![]() |
|
ಗೊಂಯಾಂತ್ ತ್ರಿ-ಲಿಪಿಚಿಂ ಪಾಂಚ್ ಕೊಂಕಣಿ
ಪುಸ್ತಕಾಂ ಲೊಕಾರ್ಪಣ್ ದಬಾಜೊ |
|
 |
|
11 ಮಾರ್ಚ್ (ಗೊಂಯ್): ಆಶಾವಾದಿ ಪ್ರಕಾಶನಾನ್, ದಲ್ಗಾದೊ
ಕೊಂಕಣಿ ಅಕಾಡೆಮಿ ಆನಿ ಕೊಂಕಣಿ ಅಕಾಡೆಮಿ ಗೊಂಯ್ ಹಾಣಿಂ
ಮಂಗ್ಳರಾ (11 ಮಾರ್ಚ್) ರೆಜಿನಾಲ್ಡ್ ಫೆರ್ನಾಂಡಿಸ್
ಸಭಾಸಾಲಾಂತ್, ಸಕಾಳಿಂ 10:30 ಥಾವ್ನ್ 12:00 ಪರ್ಯಾಂತ್
ಚಲ್ಲೆಲ್ಯಾ ಪುಸ್ತಕ್ ಲೊಕಾರ್ಪಣ್ ದಬಾಜೊ ಕಾರ್ಯಾಂತ್
ಕೊಂಕಣಿಚ್ಯಾ ತೀನ್ ಲಿಪಿಚಿಂ ಪಾಂಚ್ ಪುಸ್ತಕಾಂ ಲೊಕಾರ್ಪಣ್
ಜಾಲಿಂ.
ಬಾಬ್ ತೊಮಾಜಿನ್ ಕಾರ್ಡೋಜ್ (ಆಧ್ಲೊ ಅಧ್ಯಕ್ಷ್ -
ದಲ್ಗಾದೊ ಕೊಂಕಣಿ ಅಕಾಡೆಮಿ) ಹಾಂಚ್ಯಾ
ಅಧ್ಯಕ್ಷ್‌ಪಣಾಖಾಲ್, ಮುಖೆಲ್ ಸಯ್ರಿ ಜಾವ್ನಾ ಡೊ.ಬೀನಾ
ಮಾರ್ಟಿನ್ಸ್, ಬಾಬ್ ವಸಂತ್ ಸಾವಂತ್ (ಅಧ್ಯಕ್ಷ್, ಕೊಂಕಣಿ
ಅಕಾಡೆಮಿ ಗೊಂಯ್), ಬಾಬ್ ಸೆಲ್ಸೊ ಫೆರ್ನಾಂಡಿಸ್
(ಅಧ್ಯಕ್ಷ್, ದಲ್ಗಾದೊ ಕೊಂಕಣಿ ಅಕಾಡೆಮಿ), ಬಾಬ್ ವಿನ್ಸಿ
ಕ್ವಾಡ್ರಸ್ (ಆಧ್ಲೊ ಅಧ್ಯಕ್ಷ್, ದಲ್ಗಾದೊ ಕೊಂಕಣಿ
ಅಕಾಡೆಮಿ), ಬಾಬ್ ಫಾವುಸ್ತೊ ಡಿಕೊಸ್ತಾ (ಸಂಪಾದಕ್,
ಗುಲಾಬ್), ಡೊ. ಪ್ರಕಾಶ್ ಪೆರ್ಯಂಕರ್ (ಗೊಂಯ್
ಮಹಾವಿಧ್ಯಾಪೀಠ್), ಬಾಬ್ ಉದಯ್ ಮ್ಹಾಂಬ್ರೊ (ನಾಮ್ನೆಚೊ
ಕವಿ), ಬಾಬ್ ವಿಲ್ಲಿ ಗೋಯೆಸ್ (ನಾಮ್ನೆಚೊ ಕಾದಂಬರಿಕಾರ್),
ಬಾಯ್ ಉರ್ಜಿತಾ ಭೊಬೆ (ನಾಮ್ನೆಚಿ ಕವಿ) ಅಶೆಂ ಕನ್ನಡ,
ನಾಗರಿ ಆನಿ ರೋಮಿ ಲಿಪಿಂತ್ ಬರಂವ್ಚೆ ಸಾಹಿತಿ, ಕವಿ ಹ್ಯಾ
ಕಾರ್ಯಾಂತ್ ಹಾಜರ್ ಆಸ್ಲೆ.
