजिच्या कोंकणी एम.ए. विभागाचो मुखेस्त बाब सुशांत नायक वेदिचेर उपसतीत आसले. सुमार तीस विध्यार्थिंनी लिप्यंतरणाची तांत्रिकतेचेर अभ्यास केलो.

दोनपारां उपरांत पांच कोंकणी पुस्तकांचें उग्तावण काऱ्यें चल्लें. डो.चंद्रलेख डिसोजाच्या अध्यक्ष‌पणाखाल, साहित्य अकाडेमिचो पुरसकार जिकपी बाब मुखेश थळी मुकेल सयरो जावन, डो.जयंती नायक, बाब वल्ली क्वाड्रस, बाब शैलेंद्र मेहता आनी बाब सुशांत नायक वेदिचेर उपसतीत आसले. प्रसतावीक उलवपांत बाय चंद्रलेखान कोंकणी साहित्य एकापरास चडीत लिपिंनी विसतारलां देकून लिपी-लिपीं मधें सांकव भांदची गर्ज आसा देकून लिप्यंतरण आयच्या काळार भोव चद गर्जेचें म्हणाली.

उग्तावण जावंक आसच्या पुस्तकांची ओळोक जावन; बाय ग्वादलूप डायसान प्रकाश द. नायकाच्या ’मोडकूळ’ पुस्तकाची, बाब शैलेंद्र मेहतान वल्ली क्वाड्रसाच्या ’मायानगरी’ पुस्तकाची, मा.बा.लुवीस गोम्सान वल्ली क्वाड्रसाच्या ’कोंकणी’ लिप्यंतरण पुस्तकाची, बाब विन्सी क्वाड्रसान डो.जयंती नायकाच्या ’आदिमायेचो आस्त’ पुसताची तशेंच बाब जूड मायकल ग्रेशियसान विल्ली गोयेसाच्या ’कात्रीन’ पुस्तकाची ओळोक करून दिली. पुस्तक बरवप्यां तर्फेन डो.जयंती नायक उलयतच बाय उर्जिता भोबेन ’मोडकूळ’, बाब जुझे सालवादोर फेर्नांडिसान ’मायानगरी’, डो.चंद्रलेख डिसोजान ’कोंकणी’, बाब मुखेश थळीन ’आदिमायेचो आस्त’ पुस्तकाक तशेंच बाब देविदास कदमान ’कात्रीन’ ई-पुस्तकाक मोकळीक केलें.

उपरांत वल्ली क्वाड्रसान अपल्या उलवपांत ’आमीं लिप्यंतरणातसलीं साधनां व्हापरून सर्व लिपी/बोलिच्या कोंकणी लोकाक लागीं हाडपाचें काम कर्ची गर्ज आसा’ देकून ह्या दिशेन आशावादी प्रकाशन अपलें निरंतर काम चलयतलें म्हणालो. त्ये उपरांत मुखेल सयरो बाब मुखेळ थळीन अपले संधेश दिवून, कोंकणिचो वावर फकत एक सेवा अशें म्हणून निरंतर कर्न वेची गर्ज आसा म्हणालो. बाब दीप‌राज सातोर्डेकरान धिन्वास पाठयले.