ಕಾರ್ಭಾರಿ(ಣ್) 3. ಜಾನೆಟ್ ನೊರೊನ್ಹಾ [ಸಂದರ್ಶಕಾಂ: ಜಿಯೋ ಆಗ್ರಾರ್ ಆನಿ ಗ್ಲೆಂಡಾ ಅಲ್ಮೇಡಾ]

ಫಿಲ್ಮ್ ಸಂಸಾರಾಂತ್ ’ಕೊಂಕ್ಣಿ’ ಅಪ್ಲಿಂ ಭುರ್ಗ್ಯಾಪಣಾಲಿಂ ಪಾವ್ಲಾಂ ಕಾಡುನ್ ಆಸಾ ದೆಕುನ್ ಚಡಿತ್ ವೃತ್ತಿಪರತಾ ಆಮಿಂ ಇತ್ಲೆ ವೆಗಿಂ ಅಪೇಕ್ಶಾ ಕೆಲ್ಲೆಪರಿಂ ನಾ. ’ನಶಿಬಾಚೊ ಖೆಳ್’ ಪಿಂತುರ್ ಲೊಕಾಮೊಗಾಳ್ ಜಾಂವ್ಕ್ ತಾಚೆಂ ನಿರ್ದೇಶನ್ ಆನಿ ನಟನ್ ಪ್ರಮುಖ್ ಕಾರಣ್ ತರ್‌ಯೀ, ಹ್ಯಾ ಪಿಲ್ಮಾಂತ್ ಜಾಯ್ತಿಂ ಚಿಲ್ಲರ್ ಸಿಂತಿಮೆಂತಾಂ ಭರುನ್ ಆಸಾತ್, ಜಶೆಂ ಸುರ್ವಾತೆರ್ ಪಾದ್ರಿಚೊ ಶೆರ್ಮಾಂವ್/ವಿನತಿ, ಫಿಲ್ಮಾಂತ್ ವ್ಹಾಪಾರ್ ಜಾಲ್ಲಿ ಭಾಸ್, ವ್ಹಾಪಾರ್ ಜಾಲ್ಲಿ ಸೊಡ್ಯಾಂ, ಫಿಲ್ಮಾಚೆಂ ನಾಂವ್ ಸಯ್ತ್ ವೆವೆಗ್ಳ್ಯಾ ರುಪಾರ್ ಬರವ್ನ್ ಜಾಲ್ಲೊ ಬೊಂಗೊಸ್ತೊಳ್ ಆಮಿಂ ಪಳೆಲಾ, ಪುಣ್ ಹ್ಯಾವಿಶಿಂ ಗಮನ್ ದಿಂವ್ಚಿ ಗರ್ಜ್ ಆಸಾ, ತೆಂಚ್ ಪ್ರೇತನ್ ಏಕ್ ಯೋಗ್ಯ್ ನಿರ್ದೇಶಕ್ ಕರುಂಕ್ ಸಕ್ತಾ, ಆನಿ ತಾಚೆಂ ಪ್ರೇತನ್‌ಚ್ಚ್ ’ಸೋಫಿಯಾ’