ಬಾಬ್ ಸೆಲ್ಸೊ ಫೆರ್ನಾಂಡಿಸಾನ್ ಯೆವ್ಕಾರ್ ಉಲವ್ಪ್
ಕರ್ತಚ್, ಸೂತ್ರ್ ಸಂಚಾಲನ್ ಕೆಲ್ಲ್ಯಾ ಬಾಬ್ ಶೈಲೇಂದ್ರ
ಮೆಹ್ತಾನ್ ಸಯ್ರ್ಯಾಂಚಿ ಮೊಟ್ವಿ ಒಳೊಕ್ ಕರ್ತಚ್, ಬಾಯ್
ಉರ್ಜಿತಾ ಭೊಬೆನ್ ಉಡಾಸಾಚಿ ಕಾಣಿಕ್ ದೀವ್ನ್ ಯೆವ್ಕಾರ್
ದಿವುನ್ ’ಫುಲಾಂ ತುರೊ’ ಪುಸ್ತಕಾಚಿ ಒಳೊಕ್ ಕರುನ್ ದಿಲಿ.
ಬಾಬ್ ಉದಯ್ ಮ್ಹಾಂಬ್ರೊನ್ ’ಮೊಳ್ಸುದ್’ ಪುಸ್ತಕಾಚಿ ಒಳೊಕ್
ಕರುನ್ ದಿಲಿ. ಬಾಬ್ ವಸಂತ್ ಸಾವಂತಾನ್ ’ಸುರ್ಯಾ ಉದೆಲಾ’
ಪುಸ್ತಕಾಚಿ ಒಳೊಕ್ ಕರುನ್ ದಿಲಿ, ಬಾಬ್ ವಿಲ್ಲಿ ಗೋಯೆಸಾನ್
(ಗ್ವಾದಲೂಪ್ ಡಾಯಸಾ ತರ್ಫೆನ್) ’ಭಿತರ್ಲೊ ಕವಿ’
ಪುಸ್ತಕಾಚೊ ಒಳೊಕ್ ಕರುನ್ ದಿತಚ್, ಬಾಬ್ ಸೆಲ್ಸೊ
ಫೆರ್ನಾಂಡಿಸಾಚ್ಯಾ ಹಾತಿಂ ಪುಸ್ತಕಾಂ ಲೊಕಾರ್ಪಣ್
ಜಾಂವ್ಚ್ಯಾ ಹಾತಿಂ ಹತಾಂತರ್ ಕೆಲಿಂ; ಡೊ.ಬೀನಾ
ಮಾರ್ಟಿನ್ಸಾನ್ ’ಫುಲಾಂ ತುರೊ’, ಬಾಬ್ ವಿನ್ಸಿ
ಕ್ವಾಡ್ರೊಸಾನ್ ’ಮೊಳ್ಸುದ್’, ಬಾಬ್ ತೊಮಾಜಿನ್
ಕಾರ್ಡೊನಾನ್ ’ಸುರ್ಯಾ ಉದೆಲಾ’ (ರೋಮಿ ಲಿಪಿ),
ಡೊ.ಪ್ರಕಾಶ್ ಪೆರ್ಯಂಕರಾನ್ ’ಸುರ್ಯಾ ಉದೆಲಾ’ (ನಾಗರಿ
ಲಿಪಿ), ಬಾಬ್ ಫಾವುಸ್ತೊ ವಿ ಡಿಕೋಸ್ತಾನ್ ’ಭಿತರ್ಲೊ ಕವಿ’
ಪುಸ್ತಕಾಚೆಂ ಲೊಕಾರ್ಪಣ್ ಕೆಲೆಂ. (ಹಿಂ ಪುಸ್ತಕಾಂ
ಆಶಾವಾದಿ ಪ್ರಕಾಶನಾಚ್ಯಾ ೨೫ವ್ಯಾ ವರ್ಸಾ ಕೊಂಕಣಿ ಸರ್ದಾರ್
ಬಸ್ತಿ ವಾಮನ್ ಶೆಣಯ್ ಪುಸ್ತಕ್ ಪ್ರಕಾಶನ್ ಯೆವ್ಜಣೆಖಾಲ್
ಪ್ರಕಾಶಿತ್ ಜಾಲ್ಲಿಂ ಜಾವ್ನಾಸಾತ್)