ವರಸ್ 2017 ಅಂತರ್‌ರಾಷ್ಟ್ರೀಯ್ ಮಟ್ಟಾರ್ ’ಸ್ತ್ರೀಯಾಂ ಪಾಸತ್ ಸಮರ್ಪಿಲ್ಲೆಂ ಜಾವ್ನಾಸಾ’. ಆಮ್ಚ್ಯಾ ಸಮಾಜೆಂತ್ ಸ್ತ್ರೀಯಾಂಕ್ ಕಸಲೆಂ ಸ್ಥಾನ್ ಆಸಾ, ಆಮಿಂ ಸ್ತ್ರೀಯಾಂಕ್ ಕಸಲೊ ಮಹತ್ವ್ ದಿತಾಂವ್? ಏಕ್ ಧುವ್ ಜಾವ್ನ್, ಇಶ್ಟಿಣ್ ಜಾವ್ನ್, ಬಾಯ್ಲ್ ಜಾವ್ನ್, ಆವಯ್ ಜಾವ್ನ್, ಸುನ್ ಜಾವ್ನ್, ಅಜಿ ಜಾವ್ನ್... ವೆವೆಗ್ಳೆ ಪಾತ್ರ್ ಘೆವ್ನ್ ಸದಾಂಚ್ ಅಪ್ಲ್ಯಾ ಕುಟ್ಮಾಚೊ ದಿವೊ ಜಾವ್ನ್ ಅಪ್ಣಾಕ್‌ಚ್ಚ್ ಝಳಂವ್ಚ್ಯಾ ಸ್ತ್ರೀಯೆಕ್ ಜೊಕ್ತೊ ಮಾನ್ ಆಮಿ ದಿಲಾ? ವಾ ದಿತಾಂವ್? ಹಿಂ ಸವಾಲಾಂ ಹ್ಯಾ ವರ್ಸಾಕ್ ಪ್ರಸ್ತುತ್ ಜಾವ್ನಾಸಾತ್. ಹೆಚ್ಚ್ ಸಂಧರ್ಭಾಚೆರ್ ಏಕ್ ಸ್ತ್ರೀ ಸಂವೇದನಾಚೆಂ ಅಪುರ್ಭಾಯೆಚೆಂ ಕೊಂಕ್ಣಿ ಪಿಂತುರ್ ’ಸೋಫಿಯಾ’ (ಏಕ್ ಡ್ರೀಮ್‍ಗರ್ಲ್) ಲೊಕಾಂಸಮೊರ್ ಯೆಂವ್ಚ್ಯಾರ್ ಆಸ್ಚಾ ಸಂಧರ್ಭಾರ್, ಹ್ಯಾ ಪಿಂತುರಾಚಿ ನಿರ್ಮಾಪಕಿ, ಬಾಯ್ ಜಾನೆಟ್ ನೊರೊನ್ಹಾಸವೆಂ ಮುಖಾಮುಖಿ ಚಲಯಿಲ್ಲೆಂ ಸಂವಾದ್ ಹೆಂ.

ಜಾನೆಟ್, ಪಯ್ಲ್ಯಾನ್ ಪಯ್ಣಾರಿ.ಕೊಮಾ ಥಾವ್ನ್ ತುಕಾ ಪರ್ಬಿಂ ಪಾಟಾಯ್ತಾಂವ್ ತುವೆಂ ಕೊಂಕ್ಣೆಂತ್ ತುಜೆ ಪಯ್ಲೆಂ ಪಿಂತುರ್ ಸೊಫಿಯಾ ನಿರ್ಮಾಣ್ ಕರ್ಚಿ ಗಜಾಲ್ ಸಂತೊಸಾಚಿ... ತುಕಾ ಬರೆ ಮಾಗ್ತಾಂವ್. ತುಕಾ ಕೊಂಕ್ಣೆಂತ್ ಪಿಂತುರ್ ಕಾಡುಂಕ್ ಪ್ರೇರಣ್ ಕಶೆಂ ಲಾಬ್ಲೆಂ?

ಜಾನೆಟ್: ಹಾಂವ್ ಲಾನ್ ಥಾವ್ನ್ ನಾಟಕ್, ಯಕ್ಶಾಗಣ್, ಪಿಂತುರಾ ಪಳೆತಾಲಿಂ. ಕೆಸೆಟಿಂದ್ವಾರಿ ವೆವೆಗ್ಳಿ ಪದಾಂ ಅಯ್ಕಾತಾಲಿಂ. ಸಾಂಸ್ಕ್ರತಿಕ್ ಕಾರ್ಯಾನಿಂ ಬಾಗ್ ಘೆತಾಲಿಂ. ಇಸ್ಟಿನ್ಯೊ ಸಾಂಗಾತಾ ಮೆಳ್ತಾನಾ ಫಿಲ್ಮಾ ವಿಶಿಂ ಚರ್ಚಾ ಕರ್ತಾಲ್ಯಾಂವ್.