ಸಯ್ರ್ಯಾಂನಿ; ಡೊ.ಬೀನಾ ಮಾರ್ಟಿನ್ಸ್, ಡೊ.ಪ್ರಕಾಶ್
ಪೆರ್ಯಂಕರ್, ಬಾಬ್ ಫಾವುಸ್ತೊ ಡಿಕೊಸ್ತಾ ಹಾಣಿಂ ಅಪ್ಲೆ
ಸಂದೇಶ್ ದಿತಚ್ ಅಧ್ಕಕ್ಷ್ ಉಲವ್ಪಾಂತ್ ಬಾಬ್ ತೊಮಾಜಿನ್
ಕಾರ್ಡೊಜಾನ್ ’ಕೊಂಕಣಿ ಭಾಸೆಚ್ಯಾ ಫುಡಾರಾಕ್ ಲಾಗುನ್ ಆಮಿ
ಸರ್ವಾಂನಿ ಲಾಗಿಂ ಯೇವ್ನ್ ಎಕಾ ಮನಾನ್ ಕೊಂಕಣಿ ವಾವ್ರ್
ಕರ್ಚಿ ಗರ್ಜ್ ಆಸಾ ಆನಿ ಹೊ ವಾವ್ರ್ ಅಸೊಚ್ ಫುಡೆಂ ವೆಚಿ
ಗರ್ಜ್ ಆಸಾ’ ಮ್ಹಳೆಂ.
ವಲ್ಲಿ ಕ್ವಾಡ್ರಸಾನ್ ಧಿನ್ವಾಸ್ ಉಲವ್ಪಾಂತ್ ’ಸುರ್ಯೊ
ಉದೆಲಾ’ ಮ್ಹಜೆಂ ತಿಸ್ರೆಂ ರಾಷ್ಟ್ರ್ ಮಟ್ಟಾಚೆಂ
ಕಥಾಸಂಕಲನ್, ಪುಣ್ ಹ್ಯಾ ಪುಸ್ತಕಾಂತ್ ಆಸ್ಚೊ ಏಕ್ ಊಣ್
ಮ್ಹಳ್ಯಾರ್, ಹಾಂತುಂ ರೋಮಿ ಲಿಪಿಂತ್ ಬರಯಿಲ್ಲಿ ಕಥಾ ನಾ.
ತ್ಯೇ ಪಾಸತ್ ಪಾಟ್ಲ್ಯಾ ಕಾಂಯ್ ವರ್ಸಾಂ ಥಾವ್ನ್ ಅಪ್ಣಾನ್
ಜಾಯ್ತಿ ಮಿನತ್ ಕೆಲಿ ಪುಣ್ ಅಜೂನ್ ರಾಷ್ಟ್ರ್ ಮಟ್ಟಾಚಿ
ಕಥಾ ಅಪ್ಣಾಕ್ ಲಾಭ್ಲಿನಾ. ಮ್ಹಣಾಲೊ.
|
|
|
|
|
|
गोंयांत त्री-लिपिचीं पांच कोंकणी
पुस्तकां लोकार्पण दबाजो |
|
११ मार्च (गोंय): आशावादी प्रकाशनान, दल्गादो
कोंकणी अकाडेमी आनी कोंकणी अकाडेमी गोंय हाणीं
मंगळरा (११ मार्च) रेजिनालड फेर्नांडीस सभासालांत,
सकाळीं १०:३० थावन १२:०० पऱ्यांत चल्लेल्या पुस्तक
लोकार्पण दबाजो काऱ्यांत कोंकणिच्या तीन लिपिचीं
पांच पुस्तकां लोकार्पण जालीं.