ಕಾಜಾರ್, ಉಪ್ರಾಂತ್ ಎಸ್ತೆರ್ ಜಲ್ಮಾಲೆಂ. ತಾಚೆಂ ಥಂಯ್ ಸಬಾರ್ ತಾಲೆಂತಾ ಪಳೆವ್ನ್ ಮಹಿ ಅದುರಿಂ ಸಪ್ಣಾ ತಾಚೆಂ ಥಾವ್ನ್ ಸಕಾರ್ ಕರುಂಕ್ ಚಿಂತ್ಲೆಂ. ತೆಂ ಕನ್ನಡ, ಮರಾಠಿ, ತೆಲುಗು ಫಿಲ್ಮಾನಿಂ ವಾವ್ರ್ ಕರ್ತಾನಾಂ, ನಶಿಬಾಚೊ ಖ್ಹೆಳ್ ದ್ವಾರಿ ಕೊಂಕ್ಣೆಂತ್ ಎಕ್ ಅಪುರ್ಬಾಯೆಚೊ ಅವ್ಕಾಸ್ ಲಾಬ್ಲೊ. ಹ್ಯಾ ವರ್ವಿಂ ಬರ್‍ಯಾ ನಿರ್ದೆಶಕಾಚೆ ಟೀಮಾಚೆ ಆನಿ ಮಜ್ಯಾ ಕುಟ್ಮಾಚೊ ಪ್ರೊತ್ಸಾವ್ ಹ್ಯಾ ಯೊಜಾನಾಕ್ ಮಕಾ ಪ್ರೇರಣ್ ದೀಂವ್ಕ್ ಸಕ್ಲೊ.

ಕೊಂಕ್ಣಿ ಲೊಕ್ ತಿಕ್ಕೆಂ ಕೊಡ್ಯಾರೊ. ತುಮಿ ಕ್ವಾಲಿಟಿ ಫಿಲ್ಮ್ ದಿತಾನಾ ತೆಂ ಸ್ವಿಕಾರುಂಕ್ ಅಮ್ಚೊ ಲೊಕ್ ತಯಾರ್ ಅಸಾಗಿ.

ಜಾನೆಟ್: ಖಂಡಿತ್. ಹ್ಯಾ ಪಿಂತುರಾಂತ್ ಮಸ್ತು ನವೆಂಸಾಂವ್ ಅಸಾ. ಲೊಕಾಕ್ ಖಂಡಿತ್ ರುಚ್ತೆಲೆಂ. ಆನಿ ಕ್ವಾಲಿಟಿ ಕೆದ್ನಾಂಯ್ ಲೊಕ್ ಸ್ವಿಕಾರುಂಕ್ ತಯಾರ್ ಅಸಾ. ಕೊಂಕ್ಣಿ ಉಲಾಂವ್ಚಾ ಹರ್ ಕ್ಶೇತ್ರಾಚ್ಯಾ ಲೊಕಾಕ್ ಹೆಂ ಪಿಂತುರ್ ತ್ರಪ್ತಿ ದಿತಾಲೆಂ

ಕೊಂಕ್ಣಿ ಮಾಯ್ ಭಾಸ್ ಜಲ್ಲ್ಯಾನ್ ಘರಾಂತ್ ಕೊಂಕ್ಣಿಚ್ ಉಲಾಯ್ತಾಲ್ಯಾಂವ್. ಬಾಹ್ರೆನ್ ಅಸ್ತಾನಾಂಯ್ ಕೊಂಕ್ಣಿ ಸೊಂಡುಂಕ್ ನಾ. ಎಸ್ತೆರ್ ಲಾನ್ ಅಸ್ತಾನಾಂಯ್ ಕೊಂಕ್ಣಿ ಸೊಡುನ್ ಹೆರ್ ಭಾಸ್ ನೆಣಾಸ್ಲ್ಯಾನ್ ಕೆಜಿ ಕ್ಲಾಸಿನಿ ಟಿಚೆರ್ ಕಿತೆಂ ಶಿಕಾಯ್ತಾಲಿಂ ತೆಂ ಸಮ್ಸಾನಾತ್ಲೆಂ. ಮಜ್ಯಾ ನಶಿಬಾಕ್ ಗೊಂಯ್ಚಿ ಶಿಕ್ಶಕಿ ಕೊಂಕ್ಣಿ ಜಾಣಾ ಅಸ್ಚಿಮೆಳ್ಳಿ. ಕೊಂಕ್ಣಿ ಕೆನ್ನಾಯೀ ಸೊಡುಲ್ಲಿ ನಾಂ.

ಎಸ್ತೆರಾಚಿ ಸಬಾರ್ ತಾಲೆಂತಾ ಪಳೆವ್ನ್ ತಾಕಾ ಜಾಯ್ ತೊ ವೆದಿ ದಿಂವ್ಕ್ ಪ್ರೇತನ್ ಕೆಲೆಂ. ಸಬಾರ್ ಹೆರ್ ಬಾಸಾನಿಂ ತಾಕಾ ಅವ್ಕಾಸ್ ಲಾಬ್ಲೊ. ಅನಿ ಹ್ಯಾ ವಕ್ತಾ ನಶಿಬಾಚೊ ಖ್ಹೆಳ್ ವರ್ತೊ ಅವ್ಕಾಸ್ ದಿತಾನಾ ಮಜೆ ಸಬಾರ್ ದಿಸಾಂಚೆಂ ಸಪಣ್ ಹ್ಯಾ ನವ್ಯಾ ಯೊಜಾನಾಕ್ ಬುನ್ಯಾದ್ ದಿ ಲಾಗ್ಲೆಂ.

ತುಕಾ ಫಿಲ್ಮ್ ಸಂಸಾರಾಂತ್ ಖಾಯ್ಸ್ ಜಾಲ್ಲೆ ನಿರ್ದೇಶಕ್ ಕೊಣ್?

ಜಾನೆಟ್: ಪುಟ್ಟಣ ಕಣಗಲ್. ತಾಚಿಂ ಹರ್ ಪಿಂತುರಾಂ ಪಳೆಲ್ಯಾಂತ್. ಅತಾಂಯ್ ಅವ್ಕಾಸ್ ಮೆಳ್ತಾನಾ ಪರತ್ ಪರತ್ ಪಳೆತಾಂವ್. ಅದ್ಭುತ್ ಕ್ರಿಯತ್ಮಾಕ್ ಕಲಾಗಾರ್ ಕಣಗಲ್.

'ಸೊಫಿಯಾ' ಪ್ರಾಜೆಕ್ಟಾಕ್ ಬರ್ಯಾಂತ್ಲೆ ಬರೆ ಟೆಕ್ನಿಶಿಯಾನ್, ಉತ್ತೀಮ್ ಲಾಯ್ಟ್ಸ್, ಕ್ಯಾಮರ, ವೆಗ್ಳ್ಯಾ ಶೈಲೆಚೆ ಸಂಗಿತ್,ಅಪುರ್ಬಾಯೆಚೊ ಲಿರಿಕ್ಸ್, ಖ್ಯಾತ್ ನಾಮ್ಣೆಚೊ ನಿರ್ದೆಶಕ್ ಹ್ಯಾ ಪಿಂತುರಾಂತ್ ಸಬಾರ್ ನವೆಂಸಾಂವ್ ಹಾಡ್ತಾ. ಕಾಣಿ ಆನಿ ಲೊಕೆಶನ್ಸ್ ಬರಿಂ ಅಸಾತ್.

ಎಸ್ತರಾಚ್ಯಾ ನಟನಾಚ್ಯಾ ತಾಲೆಂತಾವಿಶಿಂ ಕಾಂಯ್ ಸಾಂಗ್ಶಿ?