बाब तोमाजीन
कार्डोज (आधलो अध्यक्ष - दल्गादो कोंकणी अकाडेमी)
हांच्या अध्यक्षपणाखाल, मुखेल सयरी जावना डो.बीना
मार्टिन्स, बाब वसंत सावंत (अध्यक्ष, कोंकणी
अकाडेमी गोंय), बाब सेल्सो फेर्नांडीस (अध्यक्ष,
दल्गादो कोंकणी अकाडेमी), बाब विन्सी क्वाड्रस
(आधलो अध्यक्ष, दल्गादो कोंकणी अकाडेमी), बाब
फावुस्तो डिकोसता (संपादक, गुलाब), डो. प्रकाश
पेऱ्यंकर (गोंय महाविध्यापीठ), बाब उदय म्हांबरो
(नाम्नेचो कवी), बाब विल्ली गोयेस (नाम्नेचो
कादंबरिकार), बाय उर्जिता भोबे (नाम्नेची कवी)
अशें कन्नड, नागरी आनी रोमी लिपिंत बरंवचे साहिती,
कवी ह्या काऱ्यांत हाजर आसले.
बाब सेल्सो
फेर्नांडिसान येवकार उलवप कर्तच, सूत्र संचालन
केल्ल्या बाब शैलेंद्र मेहतान सयऱ्यांची मोटवी
ओळोक कर्तच, बाय उर्जिता भोबेन उडासाची काणीक दीवन
येवकार दिवून ’फुलां तुरो’ पुस्तकाची ओळोक करून
दिली. बाब उदय म्हांबरोन ’मोळसूद’ पुस्तकाची ओळोक
करून दिली. बाब वसंत सावंतान ’सूऱ्या उदेला’
पुस्तकाची ओळोक करून दिली, बाब विल्ली गोयेसान
(ग्वादलूप डायसा तर्फेन) ’भितरलो कवी’ पुस्तकाचो
ओळोक करून दितच, बाब सेल्सो फेर्नांडिसाच्या हातीं
पुस्तकां लोकार्पण जांवच्या हातीं हतांतर केलीं;
डो.बीना मार्टिन्सान ’फुलां तुरो’, बाब विन्सी
क्वाड्रोसान ’मोळसूद’, बाब तोमाजीन कार्डोनान
’सूऱ्या उदेला’ (रोमी लिपी), डो.प्रकाश पेऱ्यंकरान
’सूऱ्या उदेला’ (नागरी लिपी), बाब फावुस्तो वी
डिकोसतान ’भितरलो कवी’ पुस्तकाचें लोकार्पण केलें.
(हीं पुस्तकां आशावादी प्रकाशनाच्या २५व्या वर्सा
कोंकणी सर्दार बसती वामन शेणय पुस्तक प्रकाशन
येवजणेखाल प्रकाशीत जाल्लीं जावनासात)
सयऱ्यांनी; डो.बीना मार्टिन्स, डो.प्रकाश
पेऱ्यंकर, बाब फावुस्तो डिकोसता हाणीं अपले संदेश
दितच अधकक्ष उलवपांत बाब तोमाजीन कार्डोजान
’कोंकणी भासेच्या फुडाराक लागून आमी सर्वांनी
लागीं येवन एका मनान कोंकणी वावर कर्ची गर्ज आसा
आनी हो वावर असोच फुडें वेची गर्ज आसा’ म्हळें.