ಜಾನೆಟ್: ತೆಂ ಎಕ್ ಸಬಾರ್ ತಾಲೆಂತಾಂನಿ ಭರ್‌ಲ್ಲೆಂ ಕಲಾಗಾರ್. ನಿರ್ದೆಶಕಾಂಚೆ ಸುಚನ್, ಕಾಣ್ಯೆಂತ್ಲೆ ಸಂವಾದ್, ಡಯಲೊಗ್ ಬಾರಿ ಬರ್ಯಾನ್ ಸ್ವಿಕಾರ್ಸಿತಾ. ಹೆರ್ ಬಸಾಂನಿ ತಾಕಾ ಅನ್ಬೊಗ್ ಮೆಳ್ಳಾ ಜಾಲ್ಯಾನ್ ಇತರ್ ಕಲಾಗರಾಂ ಸಂಗಿಂ ಬರ್ಯಾನ್ ಬರ್ಸತಾ.

ತುಕಾ ಬೋಕ್ಸ್ ಆಫಿಸಾಂತ್ ಸಲೀಸಾಯೆನ್ ದುಡು ಕರುಂಕ್ ಹೆರ್ ಭಾಸೊ ವಿಂಚ್ಯೆತ್ಯೊ ನ್ಹಯ್? ಕೊಂಕ್ಣಿ ಕಿತ್ಯಾಕ್ ವಿಂಚ್ಲಿ?

ಜಾನೆಟ್: ಪಯ್ಲಿ ಪ್ರಯೊರಿಟಿ ಕೊಂಕ್ಣಿ. ಕೊಂಕ್ಣೆಂತ್ ಕರುಂಕ್ ಸಬಾರ್ ಯೊಜಾನಾಂ ಅಸಾತ್. ತರೀ ಫಕತ್ತ್ ಕೊಂಕ್ಣೆಕ್ ಮಾತ್ ಕಲಾ ಸಿಮಿತ್ ಜಾಂವ್ಕ್ ನಜೊ. ಹೆರ್ ಬಸಾನಿಂ ಅವ್ಕಾಸ್ ಲಾಬ್ತಾನಾ ಖಂಡಿತ್ ತಾಚೊ ಪ್ರಬಾವ್ ಕೊಂಕ್ಣೆಂತ್ ಪ್ರತಿಫಲನ್ ಜಾತಾ. ಕೊಂಕ್ಣಿ ಫಿಲ್ಮ್ ಶೆತಾಂತ್ ಜಾಲ್ಲೆಂ ಉಣೆಂ ಜಾಂವ್ಕ್ ಅಸ್ಚೆಂ ದಾರಾಳ್ ಅಸಾ.

ತುಂ ಕೊಂಕ್ಣಿ ಪತ್ರಾಂ ವಾ ಜಾಳಿಜಾಗ್ಯಾಂತ್ಲೆಂ ಕೊಂಕ್ಣಿ ವಾಚ್ತಾಯ್?

ಜಾನೆಟ್: ವಯ್. ಚಡಾವತ್ ಸಗ್ಳಿ ಕೊಂಕ್ಣಿ ಪತ್ರಾಂ ಘರಾ ಯೆತಾತ್. ವೇಳ್ ಮೆಳ್ತಾನಾ ವಾಚ್ತಾಂವ್. ರೆಗುಲಾರ್ ನ್ಹಯ್. ಒನ್ ಲಾಯ್ನ್ ವಾಚ್ತಾಂ.

ಕೊಂಕ್ಣಿ ಲೊಕಾಕ್ ’ಸೋಫಿಯಾ ಫಿಲ್ಮ್’ ಕೆದ್ನಾಂ ಪಳೆಂವ್ಕ್ ಲಾಭ್ತಲೆಂ?

ಜಾನೆಟ್:  ಪಿಂತುರಾಚೆಂ ಚಡ್ತಾವ್ ಕಾಮ್ ಜಾವ್ನ್ ಅಯ್ಲೆಂ. ಎಪ್ರಿಲಾಂತ್ ಪ್ರದರ್ಶನಾಕ್ ರಿಲೀಜ್ ಕರುಂಕ್ ಯೆವ್ಜಿಲಾಂ. ಹೆ ಸಾದಾರ್ನ್ ಬಜೆಟಿಚೆಂ ಫಿಲ್ಮ್ ತರಿ ಕ್ವಾಲಿಟಿಂತ್ ಕಾಂಯ್ಚ್ ಕಾಂಪ್ರಾಮೈಸ್ ನಾ.