वल्ली क्वाड्रसान धिन्वास उलवपांत ’सूऱ्यो
उदेला’ म्हजें तिस्रें राषट्र मट्टाचें कथासंकलन,
पूण ह्या पुस्तकांत आसचो एक ऊण म्हळ्यार, हांतूं
रोमी लिपिंत बरयिल्ली कथा ना. त्ये पास्त पाटल्या
कांय वर्सां थावन अपणान जायती मिनत केली पूण अजून
राषट्र मट्टाची कथा अपणाक लाभलिना. म्हणालो.
|
|
|
|
|
|
Gõyant tri-lipichim panch Konkonni Pustokam
Lokarponn Dobazo |
11 March (Gõy): Ashawadi Prokaxon,
Dalgado Konkani Akademi ani Konkani
Aademi Gõy hannim Mongllora (11 March)
Regnald Fernandes sobhasalant, sokallim
10:30 thaun 12:00 poreant chol'lelea
Pustok Lokarponn Dobazo kareant
konkonnichea tin lipichim panch pustokam
lokarponn zalim.
Bab Thomazine
Cardoza (Adhlo odhyokx - Dalgado
Konkani Akademi) hanchea
odhyokx-ponnakhal, Mukhel soiri zauna
Dr.Beena Martins, Bab Vasant Sawant
(Odhyokx, Konkonni Akademi Gõy),
Bab Celso Fernandes (Odhyokx,
Dalgado Konkani Akademi), Bab Vincy
Quadros (Adhlo odhyokx, Dalgado Konkani
Akademi), Bab Fausto V DCosta
(Sompadok, Gulab), Dr. Prakash Perienkar
(Gõy Mohavidheapitth), Bab Uday Mhambro
(Namnecho Kovi), Bab Willy Goes
(Namnecho Kadomborikar), Bai Urjita Bhobe
(Namnechi Kovi) oxem Kannada, Nagari
ani Romi lipint boromvche sahiti,
kovi hea kareant hazor asle.
Bab
Celso Fernandes-an yeukar uloup kortoch,
sutr sonchalon kel'lea Bab Shailendra Mehta-n
soireanchi mottvi ollok kortoch, Bai Urjita
Bhoben uddasachi kannik diun yeukar divun ’Fulam
Turo’ pustokachi ollok korun dili.
Bab Uday Mhambro-n ’Mollsud’
pustokachi ollok korun dili. Bab Vasant
Sawant-an ’Surea Udela’
pustokachi ollok korun dili, Bab Willy Goes-an
(Guadalupe Dias torfen) ’Bhitorlo
kovi’ pustokacho ollok korun ditoch,
Bab Celso Fernandes-achea hatim
pustokam lokarponn zamvchea hatim hotantor
kelim; Dr.Beena Martins-an ’Fulam
Turo’, Bab Vincy Quadros-an ’Mollsud’,
Bab Thomazine Cardoza-n ’Surea
Udela’ (Romi Lipi), Dr.Prakash
Perienkar-an ’Surea Udela’
(Nagari lipi), Bab Fausto V DCosta-n
’Bhitorlo Kovi’ pustokachem
lokarponn kelem. (him pustokam Ashawadi
Prakashan-achea 25vea vorsa
Konkonni Sordar Basti Vaman Shenny
pustok prokaxon yeuzonnekhal prokaxit
zal'lim zaunasat)
Soireamni;
Dr.Beena Martins, Dr.Prakash Perienkar, Bab
Fausto V DCosta hannim ople sondex ditoch
odhkokx uloupant Bab Thomazine Cardozo-n
’Konkonni bhasechea fuddarak lagun ami sorvamni
lagim yeun eka monan Konknni vaur korchi gorz
asa ani ho vaur osoch fuddem vechi gorz asa’
mhollem.
Valley Quadros-an
dhinvas uloupant ’Sureo Udela’
mhojem tisrem raxttr mott'ttachem kothasonkolon,
punn hea pustokant ascho ek unn mhollear, hantum
Romi lipint boroyil'li kotha na. Tye
pasot pattlea kaim vorsam thaun opnnan zaiti
minot keli punn ozun raxttr mott'ttachi kotha
opnnak labhlina. Mhonnalo.
|
|
|
|
|
|
|
|
|
 |
|
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
 |
|