ಕೊಂಕ್ಣಿ ಲೊಕಾನ್ ಹೆಂ ಪಿಂತುರ್ ಕಿತ್ಯಾಕ್ ಪಳೆಯ್ಜಾಯ್ ಮ್ಹಣ್ತಾಯ್?

ಜಾನೆಟ್: ಹೆಂ ಫಿಲ್ಮ್ ಕೊಂಕ್ಣಿ ಉಲುಂವ್ಚಾ ಹರ್ ಬೊಲಿಂಕ್ ರುಚ್ತಾ. ಹ್ಯಾ ಫಿಲ್ಮಾಂತ್ ಮೌಲ್ಯಾಂ ಅಸಾತ್. ಕುಟ್ಮಾಚ್ಯಾ ಹರ್ ವ್ಯಕ್ತಿನ್ ಪಳೆಂವ್ಕ್ ಯೊಗ್ಯ್ ಜಾಲ್ಲೆಂ .ಹಾಂತು ಅಮ್ಚೆಚ್ಚ್ ಬೊಂವಾರಾಂಚಿ ಕಾಣಿ ಅಸಾ. ಮೊಗ್,ಸಸ್ಪೆನ್ಸ್,ತ್ಯಾಗ್, ಲಿಸಾಂವ್,ಅಸ್ಚಿ ಅದ್ಬುತ್ ಕಾಣಿ.

ಪಯ್ಣಾರಿ.ಕೊಮ್ ವಾಚ್ಪ್ಯಾಂಕ್ ತುಜೆ ಸಂಧೇಶ್ ಕಸಲೆ?

ಜಾನೆಟ್: ಲೊಕಾನ್ ದಯಾ ಕರುನ್ ಪಿಂತುರ್ ಪಳೆವ್ನ್ ಸಗ್ಳೊ ಸಹಾಕಾರ್ ದಿಂವ್ಕ್ ವಿನತಿ. ನವ್ಯಾ ತಾಲೆಂತಾಂಕ್ ಉಜ್ವಾಡಾಕ್ ಹಾಡ್ಚಿ ಫುಡ್ಲಿ ಯೊಜಾನಾಂ ಅಸಾತ್. ಸರ್ವಾಚೊಂ ಸಹಾಕಾರ್ ಅಶೆತಾಂ

ಥೊಡೆ ಉಡಾಸ್

ವಾಚ್ಪ್ಯಾಂಚಿ ಅಭಿಪ್ರಾಯ್

ಬಾಯ್ ಜಾನೆಟಾಸವೆಂ ಮುಖಾಮುಖಿ ಸಂವಾದ್ ಚಲಯ್ತಾನಾ, ತಿಚ್ಯಾ ಪ್ರಾಮಾಣಿಕ್ ಅನ್ಭೋಗಾವಿಶಿಂ ಆಯ್ಕಲೆಂ, ಪಯ್ಣಾರಿ.ಕೊಮ್ ತಿಕಾ ಸರ್ವ್ ಬರೆಂ ಮಾಗ್ತಾ, ಕೊಂಕ್ಣಿ ಲೊಕಾನ್ ಖಂಡಿತ್ ಖಾಯ್ಸ್ ಕರ್ಚಿ ಕಥಾವಸ್ತ್ ಹ್ಯಾ ಫಿಲ್ಮಾಂತ್ ಆಸಾ ಮ್ಹಣುಂಕ್ ಸಭಾರ್ ಕಾರಣಾಂ ಆಸಾತ್. ಹೆಂ ಮ್ಹಜೆಂ ಬೊಲ್ಮೆ ನ್ಹಯ್, ವೇಳ್‌ಚ್ಚ್ ಹಾಚಿ ಗೊವಾಯ್ ದೀತ್.

- ಸಂ